ಬಸ್‌ ಸಂಚಾರಕ್ಕೆ ಆಗ್ರಹಿಸಿ ಪ್ರತಿಭಟನೆ

7

ಬಸ್‌ ಸಂಚಾರಕ್ಕೆ ಆಗ್ರಹಿಸಿ ಪ್ರತಿಭಟನೆ

Published:
Updated:
ಹಂಚ್ಯಾ ಗ್ರಾಮಕ್ಕೆ ಬಸ್‌ ಸಂಚಾರ ನೀಡುವಂತೆ ಒತ್ತಾಯಿಸಿ ಗ್ರಾಮಸ್ಥರು ಶನಿವಾರ ಬಸ್ ತಡೆದು ಪ್ರತಿಭಟನೆ ನಡೆಸಿದರು

ಮೈಸೂರು: ಅಸಮರ್ಪಕ ಬಸ್ ಸಂಚಾರ ಖಂಡಿಸಿ ಹಂಚ್ಯಾ ಗ್ರಾಮಸ್ಥರು ಹಾಗೂ ವಿದ್ಯಾರ್ಥಿಗಳು ಗ್ರಾಮಕ್ಕೆ ಬರುವ 100ಸಿ ಮಾರ್ಗ ಸಂಖ್ಯೆಯ ಬಸ್ ತಡೆದು ಶನಿವಾರ ಆಕ್ರೋಶ ವ್ಯಕ್ತಪಡಿಸಿದರು.

ಕೆಂಪೇಗೌಡ ವೃತ್ತದಲ್ಲಿ ಬಸ್ ತಡೆದು ಬಸ್ ಸೌಲಭ್ಯ ಕಲ್ಪಿಸದ ಸಾತಗಳ್ಳಿ ಡಿಪೊ ಅಧಿಕಾರಗಳ ವಿರುದ್ಧ ಆಕ್ರೋಶ ವ್ಯಕ್ತಪಡಿಸಿದರು. ಒಳ್ಳೆಯ ಬಸ್ಸನ್ನು ಬೇರೆಡೆಗೆ ಕಳುಹಿಸಿ, ಪದೇ ಪದೇ ಕೆಡುವ ಬಸ್ಸನ್ನು ನಮಗೆ ನೀಡಿದ್ದಾರೆ. ಇದರಿಂದ ಆಗುವ ಸಮಸ್ಯೆಗೆ ಜವಾಬ್ದಾರರು ಯಾರು ಎಂದು ಪ್ರಶ್ನಿಸಿದರು.

ಹದಿನೈದು ದಿನಗಳಿಂದ ನಾಲ್ಕೈದು ಬಾರಿ ಸಾತಗಳ್ಳಿ ಡಿಪೊಗೆ ತೆರಳಿ ಅಧಿಕಾರಿಗಳಿಗೆ ಲಿಖಿತ ಮನವಿ ಸಲ್ಲಿಸಲಾಗಿದೆ. ಆದರೂ ಪರಿಹಾರ ಸಿಕ್ಕಿಲ್ಲ ಎಂದು ದೂರಿದರು. ದೂರವಾಣಿ ಮೂಲಕ ಡಿಪೊ ಮ್ಯಾನೇಜರ್ ಕಲಾಸಿರಿ ಅವರನ್ನು ಸಂಪರ್ಕಿಸಿದಾಗ ಒಳ್ಳೆಯ ಬಸ್‌ ನೀಡುವ ಭರವಸೆ ನೀಡಿದರು. ನಂತರ ಪ್ರತಿಭಟನಕಾರರು ಸ್ಥಳದಿಂದ ತೆರಳಿದರು.

ಗ್ರಾಮದ ವೆಂಕಟೇಶ, ಮನು, ಗಿರೀಶ್, ಮಧುಸೂದನ್, ಪುಟ್ಟಸ್ವಾಮಾಚಾರಿ, ಉಮೇಶ್, ಚಂದ್ರಶೇಖರ್, ಪ್ರಸನ್ನ, ಮಾದೇಶ್, ದೇವರಾಜ್ ಭಾಗವಹಿಸಿದ್ದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !