ಮೈಸೂರು: ಹೊಲಿಗೆ ಕೌಶಲದ ಮೂಲಕ ಕಾಂಗ್ರೆಸ್‌ ಮುಖಂಡನ ಭಾವಚಿತ್ರ ಮೂಡಿಸಿ ಅಭಿಮಾನ

ಕೆ.ಆರ್‌.ಮೊಹಲ್ಲಾದ ಭಾವಸಾರ್‌ ಕ್ಷತೀಯ ಸೇವಾ ಸಮಿತಿಯು ರವಿನಾಯಕ್ ಅವರು ಹೊಲಿದ ಭಾವಚಿತ್ರವನ್ನು ಉಡುಗೊರೆಯಾಗಿ ಮುಖಂಡ ಸೋಮಶೇಖರ್‌ ಅವರಿಗೆ ಗುರುವಾರ ನೀಡಿದೆ.

‘ಸೋಮಶೇಖರ್‌ ಅವರ ಕಾರ್ಯವೈಖರಿ, ಸೇವಾ ಮನೋಭಾವ, ಸರಳತೆಗೆ ಮನಸೋತಿದ್ದೇನೆ. ಬಟ್ಟೆಯಲ್ಲಿ ನನ್ನ ಹೊಲಿಗೆ ಯಂತ್ರದ ಮೂಲಕ ನೂಲಿನ ಚಿತ್ರ ಬರೆದಿದ್ದೇನೆ’ ಎಂದು ರವಿನಾಯಕ್‌ ಹೇಳಿದರು.

ಅಭಿಮಾನಿಯ ಉಡುಗೊರೆ ಸ್ವೀಕರಿಸಿದ ಸೋಮಶೇಖರ್‌ ಧನ್ಯವಾದಗಳನ್ನು ಸಲ್ಲಿಸಿದರು. ಈ ಸಂದರ್ಭ ಮುಖಂಡರಾದ ಚಂದ್ರಶೇಖರ್ ಪತಂಗೆ, ಶಾಂತರಾಮ್ ಸಿಂಟ್ರೆ ಇದ್ದರು.