ಮಂಡಿ ಮೊಹಲ್ಲಾದಲ್ಲಿ ಗಲಾಟೆ; ಶಾಂತಿ ಸಭೆ

ಬುಧವಾರ, ಜೂನ್ 26, 2019
24 °C
ಎರಡು ಗುಂಪಿನ ಮಾರಾಮಾರಿಗೆ ಕಾರಣವಾದ ಕ್ಷುಲ್ಲಕ ವಿಷಯ

ಮಂಡಿ ಮೊಹಲ್ಲಾದಲ್ಲಿ ಗಲಾಟೆ; ಶಾಂತಿ ಸಭೆ

Published:
Updated:
Prajavani

ಮೈಸೂರು: ಇಲ್ಲಿನ ಮಂಡಿಮೊಹಲ್ಲಾದ ಚಿಕ್ಕಮಾರುಕಟ್ಟೆ ಬಳಿ ಎರಡು ಅಂಗಡಿಗಳ ಮಾಲೀಕರ ನಡುವೆ ನಡೆದ ಜಗಳ ವಿಕೋಪಕ್ಕೆ ತಿರುಗಿತು. 50ಕ್ಕೂ ಅಧಿಕ ಮಂದಿ ಕೈಯಲ್ಲಿ ದೊಣ್ಣೆಗಳನ್ನು ಹಿಡಿದು ರಸ್ತೆಯಲ್ಲಿ ಭೀತಿ ಸೃಷ್ಟಿಸಿದರು.

ಎರಡು ಗುಂಪುಗಳು ಪರಸ್ಪರ ಕಲ್ಲುತೂರಾಟದಲ್ಲಿ ತೊಡಗಿದವು. ಸ್ಥಳಕ್ಕೆ ಬಂದ ಪೊಲೀಸರು ಗುಂಪನ್ನು ಚದುರಿಸಿ, 6 ಮಂದಿಯನ್ನು ಬಂಧಿಸಿದರು. ಘಟನೆಯಲ್ಲಿ ಇಬ್ಬರಿಗೆ ಗಾಯಗಳಾಗಿವೆ.

ಏನಿದು ಘಟನೆ?

ಹೋಟೆಲ್ ಹನುಮಂತು ಮತ್ತು ನ್ಯೂ ಉರೂಜ್ ಜೆಂಟ್ಸ್ ಕಲೆಕ್ಷನ್ ಅಂಗಡಿ ಮಾಲೀಕರ ನಡುವೆ ಭಾನುವಾರ ರಾತ್ರಿ 9 ಗಂಟೆ ಸಮಯದಲ್ಲಿ ವಾಹನ ನಿಲುಗಡೆ ಕುರಿತು ಜಗಳ ಆರಂಭವಾಯಿತು. ನೋಡನೋಡುತ್ತಿದ್ದಂತೆ ಎರಡೂ ಕಡೆಯ ಹಲವು ಮಂದಿ ಸೇರಿ ಪರಸ್ಪರ ಹೊಡೆದಾಟ, ಕಲ್ಲುತೂರಾಟದಲ್ಲಿ ತೊಡಗಿದರು. ಇದರಿಂದ ಸ್ಥಳದಲ್ಲಿ ಭಯದ ವಾತಾವರಣ ಸೃಷ್ಟಿಯಾಯಿತು.

ವಿಷಯ ತಿಳಿದು ಸ್ಥಳಕ್ಕೆ ಬಂದ ಮಂಡಿ ಠಾಣೆ ಇನ್‌ಸ್ಪೆಕ್ಟರ್ ಅರುಣ್ ಗುಂಪನ್ನು ಚದುರಿಸಿದರು. ವಿಜಯಕುಮಾರ್, ಯಶವಂತ್, ಪ್ರಶಾಂತ್, ಮಹಮದ್ ಸರ್ವರ್, ಪರ್ಹಾನ್ ಷರೀಫ್ ಹಾಗೂ ರಿಯಾಜ್ ಷರೀಫ್  ಎಂಬುವವರನ್ನು ಬಂಧಿಸಿದರು.

ಶಾಂತಿ ಸಭೆ:‌

ಇದರಿಂದ ಸ್ಥಳದಲ್ಲಿ ಬಿಗುವಿನ ಪರಿಸ್ಥಿತಿ ನೆಲೆಸಿತು. ಡಿಸಿಪಿ ಮುತ್ತುರಾಜ್ ಸೋಮವಾರ ಮಂಡಿಠಾಣೆಯಲ್ಲಿ ಎರಡೂ ಗುಂಪಿನ ನಡುವೆ ಶಾಂತಿ ಸಭೆ ನಡೆಸಿದರು. ‘ಯಾವುದೇ ಕಾರಣಕ್ಕೂ ಮತ್ತೆ ಇಂತಹ ಕೃತ್ಯದಲ್ಲಿ ತೊಡಗಬಾರದು. ಶಾಂತಿ ಕದಡುವ ಪ್ರಯತ್ನ ನಡೆಸಿದರೆ ಕಠಿಣ ಕ್ರಮ ಕೈಗೊಳ್ಳಲಾಗುವುದು’ ಎಂದು ಎಚ್ಚರಿಕೆ ನೀಡಿದರು. ಉಭಯ ಬಣದ ನಾಯಕರು ಶಾಂತಿಯನ್ನು ಪಾಲಿಸುವ ಆಶ್ವಾಸನೆ ನೀಡಿದರು. ದೂರು ಮತ್ತು ಪ್ರತಿ ದೂರು ದಾಖಲಾಗಿದೆ. ಸ್ಥಳದಲ್ಲಿ ಬಿಗಿ ಪೊಲೀಸ್ ಬಂದೋಬಸ್ತ್ ಮಾಡಲಾಗಿದೆ.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 3

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !