ಹೆಚ್ಚಿನ ಮೊತ್ತದ ಚಿನ್ನಾಭರಣಗಳು ಹಾಗೂ ನಗದನ್ನು ಬ್ಯಾಂಕಿನಲ್ಲಿರಿಸಿಕೊಳ್ಳಬೇಕು. ಒಂದು ವೇಳೆ ಮನೆಯಲ್ಲೇ ಇಡಬೇಕಾದ ಪರಿಸ್ಥಿತಿ ಬಂದರೆ ಸಾರ್ವಜನಿಕರು ಅದಕ್ಕೆ ಸೂಕ್ತ ಭದ್ರತಾ ಲಾಕರ್ ಮಾಡಿಸಬೇಕು. ಮನೆಯಿಂದ ಹೊರ ಹೋಗುತ್ತಿರುವ ಸುಳಿವನ್ನು ಬಿಡಬಾರದು. ಹ್ಯಾಂಗಿಂಗ್ ಲಾಕ್‌ ಅಥವಾ ಹೊರಗಿನಿಂದ ಚಿಲಕ ಹಾಕುವುದು, ದಿನಪತ್ರಿಕೆಗಳನ್ನು ಹಾಗೆಯೇ ಆವರಣದಲ್ಲಿ ಬಿಡುವುದು ಇತ್ಯಾದಿ ಕ್ರಮಗಳಿಂದ ಕಳ್ಳರಿಗೆ ಸುಲಭವಾಗಿ ಮನೆಯಲ್ಲಿ ಯಾರೂ ಇಲ್ಲ ಎಂಬುದು ತಿಳಿಯುತ್ತದೆ. ಹಾಗಾಗಿ, ಮನೆಗೆ ಬೀಗ ಹಾಕಿ ಹೊರಹೋಗುವವರು ಸೂಕ್ತ ಮುಂಜಾಗ್ರತೆ ವಹಿಸಬೇಕು ಮತ್ತು ಸಮೀಪದ ಪೊಲೀಸ್ ಠಾಣೆಗೆ ಮಾಹಿತಿ ನೀಡಬೇಕು ಎಂದು ಪೊಲೀಸರು ಮನವಿ ಮಾಡಿದ್ದಾರೆ.
