‘ರ‍್ಯಾಂಬೊ’ ಸಾವಿಗೆ ಕಂಬನಿ ಮಿಡಿದ ಪೊಲೀಸರು

ಲ್ಯಾಬ್ರೇಡರ್‌ ತಳಿಯ ಈ ಗಂಡುನಾಯಿ ಜಿಲ್ಲಾ ಸಶಸ್ತ್ರ ಮೀಸಲು ಪಡೆಯ ಪೊಲೀಸರ ಜೊತೆ ಕರ್ತವ್ಯ ನಿರ್ವಹಿಸುತ್ತಿತ್ತು. 2007ರಲ್ಲಿ ಹುಟ್ಟಿದ ನಾಯಿಯನ್ನು 2008ರಲ್ಲಿ ಮಂಡ್ಯಕ್ಕೆ ತರಲಾಗಿತ್ತು. ಆಗಿನಿಂದಲೂ ಪೊಲೀಸರ ಜೊತೆ ಉತ್ತಮ ಬಾಂಧವ್ಯ ಹೊಂದಿತ್ತು. ವಯೋಸಹಜ ಕಾಯಿಲೆಯಿಂದ ಬಳಲುತ್ತಿದ್ದ ನಾಯಿಗೆ ಚಿಕಿತ್ಸೆ ನೀಡಲಾಗುತ್ತಿತ್ತು. ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟ ಕಾರಣ ಪೊಲೀಸ್‌ ಸಿಬ್ಬಂದಿ ಸಿಬ್ಬಂದಿ ಕಂಬನಿ ಮಿಡಿದರು.

‘ರ‍್ಯಾಂಬೊ ನೀಡಿರುವ ಸೇವೆಯನ್ನು ಪೊಲೀಸ್‌ ಇಲಾಖೆ ಸದಾ ನೆನೆಯುತ್ತದೆ’ ಎಂದು ಜಿಲ್ಲಾ ಪೊಲೀಸ್‌ ವರಿಷ್ಠಾಧಿಕಾರಿ ಕೆ.ಪರಶುರಾಮ್‌ ಹೇಳಿದರು.