ಬೆಟ್ಟದಪುರ: ಇಲ್ಲಿನ ಜೋಗನಹಳ್ಳಿ ಗೇಟ್ ಬಳಿ ಹಿಂಬದಿಯಿಂದ ಬಂದ ನ್ಯಾನೊ ಕಾರು ಟಿವಿಎಸ್ಗೆ ಡಿಕ್ಕಿ ಹೊಡೆದಿದ್ದರಿಂದ ಮಹಿಳೆಯೊಬ್ಬರು ಸ್ಥಳದಲ್ಲಿಯೇ ಮೃತಪಟ್ಟಿದ್ದಾರೆ.
ದೇಪೂರು ಗ್ರಾಮದ ರಾಣಮ್ಮ (45) ಮೃತಪಟ್ಟವರು.
ಜವರಯ್ಯ ಅವರು ಹೆಂಡತಿ ರಾಣಮ್ಮ ಜೊತೆ ಬೆಟ್ಟದಪುರಕ್ಕೆ ಬಂದು ವಾಪಸ್ ಊರಿಗೆ ಮರಳುವಾಗ ಹಿಂದಿನಿಂದ ಬಂದ ಕಾರು ಡಿಕ್ಕಿ ಹೊಡೆದಿದೆ. ಕೆಳಗೆ ಬಿದ್ದ ರಾಣಮ್ಮ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಜವರಯ್ಯ ಅವರಿಗೆ ತೀವ್ರ ಗಾಯಗಳಾಗಿದ್ದು, ಪಿರಿಯಾಪಟ್ಟಣ ಆಸ್ಪತ್ರೆಗೆ ದಾಖಲಿಸಲಾಗಿದೆ.
ಎಎಸ್ಐ ನಟರಾಜ್ ಸ್ಥಳ ಪರಿಶೀಲಿಸಿ ಮುಂದಿನ ಕ್ರಮ ಕೈಗೊಂಡಿದ್ದಾರೆ.