‘ಎಲ್ಲರಿಗೂ ಸಚಿವ ಸ್ಥಾನ ಅಸಾಧ್ಯ’

ತಾಲ್ಲೂಕಿನ ಆದಿಚುಂಚನಗಿರಿಯಲ್ಲಿ ಶುಕ್ರವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ‘ಸಚಿವ ಸಂಪುಟದಲ್ಲಿ ಕೆಲವು ಶಾಸಕರಿಗೆ ಮಾತ್ರ ಸಚಿವ ಸ್ಥಾನ ನೀಡಲಾಗಿದೆ. ಆದ್ದರಿಂದ ಸ್ವಾಭಾವಿಕವಾಗಿ ಕೆಲವರು ತಮ್ಮ ಭಾವನೆಗಳನ್ನು ಹೊರಹಾಕಿದ್ದಾರೆ. ಕೆಲವು ಶಾಸಕರಲ್ಲಿ ಭಿನ್ನಮತವೂ ಇದೆ. ಒಂದು ಕಾಲದಲ್ಲಿ 85 ಸಚಿವರಿದ್ದರು. ಈಗ 33 ಜನರಿಗೆ ಮಾತ್ರ ಮಂತ್ರಿ ಸ್ಥಾನ ನೀಡಲು ಅವಕಾಶವಿದೆ’ ಎಂದರು..

‘ರಾಜ್ಯದ ಜನರ ಹಿತವನ್ನು ಗಮನದಲ್ಲಿರಿಸಿ ಕೊಂಡು ಪಕ್ಷದ ಸೈದ್ಧಾಂತಿಕ ವಿಚಾರಕ್ಕೆ ಪೂರಕವಾಗಿ ಮಂತ್ರಿಮಂಡಲ ಅಭಿವೃದ್ಧಿ ಕೆಲಸ ಮಾಡಿದಾಗ ಜನರು ತೃಪ್ತರಾಗುತ್ತಾರೆ. ರಾಜ್ಯದ ಜನ ನಮ್ಮ ಸಚಿವ ಸಂಪುಟದ ಕಾರ್ಯಗಳನ್ನು ತೃಪ್ತಿ ಪಟ್ಟುಕೊಂಡರೆ ಭಿನ್ನಮತ ಉಂಟಾಗುವುದಿಲ್ಲ’ ಎಂದರು.

‘ವ್ಯಕ್ತಿಗತ ಕಾರಣಕ್ಕೆ ಭಿನ್ನಮತ ಉಂಟಾದರೆ ಪಕ್ಷದ ಮೇಲೆ ಯಾವುದೇ ಪರಿಣಾಮ ಬೀರುವುದಿಲ್ಲ. ರಾಜ್ಯದ ಜನತೆಯ ಹಿತವನ್ನು ಆದ್ಯತೆಯಾಗಿ ಇಟ್ಟುಕೊಂಡು ಮಂತ್ರಿಯಾದವರು ಇದೊಂದು ಸೇವೆ ಎಂದು ಭಾವಿಸಿ ಉತ್ತಮವಾಗಿ ಕೆಲಸ ಮಾಡಿದರೆ ಜನ ಒಪ್ಪಿಕೊಳ್ಳುತ್ತಾರೆ. ಆದ್ದರಿಂದ ಶಾಸಕರು ಎಚ್ಚರವಹಿಸುವ ಅವಶ್ಯಕತೆಯಿದೆ’ ಎಂದರು.