‘ನಮ್ಮ ಭಾಗದಲ್ಲಿ ಬೈಬಲ್ ರೀತಿ ಏನು ಇಲ್ಲವೇ ಎಂದು ಚಿಂತಿಸಿ, ವಚನ ಸಾಹಿತ್ಯ ಶೋಧನೆಯಲ್ಲಿ ತೊಡಗಿಸಿಕೊಂಡಿದ್ದರು. ವಚನ ಸಾಹಿತ್ಯ ಕುರಿತು ಸಾಕಷ್ಟು ಸಂಶೋಧನೆ ನಡೆದಿದೆ. ಹಳಕಟ್ಟಿ ಅವರು ವಚನಕಾರರ ಅನೇಕ ಹಸ್ತಪ್ರತಿ ಸಂಗ್ರಹಿಸಿದರು. ಹಳ್ಳಿ ಹಳ್ಳಿಗೆ ಹೋಗಿ ಹಸ್ತಪ್ರತಿ ಸಂಗ್ರಹಿಸುತ್ತಾ, ಹಲವು ವಚನಕಾರರ ವಚನಗಳ ಪ್ರಕಟಣೆ ಕ್ರಮ ಕೈಗೊಂಡರು. ಮನೆ ಮಾರಿ, ಪ್ರಕಟಣೆಗೆ ಬೇಕಾದ ಸಲಕರಣೆಗಳನ್ನು ಖರೀದಿಸಿದ್ದರು. ವಚನಕಾರರ ವಚನಗಳ 46 ಕೃತಿಗಳನ್ನು ಪ್ರಕಟಿಸಿದ್ದಾರೆ’ ಎಂದು ತಿಳಿಸಿದರು.