ದೇವಲಾಪುರ ಕೆರೆಗೆ ನೀರು ಹರಿಸಲು ಪ್ರಾಮಾಣಿಕ ಯತ್ನ

7
ಶಾಸಕ ಸುರೇಶ ಗೌಡ

ದೇವಲಾಪುರ ಕೆರೆಗೆ ನೀರು ಹರಿಸಲು ಪ್ರಾಮಾಣಿಕ ಯತ್ನ

Published:
Updated:
Deccan Herald

ನಾಗಮಂಗಲ: ತಾಲ್ಲೂಕಿನ ಅತ್ಯಂತ ಬರಪೀಡಿತ ಹೋಬಳಿ ದೇವಲಾಪುರದ ಕೆರೆಗೆ ನೀರು ತುಂಬಿಸಲು ತೀವ್ರತರದ ಯತ್ನ ಮಾಡುತ್ತಿರುವುದಾಗಿ ಶಾಸಕ ಸುರೇಶ್ ಗೌಡ ಹೇಳಿದರು.

ತಾಲ್ಲೂಕಿನ ಹೊಣಕೆರೆ ಹೋಬಳಿಯ ಶ್ಯಾನುಬೋಗನಹಳ್ಳಿ ಗ್ರಾಮದ ಬಳಿ ಹೇಮಾವತಿ ನಾಲೆಯಲ್ಲಿ ಹರಿದು ಬರುತ್ತಿರುವ ನೀರಿನ ಪ್ರಮಾಣ ಪರಿಶೀಲಿಸಿದ ನಂತರ ಶನಿವಾರ ಅವರು ಮಾತನಾಡಿದರು.

ತಾಲ್ಲೂಕಿನಲ್ಲಿ ಹಲವು ಕೆರೆಗಳು ನೀರಿನ ಕೊರತೆಯಿಂದ ಬತ್ತಿಹೋಗಿವೆ. ಅದರಲ್ಲೂ ಅತ್ಯಂತ ಬರಪೀಡಿತ ಹೋಬಳಿ ದೇವಲಾಪುರ ಹೋಬಳಿಯ ಕೇಂದ್ರ ಸ್ಥಾನದ ಕೆರೆಗೆ ನೀರು ಹರಿಸಲು ಹೆಚ್ಚಿನ ಒತ್ತು ನೀಡಲಾಗಿದೆ. ಈಗಾಗಲೇ ನಾಗಮಂಗಲ ಶಾಖಾ ಕಾಲುವೆ ಮೂಲಕ ಬೆಳ್ಳೂರು, ಬಿಂಡಿಗನವಿಲೆ, ಕಸಬಾ ಮತ್ತು ದೇವಲಾಪುರ ಹೋಬಳಿಯ ಹಲವು ಕೆರೆಗಳಿಗೆ ನೀರು ಪೂರೈಸುವ ಪ್ರಕ್ರಿಯೆ ಚಾಲ್ತಿಯಲ್ಲಿದೆ ಎಂದರು.

‘ಈಗ ಹೇಮಾವತಿ ಎಡದಂಡೆ ಕಾಲುವೆ ಮೂಲಕ ಹೊಣಕೆರೆ, ಕಸಬಾ ಮತ್ತು ದೇವಲಾಪುರದ ಇನ್ನಷ್ಟು ಕೆರೆಗಳಿಗೆ ನೀರು ಹರಿಸಲಾಗುತ್ತಿದೆ. ನಾಲೆಗಳಲ್ಲಿ  ಎಷ್ಟು ಪ್ರಮಾಣದ ನೀರು ಬರುತ್ತಿದೆ, ಅದು ಸಮರ್ಪಕವಾಗಿ ಹರಿಯುತ್ತಿದೆಯೇ ಎಂದು ನೋಡಲು ನಾಲೆಗಳ ಮೇಲೆ ಸಂಚರಿಸುತ್ತಿದ್ದೇನೆ’ ಎಂದು ಹೇಳಿದರು.

ನಂತರ ಶಾಸಕರು ದೇವಲಾಪುರ ಬಳಿಯ ಮೂರು ಹಳ್ಳಗಳ ಬಳಿ ಹೇಮಾವತಿ ನೀರು ಹರಿದು ದೇವಲಾಪುರ ಕೆರೆಗೆ ಹೋಗುವ ಜಾಗವನ್ನು ಪರಿಶೀಲಿಸಿದರು.

ಎಪಿಎಂಸಿ ನಿರ್ದೇಶಕ ಎಂ.ಸಿ.ಚನ್ನಪ್ಪ, ಕುರುಬರ ಸಂಘದ ತಾಲ್ಲೂಕು ಘಟಕದ ಅಧ್ಯಕ್ಷ ಬಸವೇಗೌಡ, ಮುಖಂಡ ಕೆಂಪೇಗೌಡ ಇದ್ದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !