ಕೆ.ಆರ್.ನಗರ: ಚಿರತೆ ಮರಿ ರಕ್ಷಣೆ

ಗ್ರಾಮದ ರೈತರೊಬ್ಬರು ಗುರುವಾರ ಕಬ್ಬಿನ ಗದ್ದೆಗೆ ಹೋದಾಗ ಚಿರತೆ ಮರಿ ಕಾಣಿಸಿದೆ. ರೈತ ಆ ಮರಿಯನ್ನು ರಕ್ಷಣೆ ಮಾಡಿದ್ದರು. ಈ ವಿಷಯ ತಿಳಿದ ಪಿಡಿಒ ಸಂತೋಷ್‌ ಅವರು ಮರಿಯನ್ನು ವಶಕ್ಕೆ ಪಡೆದು, ಅರಣ್ಯ ಇಲಾಖೆ ಅಧಿಕಾರಿಗಳ ಗಮನಕ್ಕೆ ತಂದರು. ಅರಣ್ಯ ಇಲಾಖೆ ಅಧಿಕಾರಿಗಳು ಸ್ಥಳಕ್ಕೆ ತೆರಳಿ ಮರಿಯನ್ನು ವಶಕ್ಕೆ ಪಡೆದರು.

ಚಿರತೆ ಮರಿಗೆ ಪಶು ವೈದ್ಯಾಧಿಕಾರಿಗಳು ಆರೋಗ್ಯ ತಪಾಸಣೆ ಮಾಡಿದರು. ಬಳಿಕ, ಮೈಸೂರಿನ ಇಲವಾಲದ ಬಳಿ ಇರುವ ಪ್ರಾಣಿಗಳ ಆರೈಕೆ ಘಟಕಕ್ಕೆ ಕಳುಹಿಸಿಕೊಡಲಾಗಿದೆ ಎಂದು ಉಪ ವಲಯ ಅರಣ್ಯಾಧಿಕಾರಿ ಬಿ.ಎನ್.ಕುಮಾರ್ ತಿಳಿಸಿದ್ದಾರೆ.