ಪೊಲೀಸ್‌ ಶ್ವಾನ ಲಕ್ಕಿ ಸಾವು

ಮೈಸೂರು ಸೇರಿದಂತೆ ವಿವಿಧೆಡೆ 200ಕ್ಕೂ ಹೆಚ್ಚು ಸ್ಫೋಟಕಗಳನ್ನು ಪತ್ತೆ ಹಚ್ಚುವಲ್ಲಿ ಲಕ್ಕಿ ಪ್ರಮುಖ ಪಾತ್ರ ವಹಿಸಿತ್ತು ಎನ್ನಲಾಗಿದೆ.

2018ರಲ್ಲಿ ನಡೆದ ದಕ್ಷಿಣ ವಲಯ ಪೊಲೀಸ್‌ ಕ್ರೀಡಾಕೂಟದಲ್ಲಿ ಲಕ್ಕಿ ತನ್ನ ಶೌರ್ಯ, ಜಾಣ್ಮೆ ಪ್ರದರ್ಶಿಸಿ ಕಂಚಿನ ಪದಕ ಗೆದ್ದಿತ್ತು.

ಮೃತ ಲಕ್ಕಿಗೆ ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ಸಿ.ಬಿ.ರಿಷ್ಯಂತ್, ಡಿಎಆರ್‌ನ ಡಿವೈಎಸ್‌ಪಿ ಸತೀಶ್‌, ಶ್ವಾನ ದಳದ ಸಿಬ್ಬಂದಿ ಅಂತಿಮ ಗೌರವ ನಮನ ಸಲ್ಲಿಸಿದರು.

ಲಕ್ಕಿಯ ಅಂತ್ಯಸಂಸ್ಕಾರವನ್ನು ಶ್ವಾನದಳದ ಆವರಣದಲ್ಲೇ ವಿಧಿ ವಿಧಾನಗಳಂತೆ ನೆರವೇರಿಸಲಾಯಿತು ಎಂದು ಎಆರ್‌ಎಸ್‌ಐ ಬಿ.ನಾಗರಾಜು ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.