‘ವೋಟಿಗಾಗಿ ಹಣ– ಲಿಕ್ಕರ್– ನಿಕ್ಕರ್– ಸೀರೆ ಹಂಚಲು ರೆಡಿ’ (ಪ್ರ.ವಾ., ಮೇ 30).
ಆಹಾ! ಎಂಥ ಪ್ರಾಸ ವಿನ್ಯಾಸ! ಇವುಗಳ ಜೊತೆಗೆ ‘ಕುಕ್ಕರ’ನೂ ಜೋಡಿಸಲಾಗಿದೆ. ಸ್ವಾರಸ್ಯವೆಂದರೆ, ‘ರೆಡಿ’ ಎಂದ ಆ ಚುನಾವಣಾ ಅಭ್ಯರ್ಥಿ ಒಬ್ಬರು ‘ರೆಡ್ಡಿ’! ಸರಿಹೋಯಿತು.
(ಪ್ರಾಚೀನ) ‘ಕನ್ನಡ ಕವಿಗಳು ಪ್ರಾಸಕ್ಕೆ ದಾಸರಾಗಿ ಭಾವಕ್ಕೆ ಸಾವು ತಂದರು’ ಎಂಬ ಪ್ರಾಸಬದ್ಧ ಟೀಕೆ ನೆನಪಾಗುತ್ತದೆ. ಮೇಲಿನ ಪ್ರಾಸ ವ್ಯವಸ್ಥೆಗೆ ‘ಸೀರೆ’ಯೊಂದು ಹೊರತು! ಆದರೆ (ನೀರೆಗೂ ಸೀರೆಗೂ ಸಂಬಂಧ ಉಂಟೇ ಉಂಟಲ್ಲ).
ಪ್ರಾಸದ ವಿಷಯ ಹಾಗಿರಲಿ, ‘ನಿಕ್ಕರ್’ಗೆ ಸಂವಾದಿಯಾಗಿ ಹಂಚಬೇಕಾದ್ದು ‘ಸ್ಕರ್ಟ್’ನ್ನಲ್ಲವೆ? (ಒಂದು ವೇಳೆ ಷರಟು ಹಂಚುವುದಾದರೆ, ‘ಷರ್ಟು–ಸ್ಕರ್ಟು’ ಪ್ರಾಸಗಳಾಗುತ್ತವೆ.)
