ಆರ್. ಪರಮಶಿವನ್ ರಂಗಯಾನ ಕಾರ್ಯಕ್ರಮ

ಲೇಖಕ ಪ್ರೊ.ಸಿ.ವಿ.ಶ್ರೀಧರಮೂರ್ತಿ ಕಾರ್ಯಕ್ರಮ ಉದ್ಘಾಟಿಸಲಿದ್ದು, ರಂಗ ರತ್ನಾಕರ ಸಂಸ್ಥೆಯ ಕಾರ್ಯದರ್ಶಿ ಹನ್ಯಾಳು ಗೋವಿಂದೇಗೌಡ ಹಾಗೂ ಕದಂಬ ರಂಗ ವೇದಿಕೆಯ ಅಧ್ಯಕ್ಷ ರಾಜಶೇಖರ ಕದಂಬ ಅತಿಥಿಗಳಾಗಿ ಭಾಗವಹಿಸುವರು ಎಂದು ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿನ ಅಧ್ಯಕ್ಷ ಡಾ.ವೈ.ಡಿ.ರಾಜಣ್ಣ ಇಲ್ಲಿ ಸೋಮವಾರ ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

ಅಂದಿನ ಹಾಗೂ ಇಂದಿನ ರಂಗಭೂಮಿಯ ಕೊಂಡಿಯಂತಿದ್ದ ಪರಮಶಿವನ್ ಅವರು ಇಂದು ನಮ್ಮಡನೆ ಇಲ್ಲ. ಆದರೆ, ರಂಗ ಸಂಗೀತದ ಪರಂಪರೆಗೆ ಅವರು ಬಿಟ್ಟು ಹೋದದ್ದು ಮಾತ್ರ ಯಾರೂ ಊಹಿಸಲಾರದಷ್ಟು. ನಮ್ಮಿಂದ ಕಣ್ಮರೆಯಾಗುವವರೆಗೂ ನವೋಲ್ಲಾಸದ ಯುವಕನಂತೆ ರಂಗಗೀತೆಗಳನ್ನು ಹಾಡುತ್ತಲೇ ಹಾರ್ಮೋನಿಯಂ ನುಡಿಸುತ್ತಲೇ ಸಾಗಿದರು ಎಂದು ಶ್ಲಾಘಿಸಿದರು.