ಸಾಮಾಜಿಕ ಚಳವಳಿ ರೂಪಿಸಿದ್ದ ಮಾಲತಿ

ಬುಧವಾರ, ಜೂನ್ 26, 2019
26 °C
ಮೈಸೂರಿನ ರಂಗಾಯಣದಲ್ಲಿ ‘ಗ್ರೀಷ್ಮ ರಂಗೋತ್ಸವ 2019’ ಆರಂಭ

ಸಾಮಾಜಿಕ ಚಳವಳಿ ರೂಪಿಸಿದ್ದ ಮಾಲತಿ

Published:
Updated:
Prajavani

ಮೈಸೂರು: ಸಾಹಿತ್ಯದ ವಿದ್ಯಾರ್ಥಿ ಯಾಗಿದ್ದ ಮಾಲತಿ ರಂಗಭೂಮಿಯನ್ನು ಅಪ್ಪಿಕೊಂಡರು. ಹಾಗೆಯೇ, ಬರಹಗಾರ್ತಿ, ನಿರ್ದೇಶಕಿಯಾಗಿಯೂ ಉತ್ತಮ ನಾಟಕಗಳನ್ನು ನಿರ್ದೇಶಿಸಿದರು ಎಂದು ಹಿರಿಯ ರಂಗಕರ್ಮಿ ಪ್ರೊ.ಎಚ್.ಎಸ್‌.ಉಮೇಶ್‌ ಹೇಳಿದರು.

ರಂಗಾಯಣದ ವತಿಯಿಂದ ಭಾನುವಾರ ನಡೆದ ಎಸ್‌.ಮಾಲತಿ ಅವರ ಸ್ಮರಣಾರ್ಥ ‘ಗ್ರೀಷ್ಮ ರಂಗೋತ್ಸವ 2019’ ಕಾರ್ಯಕ್ರಮಕ್ಕೆ ಚಾಲನೆ ನೀಡಿ ಉದ್ಘಾಟಿಸಿ ಅವರು ಮಾತನಾಡಿದರು.

ಇಂದಿಗೂ ಮಹಿಳಾ ಬರಹಗಾರ್ತಿಯರನ್ನು ನಮ್ಮ ಸಮಾಜ ಪ್ರೋತ್ಸಾಹಿಸುತ್ತಿಲ್ಲ. ಇದು ಶೋಚನೀಯ ಸಂಗತಿ. ಆದರೂ, 70ರ ದಶಕದ ಕಾಲದಲ್ಲಿ ಮಾಲತಿ, ರಂಗಭೂಮಿಯ ಮೊದಲ ನಾಟಕ ನಿರ್ದೇಶಕಿಯಾಗಿ ಕೆಲಸ ಮಾಡಿರುವುದು ಹೆಮ್ಮೆಯ ವಿಷಯ ಎಂದು ಶ್ಲಾಘಿಸಿದರು.

‘ರಾಮಾಯಣವನ್ನು ಸೀತಾ ರಾಮಾಯಣವಾಗಿ ಮಾಲತಿ ನೋಡಿ ದರು. ಹಾಗೆಯೇ, ಅವರು ಕಲೆಗೆ ಹೆಚ್ಚು ಆದ್ಯತೆ ನೀಡಿದರು. ನಾವು ರಂಗಾಯಣಕ್ಕೆ ಬರಲು ಮಾಲತಿ ಯವರೇ ಸ್ಫೂರ್ತಿ’ ಎಂದು ಹೇಳಿದರು.

ರಂಗ ನಿರ್ದೇಶಕಿ ಕೆ.ಆರ್‌.ಸುಮತಿ ಮಾತನಾಡಿ, ಹವ್ಯಾಸಿ ನಾಟಕಗಳನ್ನು ಮಾಡುತ್ತಲೇ ದೊಡ್ಡ ಅರಿವನ್ನು ಮಾಲತಿ ಮೂಡಿಸಿದರು. ಹಿಂದೆ ನಾಟಕವೆಂದರೆ ಹೆಣ್ಣು ಮಕ್ಕಳನ್ನು ಕಳುಹಿಸಲು ಹಿಂಜರಿಯುತ್ತಿದ್ದರು. ಆದರೂ ಅದನ್ನೆಲ್ಲ ಬದಿಗೊತ್ತಿ ರಂಗಭೂಮಿಯನ್ನು ಆರಿಸಿ ಕೊಂಡರು ಎಂದರು.

‘ಟಿ.ವಿ ಮಾಧ್ಯಮಗಳಿಂದ ರಂಗ ಭೂಮಿಗೆ ಆತಂಕವಿದೆ ಎಂದು ಹೇಳಲಾಗುತ್ತಿದ್ದರೂ ಜನರು ಬರುತ್ತಿದ್ದಾರೆ. ಅವರಿಗೆ ನಮ್ಮಿಂದ  ಮೌಲ್ಯಯುತವಾದ ನಾಟಕವನ್ನು ನೀಡಬೇಕು ಎನ್ನುವುದು ನಮ್ಮ ಅಭಿಲಾಷೆ. ಹಾಗೆಯೇ, ನಟನೆಯನ್ನು ನಾವು ದೊಡ್ಡದೆಂದು ಭಾವಿಸಿದ್ದೇವೆ. ಅದು ತಪ್ಪು. ರಂಗಭೂಮಿ ದೊಡ್ಡ ಸಮುದ್ರವಿದ್ದಂತೆ. ಅದರಲ್ಲಿ ನಟನೆ ಒಂದು ಭಾಗವಷ್ಟೇ’ ಎಂದು ವಿವರಿಸಿದರು.

ತುಳಿತಕ್ಕೊಳಗಾದವರ ಸುಧಾರಣೆ ಮಾಡಲು ರಂಗಭೂಮಿಯನ್ನು ಮಾಧ್ಯಮವನ್ನಾಗಿ ಮಾಲತಿ ಬಳಸಿ ಕೊಂಡಿದ್ದರು. ರಂಗಭೂಮಿ ಮೂಲಕ ಚಳವಳಿ ಆರಂಭಿಸಿದರು ಎಂದರು.

ರಂಗಾಯಣದ ಜಂಟಿ ನಿರ್ದೇಶಕ ವಿ.ಎನ್‌.ಮಲ್ಲಿಕಾರ್ಜುನಸ್ವಾಮಿ ಇದ್ದರು.

ವಿರಾಟ್ ಕೊಹ್ಲಿ ನಾಯಕತ್ವದ ಭಾರತ ಕ್ರಿಕೆಟ್‌ ತಂಡ ಕಪ್ ಗೆಲ್ಲುತ್ತಾ? ಐಸಿಸಿ ವಿಶ್ವಕಪ್ 2019 ಯಾರು ಗೆಲ್ಲುತ್ತಾರೆ? ಕೋಟ್ಯಂತರ ಕ್ರಿಕೆಟ್ ಪ್ರೇಮಿಗಳ ನಿರೀಕ್ಷೆಗೆ ಉತ್ತರ ಸಿಗುವ ಕಾಲ ಬಂದಿದೆ. ವಿಶ್ವಕಪ್ ಕ್ರಿಕೆಟ್‌ನ ಸ್ಕೋರ್ ಅಪ್‌ಡೇಟ್ಸ್‌, ಮ್ಯಾಚ್‌ಗಳ ವರದಿ, ವಿಶ್ವಕಪ್ ಕ್ರಿಕೆಟ್ ಹೆಜ್ಜೆ ಗುರುತು, ಆಟಗಾರರ ಸಂದರ್ಶನ, ವೇಳಾಪಟ್ಟಿ ತಿಳಿದುಕೊಳ್ಳಲು www.prajavani.net ಜಾಲತಾಣಕ್ಕೆ ಭೇಟಿ ನೀಡಿ. ಕ್ರೀಡಾಪ್ರೇಮಿಗಳ ನೆಚ್ಚಿನ ಆಯ್ಕೆ ‘ಪ್ರಜಾವಾಣಿ’. ಇದು ಅತ್ಯಂತ ವಿಶ್ವಾಸಾರ್ಹ ಸುದ್ದಿ ಮಾಧ್ಯಮ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !