ಏಳು ಮಂದಿ ದರೋಡೆಕೋರರ ಬಂಧನ

ಯೋಗಾನಂದ, ಅಭಿಷೇಕ್, ಚೇತನ್, ಗುಂಡ, ರಮೇಶ್, ಉದಯ್, ತೇಜ ಬಂಧಿತರು. ಆರೋಪಿಗಳೆಲ್ಲರೂ ಬೆಂಗಳೂರು‌ ಹಾಗೂ ಮಂಡ್ಯದವರು. ಇವರಿಂದ ಕೃತ್ಯಕ್ಕೆ ಬಳಸಿದ ಇಟಿಯೋಸ್, ಅಸೆಂಟ್ ಹಾಗೂ ಸ್ವಿಫ್ಟ್ ಕಾರುಗಳನ್ನು ವಶಪಡಿಸಿಕೊಳ್ಳಲಾಗಿದೆ.

ಹಾಸನ, ಮೈಸೂರು, ಮಂಡ್ಯ, ಚಿತ್ರದುರ್ಗ, ತುಮಕೂರು, ನೆಲಮಂಗಲ ಹಾಗೂ ಆನೇಕಲ್ ನಲ್ಲಿನ ಒಟ್ಟು 11 ಬಂಕ್ ಗಳಲ್ಲಿ ದರೋಡೆ ಮಾಡಿರುವುದಾಗಿ ಆರೋಪಿಗಳು ವಿಚಾರಣೆ ವೇಳೆ ಬಾಯಿಬಿಟ್ಟಿದ್ದಾರೆ.

ಬಿಡದಿಯ ಶೇಷಗಿರಿಹಳ್ಳಿ ಪೆಟ್ರೋಲ್ ಬಂಕ್‌ನಲ್ಲಿ ಆರೋಪಿಗಳು ಡಿ.3ರಂದು 82 ಸಾವಿರ‌ ರೂಪಾಯಿ ದೋಚಿ ಪರಾರಿಯಾಗಿದ್ದರು. ಬಂಕಿನ ಕ್ಯಾಷಿಯರ್ ನವೀನ್ ನೀಡಿದ ದೂರು ಆಧರಿಸಿ ಪೊಲೀಸರು ಆರೋಪಿಗಳಿಗಾಗಿ ಬಲೆ ಬೀಸಿದ್ದರು.