ಇಬ್ಬರ ಸಾವು: 66 ಮಂದಿಗೆ ಕೋವಿಡ್‌

ಮದ್ದೂರು ತಾಲ್ಲೂಕಿನ 67 ವರ್ಷದ ವ್ಯಕ್ತಿ, 80 ವರ್ಷ ವಯಸ್ಸಿನ ವೃದ್ಧ ಮೃತಪಟ್ಟಿದ್ದಾರೆ. ಇಬ್ಬರಿಗೂ ನ್ಯೂಮೊನಿಯಾ ಸೇರಿದಂತೆ ಇತರ ಆರೋಗ್ಯ ಸಮಸ್ಯೆಗಳಿದ್ದವು. ಕೋವಿಡ್‌ ಕಾರ್ಯಸೂಚಿಯಂತೆ ಅವರ ಅಂತ್ಯಕ್ರಿಯೆ ನೆರವೇರಿಸಲಾಯಿತು.

ಶುಕ್ರವಾರ ಹೊಸದಾಗಿ ಮಂಡ್ಯ ತಾಲ್ಲೂಕಿನ 22 ಮಂದಿ, ಕೆ.ಆರ್‌.ಪೇಟೆ 15, ಪಾಂಡವಪುರ 9, ಶ್ರೀರಂಗಪಟ್ಟಣ, ನಾಗಮಂಗಲ ತಲಾ 8, ಮಳವಳ್ಳಿ ತಾಲ್ಲೂಕಿನ ನಾಲ್ವರಲ್ಲಿ ಕೋವಿಡ್‌ ಪತ್ತೆಯಾಗಿದೆ. ಕೋವಿಡ್‌ನಿಂದ ಗುಣಮುಖರಾದ 108 ಮಂದಿ ಶುಕ್ರವಾರ ಆಸ್ಪತ್ರೆಯಿಂದ ಮನೆಗೆ ತೆರಳಿದ್ದಾರೆ. ಮಂಡ್ಯ ತಾಲ್ಲೂಕಿನ 75, ಶ್ರೀರಂಗಪಟ್ಟಣ 14, ನಾಗಮಂಗಲ 8, ಮದ್ದೂರು 6, ಪಾಂಡವಪುರ 2 ಮಂದಿಯನ್ನು ಮನೆಗೆ ಕಳುಹಿಸಲಾಯಿತು.

ಒಟ್ಟು ರೋಗಿಗಳಲ್ಲಿ 6,919 ಮಂದಿ ಗುಣಮುಖರಾಗಿದ್ಧಾರೆ. 1,895 ಪ್ರಕರಣಗಳು ಸಕ್ರಿಯಾಗಿವೆ. ಇಲ್ಲಿಯವರೆಗೆ 1,06,604 ಮಂದಿಗೆ ಕೋವಿಡ್‌ ಪರೀಕ್ಷೆ ನಡೆಸಲಾಗಿದೆ.