ಈ ಕುರಿತು ಪ್ರತಿಕ್ರಿಯಿಸಿರುವ ಹಿರಿಯ ಅಧಿಕಾರಿಗಳು, ‘ಇದೊಂದು ತಮಾಷೆಯ ಪ್ರಸಂಗವಷ್ಟೇ. ರಜೆ ಬೇಕು ಎಂಬ ಅರ್ಜಿಯನ್ನು ಕಚೇರಿಯ ಸಿಬ್ಬಂದಿಯೊಬ್ಬರು ಹಾಸ್ಯಕ್ಕಾಗಿ ಟೈಪ್ ಮಾಡಿದ್ದರು. ಇದಕ್ಕೆ ಎಎಸ್ಐ ಸಹಿ ಹಾಕಿ ನಂತರ ಓದಿದ್ದಾರೆ. ಸದಾ ಬಿಗುವಿನಿಂದ ಕೂಡಿದ್ದ ಠಾಣೆಯಲ್ಲಿ ಇದರಿಂದ ಒಮ್ಮೆಲೆ ನಗೆಯ ಬುಗ್ಗೆ ಚಿಮ್ಮಿದೆ. ನಂತರ, ಆ ಪತ್ರವನ್ನು ಹರಿದು ಹಾಕಿ ಮತ್ತೊಂದು ಪತ್ರ ಟೈಪ್ ಮಾಡಿ ರಜೆ ಕೋರಿದ್ದಾರೆ. ಆದರೆ, ಈ ಪತ್ರವನ್ನೇ ಮೊಬೈಲ್ನಲ್ಲಿ ಸೆರೆ ಹಿಡಿದ ಸಿಬ್ಬಂದಿಯೊಬ್ಬರು ವಾಟ್ಸ್ಆ್ಯಪ್ನಲ್ಲಿ ತಮಾಷೆಗಾಗಿ ಹಂಚಿಕೊಂಡಿದ್ದಾರೆ’ ಎಂದು ಸ್ಪಷ್ಟಪಡಿಸಿದ್ದಾರೆ.