ಕರಿಯಯ್ಯ ಎಂಬುವವರ ಪತ್ನಿಯಾಗಿದ್ದ ದೇವಮಣಿ ಗೋಪಾಲಯ್ಯನ ಜತೆ ಹೆಚ್ಚು ಸಲಿಗೆಯಿಂದ ಇದ್ದಳು. ಪದೇ ಪದೇ ಕರಿಯಯ್ಯ ಪತ್ನಿಗೆ ಎಚ್ಚರಿಕೆ ನೀಡುತ್ತಿದ್ದ. 2015ರ ಸೆಪ್ಟೆಂಬರ್ 24ರಂದು ರಾತ್ರಿ ಕರಿಯಯ್ಯ ಮನೆಗೆ ಬಂದಾಗ ದೇವಮಣಿ ಗೋಪಾಲಯ್ಯನ ಜತೆ ಇದ್ದಳು. ಈ ವೇಳೆ ಮಾತಿಗೆ ಮಾತು ಬೆಳೆದು ದೇವಮಣಿಯು ‘ನೋಡಲಾಗದಿದ್ದರೆ ನೇಣು ಹಾಕಿಕೊಂಡು ಸತ್ತು ಹೋಗು, ನೀನು ಇರುವುದಕ್ಕಿಂತ ಸಾಯುವುದೇ ಮೇಲು’ ಎಂದು ನಿಂದಿಸಿದಳು. ಇದರಿಂದ ಮನನೊಂದ ಕರಿಯಯ್ಯ ಇದೇ ದಿನ ಮಧ್ಯರಾತ್ರಿ ಮನೆಯಲ್ಲಿ ನೇಣು ಹಾಕಿಕೊಂಡು ಮೃತಪಟ್ಟರು.