ಡಾ.ನಾಗರಾಜು ಅವರ ತೋಟದಲ್ಲಿ 180 ತೆಂಗು, 150 ಅಡಿಕೆ, 50 ಕಾಳು ಮೆಣಸು, 15 ಮಾವು, 80 ಸಪೋಟ, 10 ಹಲಸಿನ ಮರಗಳಿವೆ. 350 ತೇಗದ ಮರಗಳು ದಷ್ಟಪುಷ್ಟವಾಗಿ ಬೆಳೆಯುತ್ತಿವೆ. ದಾಳಿಂಬೆ, ಜಂಬುನೇರಳೆ, ಚಕೋತ, ನಿಂಬೆ, ಇರಳಿ(ಹೇರಳೆ), ಸೀತಾಫಲ, ರಾಮಫಲ, ಕ್ಯಾನ್ಸರ್ ಚಿಕಿತ್ಸೆಯಲ್ಲಿ ಬಳಸುವ ಲಕ್ಷ್ಮಣ ಫಲ, ಬಾಳೆ, ನೆಲ್ಲಿ, ಸೀಬೆ, ವೀಳ್ಯದೆಲೆ, ಕೊಂಬ್ರಾಕ್ಷಿ (ಸ್ಟಾರ್ ಫ್ರೂಟ್), ಕಿತ್ತಳೆ, ಬಟರ್ ಫ್ರೂಟ್, ಅಂಜೂರ, ಬಿಲ್ವ ಪತ್ರೆ ಗಿಡಗಳನ್ನೂ ಇಲ್ಲಿ ಬೆಳೆಯಲಾಗಿದೆ. ಪ್ರಾಯೋಗಿಕವಾಗಿ 10 ಕಾಫಿ ಗಿಡಗಳನ್ನು ನೆಟಿದ್ದು, ಫಲಕ್ಕೆ ಬಂದಿವೆ.