ಕುಷ್ಟಗಿ: ಹಳಿ ಏರದ ರೈಲು, ಕನಸು ನನಸಿಗೆ ಇನ್ನೆಷ್ಟು ದಿನ?

ಲೋಕಸಭೆ ಚುನಾವಣೆಯಲ್ಲಿ ಪುನಃ ಸ್ಪರ್ಧಿಸುವ ಇಚ್ಛೆ ಹೊಂದಿದ್ದ ಮಾಜಿ ಸಂಸದ ಸಂಗಣ್ಣ ಕರಡಿ ಜನರ ಮನ ಒಲಿಸಿಕೊಳ್ಳುವ ಭಾಗವಾಗಿ ಗದಗ ವಾಡಿ ರೈಲು ಮಾರ್ಗದ ಕಾಮಗಾರಿ ವಿಷಯದಲ್ಲಿ ಬಹಳಷ್ಟು ಮುತುವರ್ಜಿವಹಿಸಿ ಪ್ರತಿ ಹಂತದಲ್ಲೂ ಕಾಮಗಾರಿ ವೀಕ್ಷಿಸುತ್ತಿದುದನ್ನು ಈ ಭಾಗದ ಜನ ಗಮನಿಸಿದ್ದರು. ಪಟ್ಟುಹಿಡಿದು ರೈಲ್ವೆ ಎಂಜಿನ್‌ ಆದರೂ ಬಂದು ಹೋಗಿದ್ದರಲ್ಲಿ ಸಂಗಣ್ಣ ಅವರ ಶ್ರಮವನ್ನು ಅಲ್ಲಗಳೆಯುವಂತಿರಲಿಲ್ಲ. ಆದರೆ ಅವರು ಚುನಾವಣೆಗೆ ಅವರು ಸ್ಪರ್ಧಿಸಲಿಲ್ಲ ಚುನಾವಣೆ ನಂತರ ಕೆಲಸವೂ ಆಮೆಗತಿಯಲ್ಲಿ ಸಾಗುವಂತಾಯಿತು. ಹಾಲಿ ಸಂಸದ ರಾಜಶೇಖರ ಹಿಟ್ನಾಳ ಒಂದು ಬಾರಿಯೂ ರೈಲ್ವೆ ಕಾಮಗಾರಿಯ ಬಗ್ಗೆ ಗಮನಹರಿಸಿಲ್ಲ ಎಂದು ಪಟ್ಟಣದ ಬಸವರಾಜ ಪಾಟೀಲ ವೀರಣ್ಣ ಇತರರು ಬೇಸರ ವ್ಯಕ್ತಪಡಿಸಿದರು. ಈ ಬಗ್ಗೆ ಹಲವು ದಿನಗಳಿಂದ ಸಂಪರ್ಕಿಸಿದರೂ ಸಂಸದ ರಾಜಶೇಖರ ಹಿಟ್ನಾಳ ದೂರವಾಣಿ ಕರೆ ಸ್ವೀಕರಿಸಲಿಲ್ಲ.