ರಂಗಭೂಮಿಯ ಅಪರೂಪದ ಸಾಧಕ ಎಚ್‌.ಎಚ್‌.ಲೋಕೇಶ್‌ಬಾಬು

ಗುರುವಾರ , ಜೂನ್ 20, 2019
24 °C
300ಕ್ಕೂ ಹೆಚ್ಚು ನಾಟಕಗಳಲ್ಲಿ ಎಚ್‌.ಎಚ್‌.ಲೋಕೇಶ್‌ಬಾಬು ಅಭಿನಯ

ರಂಗಭೂಮಿಯ ಅಪರೂಪದ ಸಾಧಕ ಎಚ್‌.ಎಚ್‌.ಲೋಕೇಶ್‌ಬಾಬು

Published:
Updated:
Prajavani

ಹುಣಸೂರು: ತಾಲ್ಲೂಕಿನ ರಂಗಭೂಮಿ ಹಿರಿಯ ಕಲಾವಿದರ ಪೈಕಿ ಎಚ್‌.ಎಚ್‌.ಲೋಕೇಶ್‌ಬಾಬು ಒಬ್ಬರು. ಸುದೀರ್ಘ 48 ವರ್ಷಗಳಿಂದ ರಂಗಭೂಮಿ ನಂಟು ಹೊಂದಿರುವ ಅವರು, 300ಕ್ಕೂ ಹೆಚ್ಚಿನ ನಾಟಕಗಳಲ್ಲಿ ಅಭಿನಯಿಸಿ ಜನಮಾನಸದಲ್ಲಿ ನೆಲೆಸಿದ್ದಾರೆ.

‘ನಗರದ ಸರ್ಕಾರಿ ಶಾಲೆಯಲ್ಲಿ ಪ್ರೌಢಶಾಲೆ ಓದುತ್ತಿದ್ದಾಗ ಸಿಕ್ಕಿದ ಅವಕಾಶ ಬಳಸಿಕೊಂಡು ‘ಧರ್ಮರತ್ನಾಕರ’ ನಾಟಕದ ಮೂಲಕ ರಂಗಭೂಮಿಗೆ ಅಡಿ ಇಟ್ಟೆ. ಹಿರಿಯ ಕಲಾವಿದರಾದ ನಾರಾಯಣ ರೈ, ಕುಮಾರ ಅರಸೇಗೌಡ, ಡಿ.ಟಿ.ಜವರೇಗೌಡ ಅವರ ತಂಡಗಳಲ್ಲಿ ಬಣ್ಣ ಹಚ್ಚಿ ಸಣ್ಣಪುಟ್ಟ ಪಾತ್ರಗಳನ್ನು ಮಾಡ ತೊಡಗಿದೆ. ಬಳಿಕ, ದೊಡ್ಡ ಪಾತ್ರಗಳಲ್ಲಿ ಅಭಿನಯಿಸಿ ಸೈ ಎನಿಸಿಕೊಂಡೆ’ ಎಂದರು.

‘ರಂಗಭೂಮಿಯಿಂದ ಆರ್ಥಿಕವಾಗಿ ಗಳಿಸಿದ್ದಕ್ಕಿಂತಲೂ ಮಾನಸಿಕ ನೆಮ್ಮದಿ ಪಡೆದಿದ್ದೇನೆ. ಜೀವನಾಧಾರಕ್ಕೆ ವಿವಿಧ ವ್ಯವಹಾರಗಳನ್ನು ನಡೆಸುತ್ತಿದ್ದೇನೆ. ನೆಮ್ಮದಿಯ ಬದುಕು ಕಟ್ಟಿಕೊಂಡಿದ್ದು, ಇಬ್ಬರು ಗಂಡು ಮಕ್ಕಳೊಂದಿಗೆ ಸುಖ ಜೀವನ ನಡೆಸಿದ್ದೇನೆ’ ಎಂದು ಅವರು ತಿಳಿಸಿದರು.

‘ಕುಮಾರ ಅರಸೇಗೌಡ ಮಿತ್ರ ಮಂಡಳಿ ತಂಡದೊಟ್ಟಿಗೆ ಅಭಿನಯಿಸಿದ ನಾಟಕಕ್ಕೆ ರಾಜ್ಯಮಟ್ಟದ ಪ್ರಶಸ್ತಿ ಸಿಕ್ಕಿತ್ತು. 2019ರಲ್ಲಿ ಗುಬ್ಬಿವೀರಣ್ಣ ಪ್ರಶಸ್ತಿ, ಸುವರ್ಣಶ್ರೀ ಪ್ರಶಸ್ತಿಗಳು ಸಂದಿದೆ. ಡಾ.ರಾಜಕುಮಾರ್‌ ಅವರ 59ನೇ ಜನ್ಮದಿನದ ಪ್ರಯುಕ್ತ ಮಂಡ್ಯ ಜಿಲ್ಲೆಯಲ್ಲಿ ಹಮ್ಮಿಕೊಂಡಿದ್ದ ನಾಟಕ ಸ್ಪರ್ಧೆಯಲ್ಲಿ ಅಭಿನಯಿಸಿದ ಕ್ಷಣ ನೆನಪಿನಲ್ಲಿ ಉಳಿದಿದೆ’ ಎಂದು ಸ್ಮರಿಸಿದರು.

ಲೋಕೇಶ್‌ಬಾಬು ಕೇವಲ ರಂಗಭೂಮಿಗೆ ಮಾತ್ರ ಸೀಮಿತಗೊಳ್ಳದೆ ಸಾಹಿತ್ಯ ಕ್ಷೇತ್ರದಲ್ಲೂ ಕೃಷಿ ನಡೆಸಿದ್ದಾರೆ. ಈವರೆಗೆ 13 ಕೃತಿಗಳನ್ನು ಹೊರ ತಂದಿದ್ದು, 2008ರಲ್ಲಿ ದಸರಾ ಕವಿಗೋಷ್ಠಿಯಲ್ಲಿ ಕವನ ವಾಚಿಸಿ ‘ದಸರಾ ಕವಿ ಪ್ರಶಸ್ತಿ’ಯನ್ನು ಮುಡಿಗೇರಿಸಿಕೊಂಡಿದ್ದಾರೆ.

ಇವರು ರಂಗಭೂಮಿಯ ನಂಟಿನೊಂದಿಗೆ ಚಲನಚಿತ್ರದ ನಂಟನ್ನು ಹೊಂದಿದ್ದಾರೆ. 12 ಕಿರುಚಿತ್ರಗಳು ಹಾಗೂ 3 ಚಲನಚಿತ್ರಗಳಲ್ಲಿಯೂ ನಟಿಸಿದ್ದಾರೆ.

ರಂಗಭೂಮಿಗೆ ಯುವಕರನ್ನು ಕರೆತರುವ ತವಕದಲ್ಲಿರುವ 60 ಹರೆಯದ ಲೋಕೇಶ್‌ಬಾಬು ಸ್ಥಳೀಯ ಮಕ್ಕಳಿಗೆ ನಾಟಕ ತರಬೇತಿ ಶಿಬಿರ ನಡೆಸುವ ಆಲೋಚನೆ ಹೊಂದಿದ್ದಾರೆ. ಗ್ರಾಮೀಣ ಪ್ರತಿಭೆಯನ್ನು ಗುರುತಿಸುವ ಹಂಬಲ ಹೊಂದಿದ್ದಾರೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !