ಪ್ರಸವ, ಹೃದಯಾಘಾತ, ಶಸ್ತ್ರಚಿಕಿತ್ಸೆಗಳು, ಲ್ಯಾಪ್ರೊಸ್ಕೋಪಿಕ್ ಸೇರಿದಂತೆ ಹಲವು ಬಗೆಯ ಚಿಕಿತ್ಸೆಗಳನ್ನು ರೋಗಿಗಳ ಮಾದರಿಯಲ್ಲಿರುವ ಪ್ರತಿಕೃತಿಗಳಿಗೆ ನೀಡುವ ವ್ಯವಸ್ಥೆ ಇದೆ. ನೈಜ ರೋಗಿಯ ಪ್ರತಿಕ್ರಿಯೆಗಳನ್ನು ಇವು ನೀಡುತ್ತವೆ. ಇದರಿಂದ ಹಿರಿಯ ವೈದ್ಯರ ಜತೆ ರೋಗಿಗಳ ಮೇಲೆ ಶಸ್ತ್ರಚಿಕಿತ್ಸೆ ನಡೆಸಿ, ತರಬೇತಿ ಹೊಂದುವ ಬದಲು, ನೇರವಾಗಿ ಈ ರೋಗಿಗಳ ಮಾದರಿಗಳ ಮೇಲೆ ಶಸ್ತ್ರಚಿಕಿತ್ಸೆ ನೀಡಿದರೆ ವಿದ್ಯಾರ್ಥಿಗಳ ಕಲಿಕೆ ಇನ್ನಷ್ಟು ಗಟ್ಟಿಗೊಳ್ಳುತ್ತದೆ ಎಂದು ಸಂಯೋಜಕರಾದ ಡಾ.ಎಸ್.ಅರ್ಚನಾ ತಿಳಿಸಿದರು.