ಬುಡಕಟ್ಟು ಸಂಸ್ಕೃತಿ ಉಳಿಸುವುದೂ ಅಭಿವೃದ್ಧಿಯೇ

7
ಕೋಲ್ಕತ್ತಾದ ಭಾರತೀಯ ಮಾನವಶಾಸ್ತ್ರ ಸಂಸ್ಥೆಯ ಉಪ ನಿರ್ದೇಶಕ ಡಾ.ಎಂ.ಸಸಿಕುಮಾರ್ ಅಭಿಮತ

ಬುಡಕಟ್ಟು ಸಂಸ್ಕೃತಿ ಉಳಿಸುವುದೂ ಅಭಿವೃದ್ಧಿಯೇ

Published:
Updated:
Deccan Herald

ಮೈಸೂರು: ಬುಡಕಟ್ಟು ಜನಾಂಗಗಳನ್ನು ಮುಖ್ಯವಾಹಿನಿಗೆ ಸೇರಿಸುವ ಬದಲು, ಅವರ ಸ್ಥಳದಲ್ಲೇ ಅಭಿವೃದ್ಧಿಪಡಿಸುವುದು ಒಳಿತು ಎಂದು ಕೋಲ್ಕತ್ತಾದ ಭಾರತೀಯ ಮಾನವಶಾಸ್ತ್ರ ಸರ್ವೇಕ್ಷಣಾ ಸಂಸ್ಥೆಯ ಉಪ ನಿರ್ದೇಶಕ ಡಾ.ಎಂ.ಸಸಿಕುಮಾರ್ ಅಭಿಪ‍್ರಾಯ‍ಪಟ್ಟರು.

ಸಾಮಾಜಿಕ ಹೊರಗುಳಿಯುವಿಕೆ ಮತ್ತು ಒಳಗೊಳ್ಳುವಿಕೆ ನೀತಿ ಅಧ್ಯಯನ ಕೇಂದ್ರ, ಮೈಸೂರು ವಿಶ್ವವಿದ್ಯಾನಿಲಯ, ಅಂತರ್ಗತ ಬೆಳವಣಿಗೆ ಅಭಿವೃದ್ಧಿ ಮತ್ತು ಸಂಶೋಧನಾ ಕೇಂದ್ರ, ಬಾಸುದೇವ ಸೋಮಾನಿ ಕಾಲೇಜು ವತಿಯಿಂದ ಸೋಮವಾರ ಹಮ್ಮಿಕೊಂಡಿದ್ದ ಬುಡಕಟ್ಟು ಅಭಿವೃದ್ಧಿ ಹಾಗೂ ಕಾರ್ಪೊರೇಟ್ ಸೋಷಿಯಲ್ ರೆಸ್ಪಾನ್ಸಿಬಿಲಿಟಿ ಕುರಿತು ವಿಚಾರಸಂಕಿರಣವನ್ನು ಉದ್ಘಾಟಿಸಿ ಅವರು ಮಾತನಾಡಿದರು.

ಗಿರಿಜನರಿಗೆ ಶಿಕ್ಷಣ ನೀಡಿ, ಅವರಿಗೆ ಉದ್ಯೋಗ ದೊರಕಿಸಿಕೊಡುವುದೇ ಅಭಿವೃದ್ಧಿ ಎಂದು ಹಿಂದೆ ಭಾವಿಸಲಾಗಿತ್ತು. ಆದರೆ, ಈಗ ಅಭಿವೃದ್ಧಿಯ ಪರಿಕಲ್ಪನೆ ಬದಲಾಗಿದೆ. ಬದಲಿಗೆ, ಅವರ ಸಂಸ್ಕೃತಿಯನ್ನು ಗೌರವಿಸುತ್ತ ಅವರನ್ನು ಅವರ ಸ್ಥಳದಲ್ಲೇ ಅಭಿವೃದ್ಧಿಯತ್ತ ಮುಖ ಮಾಡುವಂತೆ ಮಾಡಬೇಕು. ಇದರಿಂದ ಅವರು ತಮ್ಮ ತನವನ್ನೂ ಕಳೆದುಕೊಳ್ಳದೇ, ನಾಗರಿಕತೆಯ ಹೊಡೆತಕ್ಕೆ ಸಿಲುಕಿ ನಾಮಾವೇಶವಾಗುವುದು ತಪ್ಪುತ್ತದೆ ಎಂದು ಅಭಿಪ್ರಾಯಪ‍ಟ್ಟರು.‌

ಗಿರಿಜನರ ಅಭಿವೃದ್ಧಿಯೆಂದರೆ ಭಾರತದ ಮುಖ್ಯಭೂಮಿಯಲ್ಲಿರುವ ಗಿರಿಜನರನ್ನೇ ನೋಡಲಾಗುತ್ತಿದೆ. ಆದರೆ, ದೇಶಕ್ಕೆ ಅಂಟಿಕೊಂಡಂತೆ ಇರುವ ಅಂಡಮಾನ್‌ ಮತ್ತು ನಿಕೋಬಾರ್‌ ದ್ವೀಪ ಮಾದರಿಯ ಜಾಗಗಳನ್ನೂ ಗುರುತಿಸಬೇಕು. ಇಲ್ಲಿ ಬ್ರಿಟಿಷರ ಕಾಲದಲ್ಲಿ ಸುಮಾರು 23 ಗಿರಿಜನ ಪಂಗಡಗಳು ಇದ್ದವು. 7 ಸಾವಿರ ಜನಸಂಖ್ಯೆ ಇತ್ತು. ಈಗದು ಬೆರಳೆಣಿಕೆಗೆ ಇಳಿದಿರುವುದು ಆತಂಕ ಮೂಡಿಸುತ್ತಿದೆ. ನಾಗರಿಕತೆಗೆ ಹೊಂದಿಕೊಳ್ಳಲಾಗದೇ ನಾಶವಾದ ಪ್ರಮುಖ ಉದಾಹರಣೆಯಿದು ಎಂದರು.

ಕಾರ್ಪೊರೇಟ್‌ ಸಂಸ್ಥೆಗಳನ್ನು ಅಭಿವೃದ್ಧಿ ಕಾರ್ಯಕ್ಕೆ ತೊಡಗಿಸಿಕೊಳ್ಳುವ ಪರಿಕಲ್ಪನೆಯೂ ಬದಲಾಗಬೇಕಿದೆ. ಹಣ ತೊಡಗಿಸುವುದೇ ಅಭಿವೃದ್ಧಿಯಲ್ಲ. ನೈತಿಕವಾಗಿ ಅಭಿವೃದ್ಧಿಯಲ್ಲಿ ತೊಡಗಿಕೊಳ್ಳುವಂತೆ ಈ ಸಂಸ್ಥೆಗಳಿಗೆ ಕಿವಿಮಾತು ಹೇಳಬೇಕಿದೆ ಎಂದು ಅವರು ತಿಳಿಸಿದರು.

ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯದ ಶೈಕ್ಷಣಿಕ ಡೀನ್ ಎಚ್‌.ಎನ್‌.ಜಗದೀಶ್ ಮುಖ್ಯ ಭಾಷಣ ಮಾಡಿದರು. ಬಾಸುದೇವ ಸೋಮಾನಿ ಕಾಲೇಜು ಅಧ್ಯಕ್ಷ ಎಚ್‌.ಎನ್‌.ನಾಗರಾಜ್, ಪ್ರಾಂಶುಪಾಲ ಪ್ರೊ.ಎಂ.ಮಹದೇವಯ್ಯ, ಡಾ.ಡಿ.ಸಿ.ನಂಜುಂಡ ಭಾಗವಹಿಸಿದ್ದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !