ಶುಕ್ರವಾರ, ಡಿಸೆಂಬರ್ 6, 2019
20 °C

ಹೆಣ್ಣುಮಕ್ಕಳ ಕೈಯಲ್ಲಿ ಕುಟುಂಬದ ರಕ್ಷಣೆ: ಜ್ಯೋತಿ ಗೊಂಡಬಾಳ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Deccan Herald

ಕೊಪ್ಪಳ: ನಮ್ಮ ಕುಟುಂಬಗಳ ರಕ್ಷಣೆ ಮನೆಯ ಹೆಣ್ಣುಮಕ್ಕಳ ಕೈಯಲ್ಲಿದೆ ಎಂದು ಜ್ಯೋತಿ ಗೊಂಡಬಾಳ ಹೇಳಿದರು.

ಅವರು ನಗರದ ತೋಟದಬಾವಿ ನೃಪತುಂಗ ಶಾಲೆಯ ಆವರಣದಲ್ಲಿ ಧರ್ಮಸ್ಥಳ ಗ್ರಾಮಾಭಿವೃದ್ಧಿ ಯೋಜನೆಯ ಒಕ್ಕೂಟದ ಮಹಿಳೆಯರಿಗೆ ಹಮ್ಮಿಕೊಂಡಿದ್ದ 'ಕೌಟುಂಬಿಕ ಸಾಮರಸ್ಯ' ಕುರಿತು ತರಬೇತಿ ಕಾರ್ಯಕ್ರಮ ಉದ್ಘಾಟಿಸಿ ಮಾತನಾಡಿದರು.

ಮಹಿಳೆ ಕೇವಲ ಮನೆಯ ಕೆಲಸ, ಊಟ, ಬಟ್ಟೆ, ಬಿಟ್ಟರೆ ಬೇರೆ ಏನು ಇಲ್ಲ ಎಂದು ಭಾವಿಸಿದ್ದರೆ ಅದು ತಪ್ಪು, ಮನೆಯ ಯಜಮಾನನ್ನು ಸೇರಿದಂತೆ ಉಳಿದವರೆಲ್ಲರ ಜೊತೆ ಕುಶಲೋಪರಿ ಮಾಡುವುದು ಒಂದು ಕೌಶಲ. ಕೇವಲ ಟಿವಿಯ ಧಾರವಾಹಿಗಳಲ್ಲಿ ಮುಳುಗಿರುವ ಮನೆಯ ಹೆಣ್ಣುಮಗಳು ಕುಟುಂಬದ ಸಾಮರಸ್ಯ ಕೆಡಲು ಕಾರಣೀಕರ್ತರಾಗುತ್ತಿರುವದು ವಿಷಾದನೀಯ ಎಂದು ಹೇಳಿದರು.

ಸಾಧ್ಯವಾದಷ್ಟು ಮಟ್ಟಿಗೆ ಟಿವಿಯನ್ನು ಅಗತ್ಯಕ್ಕೆ ಮಾತ್ರ ಬಳಸಬೇಕು, ಅತಿಯಾದರೆ ಅಮೃತವೂ ವಿಷವಾಗುತ್ತದೆ. ಕುಟುಂಬದಲ್ಲಿ ಅತ್ತೆ ಸೊಸೆ, ತಾಯಿ ಮಗಳಾದಾಗ ಮಾತ್ರ ಕುಟುಂಬದ ಶ್ರೇಯೋಭಿಲಾಷೆ, ಇಲ್ಲವಾದರೆ ಮನೆಯ ಪ್ರಗತಿ ಸಾಧ್ಯವಿಲ್ಲ ಎಂದು ಹೇಳಿದರು.

ಹೆಣ್ಣುಮಕ್ಕಳು ಇತರ ಕುಟುಂಬಗಳ ಬಗ್ಗೆ ಆಡಿಕೊಳ್ಳುವದನ್ನು ಬಿಟ್ಟು, ತಮ್ಮ ಸಮಯವನ್ನು ತಿಳಿವಳಿಕೆ, ಕುಟುಂಬದ ಸರಿಯಾದ ನಿರ್ವಹಣೆ, ಮಕ್ಕಳ ಭವಿಷ್ಯದ ಬಗ್ಗೆ ಚಿಂತಿಸಬೇಕು ಎಂದು ಹೇಳಿದರು.

ಕಾರ್ಯಕ್ರಮದಲ್ಲಿ ನಗರಸಭೆ ಸದಸ್ಯೆ ಬಸಮ್ಮ ದಿವಟರ್, ಒಕ್ಕೂಟದ ಅಧ್ಯಕ್ಷೆ ವೈಜಯಂತಿ, ಸೇವಾ ಪ್ರತಿನಿಧಿ ರೂಪಾ, ಒಕ್ಕೂಟದ ಮಾಜಿ ಅಧ್ಯಕ್ಷೆ ಜಯಶ್ರೀ, ಒಕ್ಕೂಟದ ಉಪಾಧ್ಯಕ್ಷೆ ಸೀತಾ, ಜ್ಞಾನ ವಿಕಾಸ ಯೋಜನೆಯ ಸಮನ್ವಯಾಧಿಕಾರಿ ರಮ್ಯಾ ಇತರರು ಇದ್ದರು.

ಪ್ರತಿಕ್ರಿಯಿಸಿ (+)

ಈ ವಿಭಾಗದಿಂದ ಇನ್ನಷ್ಟು