ಹಾಸನ: ‘ಜೆಡಿಎಸ್-ಬಿಜೆಪಿ ಒಂದಾದರೂ ಚಾಮುಂಡೇಶ್ವರಿ ಕ್ಷೇತ್ರದಲ್ಲಿ ನನ್ನನ್ನು ಸೋಲಿಸಲು ಆಗಲ್ಲ’ ಎಂಬ ಮುಖ್ಯಮಂತ್ರಿ ಸಿದ್ದರಾಮಯ್ಯ ಹೇಳಿಕೆಗೆ, ‘ಚುನಾವಣೆಗೆ ಇನ್ನೂ 40 ದಿನ ಇದೆ. ಅಲ್ಲಿಯವರೆಗೂ ಕಾದು ನೋಡಲಿ’ ಎಂದು ಸಂಸದ ಎಚ್.ಡಿ.ದೇವೇಗೌಡ ತೀರುಗೇಟು ನೀಡಿದರು.ನಗರದಲ್ಲಿ ಸುದ್ದಿಗಾರರ ಜತೆ ಮಾತನಾಡಿದ ಅವರು, ‘ಚಾಮುಂಡೇಶ್ವರಿ ಕ್ಷೇತ್ರಕ್ಕೆ ಹೋಗುವ ಕಾಲ ಬಂದಿಲ್ಲ. ಮುಂದಿನ ವಾರ ಹೋಗುವೆ. ಎಂಥಾ ದೊಡ್ಡ ಮನುಷ್ಯರಾಗಲೀ, ಅವರನ್ನು ಸೋಲಿಸುವ ಶಕ್ತಿ ಜನರಿಗಿದೆ. ಇದಕ್ಕೆ ಸಾಕ್ಷಿ ಎಂಬಂತೆ ಇಂದಿರಾಗಾಂಧಿ, ಕಾಮರಾಜ್ ನಾಯ್ಡು ಹಾಗೂ ನಾನು ಸೋತಿಲ್ಲವೇ? ಯಾರೇ ಆಗಲಿ ಗರ್ವದಿಂದ ಮಾತನಾಡಬಾರದು. ತೀರ್ಮಾನ ಮಾಡುವವರು ಮಹಾಜನತೆ’ ಎಂದು ಸಿದ್ದರಾಮಯ್ಯಗೆ ಎಚ್ಚರಿಕೆ ನೀಡಿದರು.ನಾಲ್ಕು ಮುಕ್ಕಾಲು ವರ್ಷಗಳಿಂದ ಸ್ವ ಕ್ಷೇತ್ರಕ್ಕೆ ಭೇಟಿ ನೀಡದವರಿಗೆ ಈಗ ಜನರ ಮೇಲೆ ದಿಢೀರ್ ಪ್ರೀತಿ ಉಕ್ಕಿ ಒಂದೇ ದಿನ 22 ಹಳ್ಳಿ ಸುತ್ತಿದ್ದಾರೆ. ಏನು ಆಶ್ಚರ್ಯ ಎಂದು ಗೌಡರು ವ್ಯಂಗ್ಯವಾಡಿದರು.
