ಪಟ್ಟಣದ ಚಾಮುಂಡೇಶ್ವರಿ ದೇವಾಲಯದಲ್ಲಿರುವ ಈ ಉತ್ಸವ ಮೂರ್ತಿಯನ್ನು ದಸರಾ ಆಚರಣೆ ವೇಳೆ ಅಲಂಕರಿಸಿ ಮೆರವಣಿಗೆ ಮಾಡಲಾಗುತ್ತದೆ. ಪೀಠದಿಂದ ತುದಿಯವರೆಗೆ 5 ಅಡಿ ಎತ್ತರವಿರುವ ದೇವಿಯ ವಿಗ್ರಹ 250 ಕೆ.ಜಿ ತೂಕವಿದೆ. 2008ರಿಂದ ನಡೆದಿರುವ ದಸರಾ ಉತ್ಸವದಲ್ಲಿ 8 ಬಾರಿ ಅಭಿಮನ್ಯು ಆನೆ ಈ ಉತ್ಸವ ಮೂರ್ತಿಯನ್ನು ಹೊತ್ತು ಸಾಗಿದ ಹೆಗ್ಗಳಿಕೆ ಉಂಟು. ಸಿಂಹ ವಾಹಿನಿಯಾಗಿರುವ ಚಾಮುಂಡೇಶ್ವರಿ ದೇವಿಯ ಮೂರ್ತಿ ಎಂಟು ಕೈಗಳನ್ನು (ಅಷ್ಟಭುಜೆ) ಹೊಂದಿದೆ. ಕೈಗಳಲ್ಲಿ ಶಂಖ, ಚಕ್ರ, ಗದೆ, ಧನಸ್ಸು, ಭೂಸುಂಡಿ, ತ್ರಿಶೂಲ, ಕಮಲ ಹಿಡಿದಿದ್ದಾಳೆ. ಮತ್ತೊಂದು ಕರದಲ್ಲಿ ದೇವಿಯು ಭಕ್ತರಿಗೆ ಅಭಯ ನೀಡುತ್ತಿದ್ದಾಳೆ.