ಮದ್ದೂರು: ದನಗಳ ಜಾತ್ರೆ ಆರಂಭ

ಈ ಬಾರಿ ಶಾಸಕ ಕೆ.ಎಂ ಉದಯ್ ಅವರು ತಮ್ಮ ಕದಲೂರು ಉದಯ್ ಚಾರಿಟಬಲ್ ಟ್ರಸ್ಟ್ ವತಿಯಿಂದ ಆಯೋಜಿಸಿರುವ ‘ಮದ್ದೂರು ಉತ್ಸವ’ದ ಭಾಗವಾಗಿ ಭಾರಿ ದನಗಳ ಜಾತ್ರೆಯಲ್ಲಿ ಭಾಗವಹಿಸುವ ಉತ್ತಮ ರಾಸುಗಳಿಗೆ ಮೊದಲನೇ ಚಾoಪಿಯನ್‌ಗೆ ₹2 ಲಕ್ಷ, ಎರಡನೇ ಚಾoಪಿಯನ್‌ಗೆ ₹1 ಲಕ್ಷ, ಮೂರನೇ ಚಾoಪಿಯನ್‌ಗೆ ₹50 ಸಾವಿರ ಸೇರಿದಂತೆ 10 ರಾಸುಗಳಿಗೆ ₹10 ಸಾವಿರ ರೂಪಾಯಿ ಸಮಾಧಾನಕರ ಬಹುಮಾನವನ್ನು ನೀಡುತ್ತಿದೆ. ಆದ್ದರಿಂದ ಈ ಬಾರಿಯ ದನಗಳ ಜಾತ್ರೆಯಲ್ಲಿ ರಾಸುಗಳ ಸಂಖ್ಯೆ ಹೆಚ್ಚಾಗುವ ನಿರೀಕ್ಷೆ ಇದೆ. ಅಷ್ಟೇ ಅಲ್ಲದೇ ದನಗಳ ಜಾತ್ರೆಯಲ್ಲಿ ಪಾಲ್ಗೊಳ್ಳುವ ರಾಸುಗಳ ಸುಂಕವನ್ನೂ ಟ್ರಸ್ಟ್ ವತಿಯಿಂದಲೇ ಭರಿಸಲಾಗುತ್ತಿದೆ.

ಮದ್ದೂರಮ್ಮನವರ ಜಾತ್ರಾ ಮಹೋತ್ಸವದ ಅಂಗವಾಗಿ ಪ್ರತಿವರ್ಷದಂತೆ ನಡೆಯುವ ಭಾರಿ ದನಗಳ ಜಾತ್ರೆಯು ಆರಂಭ ಆಗಿದೆ. ತಾಲ್ಲೂಕು ಆಡಳಿತ ಹಾಗೂ ಸ್ಥಳೀಯ ನಗರಸಭೆಯಿಂದ ಹಲವು ಕಡೆಗಳಿಂದ ಬರುವ ರಾಸುಗಳು ಸೇರಿದಂತೆ ರೈತರು ತಂಗಲು ಸೂಕ್ತ ವ್ಯವಸ್ಥೆ ಮಾಡಬೇಕು. ಬೇಸಿಗೆಯ ಹಿನ್ನೆಲೆಯಲ್ಲಿ ಕುಡಿಯುವ ನೀರಿನ ಪೂರೈಕೆಗೆ ಅಗತ್ಯ ಕ್ರಮವನ್ನು ಕೈಗೊಳ್ಳಬೇಕು ಎಂದು ಒತ್ತಾಯಿಸುತ್ತಾರೆ ಸ್ಥಳೀಯರಾದ ಮ.ನ. ಪ್ರಸನ್ನ ಕುಮಾರ್.