ಪೋಕ್ಸೊ ಪ್ರಕರಣ: ಐದೇ ದಿನದಲ್ಲಿ ತೀರ್ಪು ನೀಡಿದ ಮೈಸೂರಿನ ನ್ಯಾಯಾಲಯ

ಬಾಲಕಿಯೊಡನೆ ದೈಹಿಕ ಸಂಪರ್ಕ ಮಾಡಿ ಅತ್ಯಾಚಾರ ಮಾಡಿರುವ ಪ್ರಕರಣದ ಕುರಿತು ವಿಚಾರಣೆ ನಡೆಸಿದ ನ್ಯಾಯಾಲಯವು ಸೂಕ್ತ ಸಾಕ್ಷ್ಯಾಧಾರವಿಲ್ಲವೆಂದು ಆರೋಪಿಯನ್ನು ಖುಲಾಸೆಗೊಳಿಸಿದೆ.

ಜಾರ್ಖಂಡ್ ರಾಜ್ಯದ ಗಮರಿಯಾ ಗ್ರಾಮದ ನಿವಾಸಿ ‘ಕ್ರಾಂತಿ ಸಿಂಕು’ ಖುಲಾಸೆಗೊಂಡ ಆರೋಪಿ.

17 ವರ್ಷದ ಬಾಲಕಿಯನ್ನು ಮದುವೆಯಾಗಿ, ಮೈಸೂರಿನ ಕೂರ್ಗಳ್ಳಿಯ ಮನೆಯೊಂದರಲ್ಲಿ ಇರಿಸಿ ದೈಹಿಕ ಸಂಪರ್ಕ ನಡೆಸಿದ್ದ ಕುರಿತು ಬಾಲಕಿಯ ಹೇಳಿಕೆ ಆಧರಿಸಿ ವಿಜಯನಗರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿತ್ತು.

ಪೊಲೀಸರು ಆರೋಪ ಪಟ್ಟಿ ಸಲ್ಲಿಸಿದ ಬಳಿಕ, ಆಗಸ್ಟ್‌ 1 ರಂದು ವಿಚಾರಣೆ ಪ್ರಾರಂಭವಾಯಿತು. ನ್ಯಾಯಾಧೀಶೆ ಶಾಹಿಮಾ ಕಮರೋಜ್‌ ಅವರು ಆ.5ರಂದು ತೀರ್ಪು ಪ್ರಕಟಿಸಿ, ‘ಆರೋಪಿಯ ವಿರುದ್ಧದ ಆಪಾದನೆ ಸಾಬೀತುಪಡಿಸುವ ಸಾಕ್ಷ್ಯಾಧಾರವಿಲ್ಲದ್ದರಿಂದ ಆರೋಪಿ ದೋಷ ಮುಕ್ತನಾಗಿದ್ದಾನೆ’ ಎಂದು ತೀರ್ಪು ನೀಡಿದರು. ಪ್ರಧಾನ ಕಾನೂನು ಸೇವಾ ಅಭಿರಕ್ಷಕ ಮಾಚಂಗಡ ಎಸ್.ನವೀನ್ ವಾದ ಮಂಡಿಸಿದ್ದರು.