₹ 4.40 ಲಕ್ಷ ಮೌಲ್ಯದ ಮೊಬೈಲ್‌ ಫೋನ್‌ ವಂಚನೆ; ವ್ಯಕ್ತಿ ಬಂಧನ

7

₹ 4.40 ಲಕ್ಷ ಮೌಲ್ಯದ ಮೊಬೈಲ್‌ ಫೋನ್‌ ವಂಚನೆ; ವ್ಯಕ್ತಿ ಬಂಧನ

Published:
Updated:

ಮೈಸೂರು: ಬಸ್‌ನಲ್ಲಿ ಕಳುಹಿಸಿದ್ದ ₹ 4.40 ಲಕ್ಷ ಮೌಲ್ಯದ ಬೆಲೆ ಬಾಳುವ ಮೊಬೈಲ್‌‌ ಫೋನುಗಳನ್ನು ತನ್ನದು ಎಂದು ಹೇಳಿ ಚಾಲಕನಿಂದ ಪಡೆದು ವಂಚಿಸಿದ್ದ ಎನ್.ಆರ್.ಮೊಹಲ್ಲಾ ಎ.ಜಿ.ಬ್ಲಾಕ್‍ನ ಪುನೀತ್‍ ಸಿಂಗ್ (23) ಎಂಬಾತನನ್ನು ಪೊಲೀಸರು ಬಂಧಿಸಿದ್ದಾರೆ.

ಘಟನೆ ವಿವರ:

ಪಾಂಡವಪುರದ ದೀಪೇಶ್‍ಕುಮಾರ್ ಎಂಬುವರು ಜೂನ್ 8ರಂದು ಕೆಎಸ್‍ಆರ್‌ಟಿಸಿ ಬಸ್‍ನಲ್ಲಿ ಎರಡು ಪೆಟ್ಟಿಗೆಗಳಲ್ಲಿ ಮೊಬೈಲು ಫೋನುಗಳನ್ನು ಮೈಸೂರಿನ ಅಂಗಡಿಗಳಿಗೆ ತಲುಪಿಸಲು ಕಳುಹಿಸಿದ್ದರು. ಇದನ್ನು ತಿಳಿದಿದ್ದ ಆರೋಪಿಯು ಬಸ್ ಚಾಲಕನ ಬಳಿ ಬಾಕ್ಸ್ ತನ್ನದೆಂದು ಪಡೆದು ವಂಚಿಸಿದ್ದಾನೆ ಎಂಬ ದೂರು ಎನ್.ಆರ್.ಠಾಣೆಯಲ್ಲಿ ದಾಖಲಾಗಿತ್ತು.

ತನಿಖೆ ನಡೆಸಿದ ಪೊಲೀಸರು ಕಳವು ಮಾಡಿದ್ದ ಮೊಬೈಲ್‌ ಫೋನುಗಳ ಇಎಂಐ ಸಂಖ್ಯೆಯ ಸಹಾಯದಿಂದ ಆರೋಪಿಯನ್ನು ಪತ್ತೆ ಹಚ್ಚಿದ್ದಾರೆ. ವಿಚಾರಣೆ ವೇಳೆ ತನಗೂ ಪಾರ್ಸಲ್ ಬರಬೇಕಾಗಿದ್ದು, ಮೊಬೈಲ್ ಫೋನ್‌ ಬಾಕ್ಸ್ ತೆಗೆದುಕೊಂಡು ಬಂದಿದ್ದೆ. ಅವುಗಳನ್ನು ಬಚ್ಚಿಟ್ಟು ಬಳಿಕ ಮಾರಾಟ ಮಾಡಿದ್ದಾಗಿ ತಿಳಿಸಿದ್ದಾನೆ ಎಂದು ಪೊಲೀಸರು ತಿಳಿಸಿದ್ದಾರೆ.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !