ಕನಕಗಿರಿ: ಪಟ್ಟಣದ ಛಲವಾದಿ ಓಣಿಯಲ್ಲಿ 2023ರ ನವೆಂಬರ್ 1ರಂದು ನಡೆದಿದ್ದ ಕಳ್ಳತನಕ್ಕೆ ಸಂಬಂಧಿಸಿದಂತೆ ಅಪರಾಧಿ ಗುನ್ನಾಳ ಗ್ರಾಮದ ಮಂಜುನಾಥ ಮರಿಯಪ್ಪ ಎಂಬ ವ್ಯಕ್ತಿಗೆ ಶಿಕ್ಷೆ ವಿಧಿಸಲಾಗಿದೆ. ಆರೋಪಿತನು ನಗದು ಹಾಗೂ ಬಂಗಾರದ ಆಭರಣ ಕಳ್ಳತನ ಮಾಡಿದ್ದನು. ಜಪ್ತಿ ಪಡಿಸಿಕೊಂಡ ಸಾಮಾಗ್ರಿಗಳ ಸಾಕ್ಷಾಧಾರಗಳಿಂದ ಕಳ್ಳತನ ದೃಢಪಟ್ಟಿತ್ತು.
ದೋಷಾರೋಪಣ ಪಟ್ಟಿಯನ್ನು ಆಗಿನ ತನಿಖಾಧಿಕಾರಿಯಾಗಿದ್ದ ಸಹಾಯಕ ಸಬ್ ಇನ್ಸ್ಪೆಕ್ಟರ್ ಸಿದ್ದಪ್ಪ ನ್ಯಾಯಾಲಯಕ್ಕೆ ಸಲ್ಲಿಸಿದರು.
ಗಂಗಾವತಿಯ ಹೆಚ್ಚುವರಿ ಸಿವಿಲ್ ಮತ್ತು ಜೆ.ಎಂ.ಎಫ್.ಸಿ. ನ್ಯಾಯಾಲಯದ ನ್ಯಾಯಾಧೀಶ ನಾಗೇಶ ಪಾಟೀಲ ಪ್ರಕರಣದ ವಿಚಾರಣೆ ನಡೆಸಿ ಅಪರಾಧಕ್ಕೆ 3 ವರ್ಷ ಜೈಲು ಮತ್ತು ₹5000 ದಂಡ ವಿಧಿಸಿ ಆದೇಶಿಸಿದ್ದಾರೆ. ಸರ್ಕಾರದ ಪರವಾಗಿ ಸಹಾಯಕ ಸರ್ಕಾರಿ ಅಭಿಯೋಜಕ ಕರುಣಾಕರ ವಾದ ಮಂಡಿಸಿದ್ದರು.
