ಕುಂಬಾರ ಕಲೆ ಅಳಿವಿನ ಅಂಚಿಗೆ: ಮಾಜಿ ಶಾಸಕ ಬಿ.ಸ್ವಾಮಿರಾವ್ ಕಳವಳ

7
ತಾಲ್ಲೂಕು ಕುಂಬಾರ ಸಮಾವೇಶ

ಕುಂಬಾರ ಕಲೆ ಅಳಿವಿನ ಅಂಚಿಗೆ: ಮಾಜಿ ಶಾಸಕ ಬಿ.ಸ್ವಾಮಿರಾವ್ ಕಳವಳ

Published:
Updated:
Deccan Herald

ಹೊಸನಗರ: ಸಾಂಪ್ರದಾಯಿಕ ಕುಂಬಾರ ಕಲೆಯು ಅಳಿವಿನ ಅಂಚಿನತ್ತ ಸಾಗುತ್ತಿದೆ ಎಂದು ಮಾಜಿ ಶಾಸಕ ಸ್ವಾಮಿರಾವ್ ವಿಷಾದಿಸಿದರು.

ತಾಲ್ಲೂಕಿನ ಹೇರಗಲ್ಲು ಗ್ರಾಮದಲ್ಲಿ ಭಾನುವಾರ ನಡೆದ ತಾಲ್ಲೂಕು ಕುಂಬಾರರ 11ನೇ ಸಮಾವೇಶ ಉದ್ಘಾಟಿಸಿ ಮಾತನಾಡಿದರು.

ಬದಲಾಗುತ್ತಿರುವ ಇಂದಿನ ಕಾಲಘಟ್ಟದಲ್ಲಿ ಮಡಿಕೆ, ಕುಡಿಕೆ ಮಾಡುವ ಕುಂಬಾರ ಕಲೆಗೆ ಸರ್ಕಾರದ ಪ್ರೋತ್ಸಾಹ ಅಗತ್ಯ. ಹಿಂದುಳಿದ ವರ್ಗಗಳು ಸಮಾಜದ ಮುಖ್ಯ ವಾಹಿನಿಗೆ ಬರಲು ಶಿಕ್ಷಣ ಅತಿ ಮುಖ್ಯ. ಪ್ರತಿಯೊಬ್ಬರು ಮಕ್ಕಳಿಗೆ ಕಡ್ಡಾಯವಾಗಿ ವಿದ್ಯಾಭ್ಯಾಸಕ್ಕೆ ಆದ್ಯತೆ ನೀಡಬೇಕು ಎಂದು ಮನವಿ ಮಾಡಿದರು.

ಅಧ್ಯಕ್ಷತೆ ವಹಿಸಿದ್ದ ತಾಲ್ಲೂಕು ಕುಂಬಾರ ಸಂಘದ ಅಧ್ಯಕ್ಷ ಹೊಸಳ್ಳಿ ಪುಟ್ಟಸ್ವಾಮಿ ಮಾತನಾಡಿ, ಸಮಾಜದಲ್ಲಿನ ಬಡ ಬುದ್ಧಿವಂತ ಮಕ್ಕಳಿಗೆ ಪ್ರೋತ್ಸಾಹ ನೀಡುವ ನಿಟ್ಟಿನಲ್ಲಿ ಸಂಘ ಪ್ರಯತ್ನಿಸುತ್ತಿದೆ ಎಂದರು.

ಶಾಸಕ ಆರಗ ಜ್ಞಾನೇಂದ್ರ, ತಾಲ್ಲೂಕು ಕುಂಬಾರರ ಸಂಘದ ಗೌರವ ಅಧ್ಯಕ್ಷ ಕುಮಾರ ಸ್ವಾಮಿ, ಉಪಾಧ್ಯಕ್ಷ ಎಲ್. ಶೇಖರಪ್ಪ, ಕಾರ್ಯದರ್ಶಿ ಮೈತಳ್ಳಿ ರಾಮಚಂದ್ರ, ಸ್ವಾಗತ ಸಮಿತಿ ಅಧ್ಯಕ್ಷ ನಿರುಗುಳಿ ಹುಚ್ಚ ಶೆಟ್ರು, ಸಾಗರ ತಾಲ್ಲೂಕು ಅಧ್ಯಕ್ಷ ಶೇಖರಪ್ಪ, ಗ್ರಾಮ ಪಂಚಾಯಿತಿ ಉಪಾಧ್ಯಕ್ಷೆ ಸುವರ್ಣ, ಸದಸ್ಯೆ ಮಮತಾ, ಪ್ರಮುಖರಾದ ಸುಧೀರ್ ಭಟ್, ಎ.ವಿ.ಮಲ್ಲಿಕಾರ್ಜುನ್, ಎನ್.ಆರ್.ದೇವಾನಂದ್ ಇದ್ದರು.

ಉಪನ್ಯಾಸಕ ಎಂ. ಬಸವರಾಜಪ್ಪ ಕುಂಬಾರ ಕಲೆ, ಹುಟ್ಟು, ವೃತ್ತಿ, ಪ್ರವೃತ್ತಿ ಕುರಿತು ಉಪನ್ಯಾಸ ನೀಡಿದರು. ಕುಂಬಾರ ಕಲೆಯನ್ನು ಇನ್ನೂ ಜೀವಂತವಾಗಿಡಲು ತಮ್ಮ ಜೀವನವನ್ನು ಮುಡಿಪಾಗಿಟ್ಟ ಹೇರಗಲ್ಲು ಗಂಗಮ್ಮ ಧರ್ಮಶೆಟ್ಟಿ, ರಾಮಪ್ಪ ತಿಮ್ಮಶೆಟ್ಟಿ ಅವರನ್ನು ಸನ್ಮಾನಿಸಲಾಯಿತು.

ಪಿಯುಸಿ ಹಾಗೂ ಎಸ್ಸೆಸ್ಸೆಲ್ಸಿಯಲ್ಲಿ ಅತಿ ಹೆಚ್ಚು ಅಂಕಪಡೆದ ವಿದ್ಯಾರ್ಥಿಗಳಿಗೆ ಪ್ರತಿಭಾ ಪುರಸ್ಕಾರ ನೀಡಲಾಯಿತು.

ರೇವತಿ ಸ್ವಾಗತಿಸಿದರು. ಹೊಸಳ್ಳಿ ರಮೇಶ ನಿರೂಪಿಸಿದರು. ಕೊಳಗಿ ಕೆ.ಆರ್.ರವಿ ವಂದಿಸಿದರು.

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !