ಮಾತೃಭಾಷೆಯಲ್ಲಿ ಶಿಕ್ಷಣ ನೀಡುವುದು ಒಳ್ಳೆಯ ಚಿಂತನೆಯೇ. ಆದರೆ, ವಿಜ್ಞಾನವನ್ನು ಮಾತೃಭಾಷೆಯಲ್ಲಿ ಕಲಿಸಬೇಕು ಎನ್ನುವುದಾದರೆ ಮೊದಲು ಮಾತೃಭಾಷೆಯಲ್ಲಿ ಪಠ್ಯ ಸಿದ್ಧವಾಗಬೇಕು. ಇಲ್ಲವಾದಲ್ಲಿ ಶಿಕ್ಷಕರಿಗೆ ಪಾಠಮಾಡಲು ಸಾಧ್ಯವಾಗದು. ಅಂತೆಯೇ, ಪ್ರೊ.ಜೆ.ಆರ್.ಲಕ್ಷ್ಮಣರಾವ್ ಅವರು ಭವಿಷ್ಯದಲ್ಲಿ ವಿಜ್ಞಾನ ಸಾಹಿತ್ಯ ರಚಿಸುವವರಿಗೆ, ಶಿಕ್ಷಕರಿಗೆ ಅನುಕೂಲವಾಗಲೆಂದು ವಿಜ್ಞಾನ ಸಂಬಂಧಿ ಇಂಗ್ಲಿಷ್- ಕನ್ನಡ ನಿಘಂಟು ರಚಿಸಿದರು. ಹೊಸ ಹೊಸ ಪದಗಳನ್ನು ಕನ್ನಡಕ್ಕೆ ನೀಡಿದರು. ಹಾಗಾಗಿ, ವಿಜ್ಞಾನಕ್ಕೆ ಲಕ್ಷ್ಮಣರಾವ್ ಅವರ ಕೊಡುಗೆ ಅಪಾರ ಎಂದು ಸ್ಮರಿಸಿದರು.