ರತ್ನಪುರಿ: ದನಗಳ ಜಾತ್ರೆ ಸಂಪನ್ನ, ಪ್ರಸಿದ್ಧ ಹಳ್ಳಿಕಾರ್ ಎತ್ತುಗಳ ಉತ್ಸವ

ಧರ್ಮಾಪುರ : ಸಮೀಪದ ರತ್ನಪುರಿಯಲ್ಲಿ ನಡೆಯುತ್ತಿದ್ದ 62ನೇ ವರ್ಷದ ಜಾನುವಾರು ಜಾತ್ರೆಗೆ ಸೋಮವಾರ ತೆರೆ ಬಿದ್ದಿತ್ತು.

. ರಾಜ್ಯದ ವಿವಿಧ ಜಿಲ್ಲೆಗಳಿಂದ ರೈತರು ಜಾತ್ರೆಗೆ ಆಗಮಿಸಿ ತಮಗೆ ಅವಶ್ಯಕವಾದ ಹಳ್ಳಿಕಾರ್ ಜೋಡೆತ್ತು ಖರೀದಿಸಿ ವಾಹನಗಳಲ್ಲಿ ತೆಗೆದುಕೊಂಡು ಹೋಗುತ್ತಿದ್ದ ದೃಶ್ಯ ಸೋಮವಾರ ಕಂಡುಬಂದಿತು.

. ರೈತ ಸಮುದಾಯ ಬೇಸಾಯಕ್ಕೆ ಅಗತ್ಯವಿರುವ ಹಳ್ಳಿಕಾರ್ ರಾಸುಗಳ ಖರೀದಿಗೆ ಪ್ರತಿ ವರ್ಷ ರತ್ನಪುರಿ ಜಾತ್ರೆಯನ್ನು ಎದುರು ನೋಡುತ್ತಾರೆ. ಈ ವರ್ಷ ರಾಜ್ಯದ ವಿವಿಧ ಜಿಲ್ಲೆಗಳಿಂದ ರೈತರು ತಮ್ಮ ರಾಸುಗಳನ್ನು ತಂದು ಜಾತ್ರೆಗೆ ಕಟ್ಟಿದರು. ಒಂದು ವಾರಗಳ ಕಾಲ ವ್ಯಾಪಾರ ವಹಿವಾಟು ಜೋರಾಗಿ ನಡೆಯಿತು.

. ರತ್ನಪುರಿಯ ಹಳೆಯ ಸಂತೆ ಹಾಗೂ ಧರ್ಮಾಪುರ ರಸ್ತೆಯ ಬದಿಗಳಲ್ಲಿ ರಾಸುಗಳನ್ನು ಕಟ್ಟಲಾಗಿತ್ತು. ರೈತರು ತಮ್ಮ ರಾಸುಗಳನ್ನು ಕರೆತರುವಾಗ ವಿವಿಧ ರೀತಿಯಲ್ಲಿ ರಾಸುಗಳಿಗೆ ಸಿಂಗಾರ ಮಾಡಿಕೊಂಡು, ಕೆಲವೊಂದು ರೈತರು ವಾದ್ಯ ಸಮೇತ ಕರೆತಂದರು.

. ಸಾವಿರಾರು ಸಂಖ್ಯೆಯಲ್ಲಿ ಕಟ್ಟಿದ್ದ ಹಳ್ಳಿಕಾರ್ ಜೋಡೆತ್ತುಗಳನ್ನು ಕೊಂಡುಕೊಳ್ಳಲು ಈ ಬಾರಿ ಕೊಡಗು, ಮಂಡ್ಯ, ಚಾಮರಾಜನಗರ, ಹಾಸನ, ರಾಮನಗರ ಮುಂತಾದ ಜಿಲ್ಲೆಗಳಿಂದ ರೈತರು ಆಗಮಿಸಿದ್ದರು. ಜರ್ಸಿ ಜೋಡೆತ್ತುಗಳು, ಹಾಲು ಹಲ್ಲಿನ ಕರುಗಳು, ಹಳ್ಳಿಕಾರ್ ಕರುಗಳು ಜಾತ್ರೆಯ ಪ್ರಮುಖ ಆಕರ್ಷಣೆಯಾಗಿದ್ದವು. ಹೆಚ್ಚಿನ ಸಂಖ್ಯೆ ರೈತರು ಹಳ್ಳಿಕಾರ್ನತ್ತ ಒಲವು ತೋರಿದರು.

. ದುಬಾರಿ ಬೆಲೆ: ಈ ಬಾರಿ ಜಾತ್ರೆಯಲ್ಲಿ ಹಳ್ಳಿಕಾರ್ ಜೋಡೆತ್ತುಗಳಿಗೆ, ಹಾಲು ಹಲ್ಲಿನ ಕರುಗಳಿಗೆ ದುಬಾರಿ ಬೆಲೆ ಏರಿಕೆಯಾಗಿತ್ತು. ಕನಿಷ್ಠ ₹50 ಸಾವಿರದಿಂದ ₹3 ಲಕ್ಷದವರೆಗೂ ಬೆಲೆ ಕೇಳಿಬಂದವು.

. ಅತಿ ಸಣ್ಣ ರೈತರು ಜಾತ್ರೆಯಲ್ಲಿ ಜಾನುವಾರುಗಳ ಖರೀದಿಗೆ ಆಗಮಿಸಿ ಬೆಲೆ ಅಧಿಕವಾದರಿಂದ ಖರೀದಿ ಮಾಡಲು ಸಾಧ್ಯವಾಗದೆ ವಾಪಸ್ ಹೋಗುತ್ತಿದ್ದ ದೃಶ್ಯ ಕಂಡು ಬಂದಿತು.

. ‘ಹಳ್ಳಿಕಾರ್ ಜೋಡೆತ್ತುಗಳು ವ್ಯವಸಾಯಕ್ಕೆ ಹಾಗೂ ಎತ್ತಿನಗಾಡಿ ಉಪಯೋಗಕ್ಕೆ ಸೂಕ್ತವಾದವು. ಆದ್ದರಿಂದ ಹಳ್ಳಿಕಾರ್ ಜೋಡೆತ್ತುಗಳನ್ನು ಪ್ರತಿವರ್ಷ ಖರೀದಿಸುತ್ತೇವೆ’ ಎಂದು ಧರ್ಮಾಪುರದ ರೈತ ಮಹೇಶ್ ‘ಪ್ರಜಾವಾಣಿ’ಗೆ ತಿಳಿಸಿದರು.

. ಜಾತ್ರೆ ಕಣ್ತುಂಬಿಕೊಳ್ಳಲು ಧರ್ಮಾಪುರ, ಗದ್ದಿಗೆ, ಕರಿಮುದ್ದನಹಳ್ಳಿ, ಹುಂಡಿ ಮಾಳ, ಸಿಬಿಟಿ ಕಾಲೊನಿ, ವಿನೋಬ ಕಾಲೋನಿ, ಹಳ್ಳದ ಕೊಪ್ಪಲು, ತರಿಕಲ್, ಮಲ್ಲೇಗೌಡನ ಕೊಪ್ಪಲು, ಊಯಿಗೊಂಡನಹಳ್ಳಿ, ಬಿಳಿಕೆರೆ ಗ್ರಾಮಗಳಿಂದ ಲಕ್ಷಾಂತರ ಮಂದಿ ಬಂದಿದ್ದರು. ಅತ್ಯುತ್ತಮ ರಾಸುಗಳಿಗೆ ಎಪಿಎಂಸಿಯಿಂದ ಬಹುಮಾನ ನೀಡಲಾಯಿತು.

. ಭಾನುವಾರ ರಾಜ್ಯ ಮಟ್ಟದ ಕಬ್ಬಡಿ ಪಂದ್ಯಾವಳಿ ನಡೆಯಿತು.

. ಶಾಸಕ ಜಿ.ಡಿ.ಹರೀಶ್ ಗೌಡ, ಮಾಜಿ ಶಾಸಕ ಎಚ್.ಪಿ.ಮಂಜುನಾಥ್ ಆಗಮಿಸಿ ಆಂಜನೇಯ ಸ್ವಾಮಿ ಪಲ್ಲಕ್ಕಿ ಉತ್ಸವ, ಜಮಾಲ್ ಬೀಬಿ ಅಮ್ಮನವರ ಗಂಧೋತ್ಸವದಲ್ಲಿ ಭಾಗಿಯಾಗಿ ಶುಭಾಶಯ ಕೋರಿದರು.

. ₹30 ಸಾವಿರಕ್ಕೆ ಜಾನುವಾರು ಖರೀದಿ ಮಾಡಲು ಜಾತ್ರೆಗೆ ಆಗಮಿಸಿದೆ ಆದರೆ ಈ ಜಾತ್ರೆಯಲ್ಲಿ ಬೆಲೆ ದುಪ್ಪಟ್ಟಾಗಿದೆ ಆದ್ದರಿಂದ ಖರೀದಿ ಮಾಡಲು ಸಾಧ್ಯವಾಗಲಿಲ್ಲ -ಗೋವಿಂದ ನಾಯಕ, ರೈತ . ಹಳ್ಳಿಕಾರ್ ಜೋಡೆತ್ತು ಸಾಕಿ ಮಾರಾಟ ಮಾಡುವುದು ನಮ್ಮ ಕಸುಬಾಗಿದ್ದು ಜಾತ್ರೆಗಾಗಿ ಹಳ್ಳಿಕಾರ್ ಜೋಡಿಗಳನ್ನು ಸಾಕುತ್ತೇವೆ. ಸೂಕ್ತ ಲಾಭ ಬಂದರೆ ಮಾರಾಟ ಮಾಡುತ್ತೇವೆ -ಚೇತನ್ ಕುಮಾರ್, ರೈತ . ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ರತ್ನಪುರಿ: ದನಗಳ ಜಾತ್ರೆ ಸಂಪನ್ನ, ಪ್ರಸಿದ್ಧ ಹಳ್ಳಿಕಾರ್ ಎತ್ತುಗಳ ಉತ್ಸವ

ಚಿನಕುರುಳಿ: 2026ರ ಮಾರ್ಚ್ 6, ಶುಕ್ರವಾರ

ಚುರುಮುರಿ: ಯುದ್ಧ ಭವಿಷ್ಯ!

ಹಿರಿಯಣ್ಣನ ರಕ್ಷಣೆಯ ನೆಪ: 80 ದೇಶಗಳಲ್ಲಿ ಅಮೆರಿಕದ 750ಕ್ಕೂ ಹೆಚ್ಚು ಸೇನಾನೆಲೆಗಳು

ಸದಸ್ಯರ ಜತೆ ಕೂರಲಿರುವ ಓಂ ಬಿರ್ಲಾ: ಅಪರೂಪದ ಕ್ಷಣಕ್ಕೆ ಸಾಕ್ಷಿಯಾಗಲಿದೆ ಲೋಕಸಭೆ

Photos: ಸಹೋದರನ ಮದುವೆಯಲ್ಲಿ ಮಿಂಚಿದ ಸಾರಾ ತೆಂಡೂಲ್ಕರ್

ಈ ಪ್ರಶಸ್ತಿ ನನಗಲ್ಲ, ಅವರಿಗೆ ಸಲ್ಲಬೇಕಿತ್ತು: ಪಂದ್ಯಶ್ರೇಷ್ಠ ಪಡೆದ ಸಂಜು ಹೇಳಿಕೆ

ನವೀಕರಣ ಕಾಮಗಾರಿಯಲ್ಲಿ ಕೆಎಸ್‌ಸಿಎ ಹಿನ್ನಡೆ

ಕಲಬುರಗಿ ಓಪನ್ ಮಹಿಳಾ ಟೆನಿಸ್ ಟೂರ್ನಿ: ಮುಂದುವರಿದ ಅಂಕಿತಾ, ವೈಷ್ಣವಿ ಪಾರಮ್ಯ

ಒಳನೋಟ | ಕೋಟಿ ವೃಕ್ಷ ಅಭಿಯಾನಕ್ಕೆ ಜನ ಸಹಭಾಗಿತ್ವ: ಹಸಿರಾಗುತ್ತಿದೆ ವಿಜಯಪುರ

ಒಳನೋಟ: ನೆಡುತೋಪಿನಿಂದ ವನ ವಿಸ್ತರಣೆ?

ಒಳನೋಟ | ಕಾಣದ ಕೈ: ಕಾಡುವ ಡ್ರಗ್ಸ್‌

ಒಳನೋಟ: ಕಿನ್ನಾಳ ಕಲೆಗೀಗ ಯುವೋತ್ಸಾಹ

ಚಿನಕುರುಳಿ: 2026ರ ಮಾರ್ಚ್ 6, ಶುಕ್ರವಾರ

ಚುರುಮುರಿ: ಯುದ್ಧ ಭವಿಷ್ಯ!

ಹಿರಿಯಣ್ಣನ ರಕ್ಷಣೆಯ ನೆಪ: 80 ದೇಶಗಳಲ್ಲಿ ಅಮೆರಿಕದ 750ಕ್ಕೂ ಹೆಚ್ಚು ಸೇನಾನೆಲೆಗಳು

ಸದಸ್ಯರ ಜತೆ ಕೂರಲಿರುವ ಓಂ ಬಿರ್ಲಾ: ಅಪರೂಪದ ಕ್ಷಣಕ್ಕೆ ಸಾಕ್ಷಿಯಾಗಲಿದೆ ಲೋಕಸಭೆ