ವಿಡಿಯೊಗಳು
Video of the day
ಜಿಲ್ಲಾ ಸುದ್ದಿ
ಮೇಷ
ನಿರಾಯಾಸವಾಗಿ ಕೆಲಸ ಕಾರ್ಯಗಳ ಸಾಧನೆ. ಸಂಘ ಸಂಸ್ಥೆಗಳ ಸಹಕಾರ ದೊರೆತು ಕಾರ್ಯಾನುಕೂಲ. ಅಧ್ಯಯನಶೀಲರು ಅಧ್ಯಯನದಲ್ಲಿ ಮುನ್ನಡೆ. ಮಾನಸಿಕ ಶಾಂತಿ ನೆಮ್ಮದಿ ದೊರಕಲಿದೆ.
ವೃಷಭ
ವ್ಯಾಪಾರ ವ್ಯವಹಾರಗಳಲ್ಲಿ ವಿಶೇಷ ಲಾಭ ಗಳಿಸುವ ಸಾಧ್ಯತೆ. ಪ್ರೀತಿಪಾತ್ರರ ಭೇಟಿಯಿಂದ ಮನಸ್ಸಿನಲ್ಲಿ ಉಂಟಾದ ಆತಂಕ ಶಮನ. ಉದ್ಯೋಗದಲ್ಲಿರುವವರಿಗೆ ಸ್ವಲ್ಪಮಟ್ಟಿನ ಕಿರಿಕಿರಿ ಉಂಟಾಗುವ ಸಾಧ್ಯತೆ.
ಮಿಥುನ
ಲೇವಾದೇವಿ ವ್ಯವಹಾರದಲ್ಲಿರುವವರಿಗೆ ಸ್ವಲ್ಪಮಟ್ಟಿನ ಹಿನ್ನಡೆ. ವಿನಾಕಾರಣ ಮನೆಮಂದಿಯ ದುಡುಕಿನಿಂದ ಆರೋಗ್ಯದ ಮೇಲೆ ವ್ಯತಿರಿಕ್ತ ಪರಿಣಾಮ. ಸಂಗಾತಿಯ ಸಮಾಧಾನದಿಂದ ಅನುಕೂಲಕರ ವಾತಾವರಣ.
ಕಟಕ
ನಿರೀಕ್ಷೆಯಂತೆ ನಿತ್ಯದ ಕೆಲಸ ಕಾರ್ಯಗಳು ಸಾಗಿ ಜೀವನಾಧಾರ ಮೂಡಿಸಲಿದೆ. ಕ್ರೀಡಾಪಟುಗಳಿಗೆ ಯಶಸ್ಸಿನ ದಿನ. ವಿದ್ಯಾರ್ಥಿಗಳಿಗೆ ಉತ್ತಮ ಸಾಧನೆಗೆ ಅನುಕೂಲ. ಆರೋಗ್ಯದಲ್ಲಿ ಸುಧಾರಣೆ.
ಸಿಂಹ
ಹೊಸ ವಾಹನವೊಂದರ ಖರೀದಿ ಮಾಡುವ ಸಲುವಾಗಿ ಮಿತ್ರರೊಂದಿಗೆ ಚರ್ಚೆ. ಜಮೀನು ಅಥವಾ ನಿವೇಶನ ಖರೀದಿ ಮಾಡುವ ಆಲೋಚನೆ ಕೈಗೂಡುವ ಸಾಧ್ಯತೆ. ಅಲ್ಪ ಪ್ರಮಾಣದ ಕಿರಿಕಿರಿ ಉಂಟಾದೀತು.
ಕನ್ಯಾ
ಬಹುದಿನಗಳಿಂದ ನಡೆಯುತ್ತಿದ್ದ ತಂಟೆ ತಕರಾರುಗಳು ಬಗೆಹರಿದು ನಿಶ್ಚಿಂತರಾಗಲಿದ್ದೀರಿ. ಕೋಪತಾಪಗಳಿಂದ ವ್ಯವಹಾರದಲ್ಲಿ ಹಿನ್ನಡೆ. ಅಹಿತಕರ ಘಟನೆಗಳಿಗೆ ಆಸ್ಪದವಾಗದಂತೆ ಎಚ್ಚರಿಕೆ ವಹಿಸುವುದು ಉತ್ತಮ.
ತುಲಾ
ಉದ್ಯೋಗದಲ್ಲಿ ಒತ್ತಡದ ವಾತಾವರಣದಿಂದಾಗಿ ಮಾನಸಿಕ ಚಂಚಲತೆ. ಲೇವಾದೇವಿ ವ್ಯವಹಾರಸ್ಥರಿಗೆ ಹಿನ್ನಡೆ ಸಾಧ್ಯತೆ. ಮಕ್ಕಳೊಂದಿಗೆ ವೃಥಾ ವಾಗ್ವಾದ ಸಲ್ಲದು. ಆರೋಗ್ಯದ ಕಡೆ ಗಮನ ವಹಿಸುವುದು ಅಗತ್ಯ.
ವೃಶ್ಚಿಕ
ಧೈರ್ಯದ ನಡೆಯಿಂದಾಗಿ ಕಾರ್ಯ ಕಲಾಪಗಳು ಸರಾಗವಾಗಿ ಸಾಗಲಿವೆ. ವ್ಯಾಪಾರದಲ್ಲಿ ತೊಡಗಿರುವವರು ಲಾಭದಲ್ಲಿ ವೃದ್ಧಿ ಕಾಣಬಹುದು. ಆತ್ಮೀಯರೊಂದಿಗೆ ಸಮಾಲೋಚನೆಯಲ್ಲಿ ಭಾಗವಹಿಸಲಿದ್ದೀರಿ.
ಧನು
ಹೊಸ ಹೊಸ ವಿಚಾರಗಳ ಬಗ್ಗೆ ಹಿರಿಯರೊಂದಿಗೆ ಚರ್ಚಿಸಿ ಮುಂದುವರೆಯುವುದರಿಂದ ಯಶಸ್ಸು. ಸಂತೋಷದ ಸುದ್ದಿ ಕೇಳಲಿದ್ದೀರಿ. ಸಾಮಾಜಿಕ ಗೌರವಾದರಗಳು ಪ್ರಾಪ್ತವಾಗುವ ಸಾಧ್ಯತೆ ಕಂಡುಬರುತ್ತಿದೆ.
ಮಕರ
ನಿರ್ಧಾರಗಳನ್ನು ತೆಗೆದುಕೊಳ್ಳುವಲ್ಲಿ ಆಸಲ್ಯ ಮನೋಭಾವ ಸಲ್ಲದು. ಕೆಲಸ ಕಾರ್ಯಗಳಲ್ಲಿ ಸ್ವಲ್ಪಮಟ್ಟಿನ ಅಡಚಣೆ ಸಾಧ್ಯತೆ. ನಿಮ್ಮ ತಪ್ಪುಗಳು ಅರಿವಾಗುವುದರಿಂದ ಹಳೆಯ ವೈಷಮ್ಯಗಳು ದೂರವಾಗಲಿವೆ.
ಕುಂಭ
ಉದ್ಯೋಗದಲ್ಲಿ ಪ್ರಗತಿ ಸಾಧನೆ. ಆರೋಗ್ಯದಲ್ಲಿ ವ್ಯತ್ಯಯ ಕಂಡುಬರುವ ಸಾಧ್ಯತೆ. ಪ್ರೀತಿಪಾತ್ರರ ಭೇಟಿಯಿಂದ ಮಾನಸಿಕ ನೆಮ್ಮದಿ. ಲೇವಾದೇವಿ ವ್ಯವಹಾರಸ್ಥರಿಗೆ ಉತ್ತಮ ಲಾಭ ತರುವ ದಿನವಾಗಿದೆ.
ಮೀನ
ದೃಢನಿರ್ಧಾರವೊಂದನ್ನು ತೆಗೆದುಕೊಳ್ಳಲಿದ್ದೀರಿ. ಉದ್ಯೋಗಸ್ಥರಿಗೆ ಬಡ್ತಿ ಅಥವಾ ಉನ್ನತಿ ನಿರೀಕ್ಷಿಸಬಹುದು. ವ್ಯಾಪಾರ ವ್ಯವಹಾರದಲ್ಲಿ ಮುನ್ನಡೆ ಸಾಧಿಸಲಿದ್ದೀರಿ. ಹಿತೈಷಿಗಳೊಬ್ಬರ ಭೇಟಿ ಸಾಧ್ಯತೆ ಕಂಡುಬರುವುದು.
ಮೇಷ
ಅಶ್ವಿನಿ, ಭರಣಿ, ಕೃತ್ತಿಕಾ 1ನೇ ಪಾದ
ನಿಮ್ಮ ಬಹುದಿನದ ಬೇಡಿಕೆಯಾದ ರಾಜಕೀಯಕ್ಕೆ ಪಾದಾರ್ಪಣೆ ಮಾಡುವಿರಿ. ಇದಕ್ಕೆ ಪೂರಕವಾದ ವಾತಾವರಣವನ್ನು ನಿರ್ಮಾಣ ಮಾಡುವಿರಿ ಹಾಗೂ ಹಿರಿಯ ರಾಜಕೀಯ ನಾಯಕರನ್ನು ಭೇಟಿ ಮಾಡುವಿರಿ. ಅವರಿಂದ ಸೂಕ್ತ ಭರವಸೆಗಳು ದೊರಕಿ ಸಂತೋಷಿಸುವಿರಿ. ನಿಮ್ಮ ಸಮಾಜದಲ್ಲಿ ಪ್ರಮುಖರಾಗುವಿರಿ. ನಿಮ್ಮ ಕೆಲಸಗಳಿಗೆ ಇದ್ದ ಅಡ್ಡಿ ಆತಂಕಗಳು ನಿವಾರಣೆಯಾಗಿ ಸಮಾಜಮುಖಿ ಕೆಲಸ ಮಾಡುವಿರಿ. ನಿಮ್ಮ ವೃತ್ತಿಯಲ್ಲಿ ಪದೋನ್ನತಿಗಾಗಿ ನಿಮ್ಮ ಹೆಸರು ಶಿಫಾರಸ್ಸಿಗೊಳಗಾಗುತ್ತದೆ. ಹಣದ ಹರಿವು ಸಾಮಾನ್ಯವಾಗಿರುತ್ತದೆ.
ವೃಷಭ
ಕೃತ್ತಿಕಾ 2,3,4, ರೋಹಿಣಿ, ಮೃಗಶಿರಾ 1,2
ನಿಮ್ಮ ಬಗೆಗಿನ ಅನುಭವಗಳನ್ನು ಜನರು ಗೌರವ ಮತ್ತು ಆದರಗಳಿಂದ ಕಾಣುವರು. ಧನಾದಾಯವು ನಿಮ್ಮ ನಿರೀಕ್ಷೆಗೂ ಮೀರಿ ಇರುತ್ತವೆ. ನಿಮ್ಮ ಅನುಭವಗಳನ್ನು ಒಗ್ಗೂಡಿಸಿ ಅದನ್ನು ವ್ಯವಹಾರದಲ್ಲಿ ಬಳಸಿರಿ. ನಿಮ್ಮ ವ್ಯವಹಾರದಲ್ಲಿ ಮತ್ತು ನಿಮ್ಮ ವೈಯಕ್ತಿಕ ವಿಚಾರಗಳಲ್ಲಿ ಕಿರಿಕಿರಿ ಮಾಡುವವರನ್ನು ಈಗಲೇ ನಿಯಂತ್ರಿಸಿರಿ. ಹೆಚ್ಚಿನ ಲವಲವಿಕೆ ಮತ್ತು ಮುತುವರ್ಜಿಯಿಂದ ಕೆಲಸ ಮಾಡಿ ಎಲ್ಲರ ಗಮನ ಸೆಳೆಯುವಿರಿ. ನಿಮ್ಮ ಮಕ್ಕಳು ನಿಮ್ಮ ಮಾತಿಗೆ ಬೆಲೆಕೊಟ್ಟು ನಿಮ್ಮನ್ನು ಪ್ರಸನ್ನಗೊಳಿಸುವರು ಮತ್ತು ಸಂಸಾರದಲ್ಲಿ ಸಂತೋಷ ಮೂಡುವುದು.
ಮಿಥುನ
ಮೃಗಶಿರಾ 3,4, ಆರಿದ್ರಾ, ಪುನರ್ವಸು 1,2,3
ಯಾರು ಏನೋ ಅನ್ನಲಿ ಬಿಡಲಿ ನಿಮ್ಮ ಕಾರ್ಯವನ್ನು ಅಚ್ಚು ಕಟ್ಟಾಗಿ ಪೂರೈಸುವಿರಿ. ಇದು ನಿಮ್ಮನ್ನು ಪ್ರಗತಿಯತ್ತ ಕೊಂಡೊಯ್ಯಬಹುದು. ಮಕ್ಕಳ ವಿದ್ಯಾಭ್ಯಾಸ ಉತ್ತಮವಾಗಿರುತ್ತದೆ. ಹಲವಾರು ವಿಷಯಗಳಲ್ಲಿ ಗೊಂದಲದಲ್ಲಿರುವಿರಿ. ಗೊಂದಲ ಬಿಟ್ಟು ದೃಢ ನಿರ್ಧಾರಗಳಿಂದ ಕಠಿಣ ಪರಿಶ್ರಮದಿಂದ ಮುಂದುವರೆಯಿರಿ. ಹಣದ ಹರಿವು ಸಾಮಾನ್ಯವಾಗಿದ್ದು ಅದರ ನಿರ್ವಹಣೆಯನ್ನು ಸರಿಯಾಗಿ ಮಾಡಲೇ ಬೇಕಾಗಿರುತ್ತದೆ. ನೀವು ಸಾಲಕ್ಕಾಗಿ ಯತ್ನಿಸಿದ ಕಡೆ ಸಕಾರಾತ್ಮಕ ಪ್ರತಿಕ್ರಿಯೆ ಕಂಡು ಸಾಲವು ಖಂಡಿತಾ ದೊರಕಿ ನಿಮ್ಮ ಕಷ್ಟಕ್ಕೆ ಅನುವಾಗುವುದು.
ಕಟಕ
ಪುನರ್ವಸು 4, ಪುಷ್ಯ, ಆಶ್ಲೇಷ
ಕೃಷಿ ಭೂಮಿಗೆ ಸಂಬಂಧಿಸಿದ ಕಾರ್ಯ ಯೋಜನೆಗಳಲ್ಲಿ ಪಾಲುಗೊಳ್ಳುವಿರಿ. ಇದನ್ನು ಇತರ ಕೃಷಿಕರಿಗೂ ತಿಳಿಸಿ ಅವರಿಂದ ಮೆಚ್ಚುಗೆ ಪಡೆಯುವಿರಿ. ಕೆಲವರಿಗೆ ಸ್ಥಿರಾಸ್ಥಿಯನ್ನು ಖರೀದಿಸುವ ಯೋಗವಿದೆ. ಹಳೆಯ ವೈಷಮ್ಯಗಳು ಬಂಧುಗಳಲ್ಲಿ ಪುನಃ ಆರಂಭವಾಗುತ್ತದೆ. ಶಾಂತಿಯಿಂದ ವ್ಯವಹರಿಸಿದ್ದು ಅನುಕೂಲವಿರುತ್ತದೆ. ನಿಮ್ಮ ಯಜಮಾನರಿಗೆ ಅವರ ವ್ಯವಹಾರಗಳಲ್ಲಿ ಲಾಭ ಇರುತ್ತದೆ ಮತ್ತು ವ್ಯಾಜ್ಯಗಳು ಪರಿಹಾರವಾಗುತ್ತದೆ. ಆಮದು ಮತ್ತು ರಫ್ತು ವ್ಯವಹಾರ ಹೆಚ್ಚುತ್ತದೆ.
ಸಿಂಹ
ಮಖ, ಪೂರ್ವ ಫಲ್ಗುಣಿ, ಉತ್ತರ ಫಲ್ಗುಣಿ 1
ಬರೀ ಬಾಯಿ ಮಾತಿನಿಂದ ಏನನ್ನೂ ಸಾಧಿಸಲು ಆಗುವುದಿಲ್ಲ. ಅದಕ್ಕೆ ತಕ್ಕ ಪರಿಶ್ರಮ ಹಾಗೂ ಕಾರ್ಯ ಯೋಜನೆಯನ್ನು ಸಹ ಮಾಡಿಕೊಳ್ಳುವಿರಿ. ಸ್ವಾರ್ಥ ಜನರು ನಿಮ್ಮನ್ನು ದಾರಿ ತಪ್ಪಿಸುವ ಸಾಧ್ಯತೆಗಳಿವೆ ಎಚ್ಚರ. ನಿಮ್ಮ ಪತ್ನಿಯ ಎಚ್ಚರಿಕೆಯ ಮಾತುಗಳಿಂದ ನಿಮಗೆ ಒಳಿತಾಗಿ ಆಗುತ್ತಿದ್ದ ನಷ್ಟವನ್ನು ತಪ್ಪಿಸುತ್ತದೆ. ಸಾಹಸ ಮತ್ತು ಪರಾಕ್ರಮದ ವೃತ್ತಿಯಲ್ಲಿ ಕೆಲಸ ಮಾಡುವವರಿಗೆ ಯಶಸ್ಸು ಇರುತ್ತದೆ. ಕೌಟುಂಬಿಕ ವಿಷಯ ಮಹತ್ತರ ತೀರ್ಮಾನ ತೆಗೆದು ಕೊಳ್ಳುವಾಗ ಕುಟುಂಬದವರ ಸಲಹೆಯನ್ನು ಪಡೆಯಿರಿ.
ಕನ್ಯಾ
ಉತ್ತರ ಫಲ್ಗುಣಿ 2,3,4, ಹಸ್ತ, ಚಿತ್ತಾ 1,2
ನಿಮ್ಮ ಎದುರೇ ನಿಮ್ಮ ಎದುರಾಳಿಗಳನ್ನು ಹೊಗಳುವವರ ಬಗ್ಗೆ ಗಮನಹರಿಸಿರಿ. ಸೂಕ್ತ ಬಂದೋಬಸ್ತ್ ಮಾಡಿರಿ. ನಿಮ್ಮ ಸಲಹೆಯೇ ನಿಮ್ಮನ್ನು ಕಾಯುತ್ತದೆ. ಕೈಲಾಗದ ಕೆಲಸಗಳನ್ನು ಒಪ್ಪಿಕೊಂಡು ಮಾಡಲಾಗದೆ ಮುಜುಗರಕ್ಕೆ ಒಳಗಾಗಬೇಡಿರಿ. ನಿಮ್ಮ ವ್ಯವಹಾರಗಳಿಗೆ ಬಂಡವಾಳವನ್ನು ಹೂಡಲು ಹೊಸ ಪಾಲುದಾರರು ದೊರೆಯುವರು. ಆದರೆ ಅವರ ಸ್ಥಾನದ ಇತಿಮಿತಿಗಳನ್ನು ಸರಿಯಾಗಿ ತಿಳಿಸಿರಿ. ನಂತರ ಸೇರಿಸಿ ಕೊಳ್ಳಿರಿ. ಉಪನ್ಯಾಸ ಭಾಷಣಗಳನ್ನು ಮಾಡಲು ಅಭ್ಯಾಸ ಮಾಡುವಿರಿ.
ತುಲಾ
ಚಿತ್ತಾ 3,4, ಸ್ವಾತಿ, ವಿಶಾಖೆ 1,2,3
ಮ್ಯಾನೇಜ್‌ಮೆಂಟ್ ಸಂಬಂಧಪಟ್ಟಂತೆ ಉತ್ತಮ ಸಂವಹನ ಶೀಲರಾದ ನೀವು ಪ್ರಮುಖ ಕಾರ್ಯಾಗಾರದಲ್ಲಿ ಭಾಗವಹಿಸುವ ಲಕ್ಷಣಗಳಿವೆ. ಅದರಲ್ಲಿ ನೀವು ಪ್ರಾಮುಖ್ಯತೆಯನ್ನು ಗಳಿಸುವ ಎಲ್ಲಾ ಸಾಧ್ಯತೆಗಳಿವೆ. ನಿಮ್ಮ ವಿಚಾರಗಳಿಂದ ಎಲ್ಲರ ಮೇಲೆ ಪ್ರಭಾವವನ್ನು ಬೀರುವಿರಿ. ನಿಮ್ಮ ಸಂಕಷ್ಟಗಳು ನಿಧಾನವಾಗಿ ಕರಗಿ ಸುಖದ ತಂಗಾಳಿ ಬೀಸುತ್ತದೆ. ವೃತ್ತಿಯಲ್ಲಿ ನಿಮ್ಮ ಶ್ರಮಕ್ಕೆ ತಕ್ಕ ವ್ಯವಸ್ಥೆ ಇರುತ್ತದೆ. ಹೊಸ ಕೆಲಸಗಳ ಜವಾಬ್ದಾರಿಯು ನಿಮ್ಮ ಹೆಗಲೇರುತ್ತದೆ. ಗ್ರಾಹಕರೊಡನೆ ವ್ಯವಹರಿಸುವಾಗ ಅತೀ ತಾಳ್ಮೆ ಅಗತ್ಯ. ಇದರಿಂದ ವ್ಯವಹಾರ ವಿಸ್ತರಿಸುತ್ತದೆ.
ವೃಶ್ಚಿಕ
ವಿಶಾಖ 4, ಅನುರಾಧ, ಜ್ಯೇಷ್ಠ
ಮಕ್ಕಳು ಅನುಭವದ ಕೊರತೆಯಿಂದ ಕೆಲವು ಸಣ್ಣ ತಪ್ಪುಗಳನ್ನು ಮಾಡುವರು. ಹಾಗೆಂದು ಅವರ ಮೇಲೆ ಕೋಪಿಸಿಕೊಳ್ಳದೆ ಶಾಂತ ರೀತಿಯಿಂದ ತಿದ್ದಿರಿ. ಅಪರಿಚಿತರೊಡನೆ ಅತೀ ಅವಲಂಬನೆ ಬೇಡ. ಅತೀ ಅವಲಂಬನೆ ಧನ ನಷ್ಟಕ್ಕೆ ಕಾರಣವಾಗುವುದು. ಅತೀ ಒತ್ತಡದ ಕೆಲಸಗಳನ್ನು ಮಾಡಿ ದೇಹಾಲಸ್ಯವನ್ನು ಮಾಡಿಕೊಳ್ಳುವಿರಿ. ಚಿಕ್ಕಮಕ್ಕಳ ಆರೋಗ್ಯದ ಬಗ್ಗೆ ಹೆಚ್ಚು ನಿಗಾ ವಹಿಸಿರಿ. ನಿಮ್ಮ ಹಣಕಾಸಿನ ವ್ಯವಹಾರದಲ್ಲಿ ಬಂಧುಗಳು ತೊಂದರೆ ಕೊಟ್ಟು ಹಣ ವಸೂಲಾಗದಂತೆ ಮಾಡುವರು. ಆದ್ದರಿಂದ ಬಂಧುಗಳನ್ನು ವ್ಯವಹಾರದಿಂದ ದೂರವಿಡಿರಿ.
ಧನು
ಮೂಲ, ಪೂರ್ವಾಷಾಢ, ಉತ್ತರಾಷಾಡ 1
ಕಿರಿಕಿರಿಗಳು ಅಲೆಗಳಂತೆ ಬರುತ್ತವೆ. ಅವುಗಳನ್ನು ಎದುರಿಸಿ ಶಾಂತ ರೀತಿಯಿಂದ ಬದುಕಿರಿ. ಯಾವುದೇ ಮಹತ್ವದ ನಿರ್ಧಾರಗಳನ್ನು ತೆಗೆದುಕೊಳ್ಳುವ ಮುನ್ನ ಪೂರ್ವಾಪರ ಆಲೋಚಿಸಿ ನಿರ್ಧಾರಗಳನ್ನು ತೆಗೆದುಕೊಳ್ಳಿರಿ. ವಿಜ್ಞಾನಿಗಳು ತಮ್ಮ ಸಂಶೋಧನಾ ಕ್ಷೇತ್ರದಲ್ಲಿ ಸಾಕಷ್ಟು ಪ್ರಗತಿಯನ್ನು ಸಾಧಿಸುವರು. ಧನಾದಾಯವು ಸಾಮಾನ್ಯವಾಗಿರುತ್ತದೆ. ಸಂಗಾತಿಯ ಆದಾಯದಲ್ಲಿ ಏರಿಕೆಯಾಗುವುದು. ನಿಮ್ಮ ಕೆಲಸ ಸ್ವಲ್ಪ ವಿಳಂಬವಾದರೂ ಸಹ ಕೆಲಸ ಆಗುತ್ತದೆ. ಪ್ರತಿ ಮಾತಿಗೂ ಎರಡೆರಡು ಅರ್ಥಗಳಿರುತ್ತವೆ. ಆದ್ದರಿಂದ ಎಚ್ಚರಿಕೆಯಿಂದ ಮಾತನಾಡಿರಿ.
ಮಕರ
ಉತ್ತರಾಷಾಡ 2,3,4, ಶ್ರವಣ, ಧನಿಷ್ಠ 1, 2
ಮನಸ್ಸಿಗೆ ಗೊಂದಲ ಮೂಡಿಸುವ ಸನ್ನಿವೇಶಗಳಿರುತ್ತವೆ. ಅವುಗಳನ್ನು ಇಚ್ಛಾಶಕ್ತಿಯಿಂದ ಗೆಲ್ಲುವಿರಿ.ಅಸಹಜ ಪ್ರೇಮಗಳಿಂದ ದೂರ ಉಳಿಯುವುದು ಒಳ್ಳೆಯದು. ಮಕ್ಕಳು ಅತೀ ಹಠ ಮಾಡುವ ಸಾಧ್ಯತೆ ಇದೆ. ಮಕ್ಕಳು ಮತ್ತು ಮಡದಿಯ ಬೇಡಿಕೆ ಜಾಸ್ತಿಯಿದ್ದು ಅದನ್ನು ಈಡೇರಿಸುವ ಅನಿವಾರ್ಯತೆ ಇರುತ್ತದೆ. ಆದಾಯದಷ್ಟೇ ಖರ್ಚು ಸಹ ಇರುತ್ತದೆ. ನಿಮ್ಮ ಕೈ ಕೆಳಗೆ ಕೆಲಸ ಮಾಡುವವರನ್ನು ವಿಶ್ವಾಸಕ್ಕೆ ತೆಗೆದುಕೊಂಡು ಬೆಂಬಲಿಸಿರಿ. ಆಗ ನಿಮ್ಮ ಕಾರ್ಯಕ್ಷೇತ್ರ ನಿಮ್ಮಚ್ಛೆಯಂತೆ ಬದಲಾಗುವುದು. ಕಾರ್ಯಗಳಲ್ಲಿ ಪ್ರಗತಿಯಾಗುವುದು.
ಕುಂಭ
ಧನಿಷ್ಠ 3,4, ಶತಭಿಷ, ಪೂರ್ವಾಭಾದ್ರ 1,2,3
ವಿಚಿತ್ರವಾದ ರೀತಿಯಲ್ಲಿ ಮತ್ತು ವಿಚಿತ್ರ ಸನ್ನಿವೇಶಗಳಲ್ಲಿ ನಿಮ್ಮ ವಿರೋಧಿಗಳು ನಿಮ್ಮನ್ನು ಬೆಂಬಲಿಸುವರು. ನಿಮ್ಮ ಯಶಸ್ಸಿಗೆ ಅಡ್ಡಲಾಗಿದ್ದ ಕೆಲವು ವಿಚಾರಗಳು ಅಲ್ಲಿಯೇ ಸ್ಥಗಿತಗೊಂಡು ಯಶಸ್ಸಿನ ಹಾದಿಯಲ್ಲಿ ಮುಂದುವರೆಯುವಿರಿ. ಬಹಳ ದಿನಗಳಿಂದ ಬರಬೇಕಾಗಿದ್ದ ಹಣವು ಈಗ ಬಡ್ಡೀ ಸಮೇತ ಸೇರಿ ಒಟ್ಟು ಮೊತ್ತವಾಗಿ ಬರುತ್ತದೆ. ಇದ್ದ ಧನ ಸಂಕಷ್ಠಗಳು ಪರಿಹಾರವಾಗುತ್ತವೆ. ವೃತ್ತಿಯಲ್ಲಿ ಹೊಸ ಅವಕಾಶಗಳು ಒದಗಿ ಬರುವ ಸಾಧ್ಯತೆಗಳಿರುತ್ತವೆ. ಹೊಸ ಮನೆ ಮತ್ತು ಆಸ್ಥಿಯನ್ನು ಖರೀದಿ ಮಾಡಲು ಈಗ ಕಾಲ ಪರಿಪಕ್ವವಾಗಿದೆ.
ಮೀನ
ಪೂರ್ವಾಭಾದ್ರ 4, ಉತ್ತರಾಭಾದ್ರ, ರೇವತಿ
ದೂರ ದೂರಿನಿಂದ ಬಂದ ಬಂಧುಗಳಿಂದ ಕಿರಿಕಿರಿಯ ಮಾತನ್ನು ಕೇಳಬೇಕಾಗಬಹುದು. ನಿರೀಕ್ಷಿತ ಸಮಸ್ಯೆಗಳನ್ನು ಆಳವಾಗಿ ನೋಡಿ ಅದರ ಮೂಲವನ್ನು ಹುಡುಕಿ ಅದನ್ನು ಪರಿಹರಿಸುವಿರಿ. ಜೇಬಿನಲ್ಲಿರುವಷ್ಟು ಹಣಕ್ಕೆ ತಕ್ಕ ವ್ಯವಹಾರವನ್ನು ಮಾಡುವುದು ಒಳ್ಳೆಯದು. ಇನ್ನೊಬ್ಬರ ವಿಚಾರದಲ್ಲಿ ಮೂಗು ತೂರಿಸುವುದು ಸರಿಯಲ್ಲ. ಇದರಿಂದ ನಿಮಗೆ ಸ್ವಲ್ಪ ಮುಜುಗರವಾಗಬಹುದು. ವೃತ್ತಿಯಲ್ಲಿ ನಿಮ್ಮ ಚಾಣಾಕ್ಷತೆಯನ್ನು ಯಾರಿಗೂ ತಿಳಿಸಬೇಡಿರಿ. ನಿಮಗೆ ಬರಬೇಕಿದ್ದ ಸರ್ಕಾರಿ ದಾಖಲೆಗಳನ್ನು ಪಡೆಯಲು ಬಹಳ ಉತ್ತಮ ಕಾಲ.
ಮೇಷ
ಯೋಚಿಸಿ ಜೀವನದ ನಿರ್ಧಾರಗಳನ್ನು ತೆಗೆದುಕೊಳ್ಳಿ. ಅಹಂಕಾರ ಬೇಡ. ಬೇರೆಯವರಿಗೆ ನಿಮ್ಮ ರಹಸ್ಯವನ್ನು ಹೇಳಬೇಡಿ; ಹುಶಾರಾಗಿರಿ.
ಶುಭ: 3, 9, 13, 22 , ಅಶುಭ: 5, 11, 17, 18
ವೃಷಭ
ಶುಭ ಕಾಲ ಮುಂದಿದೆ. ಆರೋಗ್ಯದಲ್ಲಿ ಬದಲಾವಣೆ. ಕೆಲಸ ಹೆಚ್ಚು. ಯೋಚಿಸಿ ಮಾತನಾಡಿ. ಮನೆಯಲ್ಲಿ ಶುಭಕಾರ್ಯ.
ಶುಭ: 1, 6, 18, 21, ಅಶುಭ: 4, 12, 16, 27
ಮಿಥುನ
ಅದೃಷ್ಟದ ಕಾಲ. ಕೆಲಸಗಳು ಸ್ವಲ್ಪ ನಿಧಾನಗೊಳ್ಳುವವು. ದುಡುಕಿನಿಂದ ಮಾತು ಕೊಡಬೇಡಿ. ಕೋಪದಲ್ಲಿ ಆಡಿದ ಮಾತಿನಿಂದ ತೊಂದರೆ.
ಶುಭ: 5, 10, 16, 26, ಅಶುಭ: 2, 7, 12, 21
ಕಟಕ
ಅತಿಯಾದ ಕೆಲಸದಿಂದ ಬಳಲುವಿಕೆ. ಯಾರನ್ನೂ ದೋಷಿಸಬೇಡಿ. ಅನಗತ್ಯ ವಸ್ತುಗಳನ್ನು ಖರೀದಿಸಿ ಹಣ ಪೋಲು. ಉದ್ಯೋಗದಲ್ಲಿ ಕಿರಿಕಿರಿ.
ಶುಭ: 1, 10, 22, 29, ಅಶುಭ: 8, 15, 26
ಸಿಂಹ
ಮುಂದಿನ ವರ್ಷ ಆಸ್ತಿ ಕೊಳ್ಳುವಕಾಲ. ಅದಕ್ಕೆ ಈಗಿಂದಲೇ ಹಣ ಕೂಡಿಡಬೇಕು. ಮನೆಯಲ್ಲಿ ಹಿರಿಯರ ಆರೋಗ್ಯದ ಬಗ್ಗೆ ಕಾಳಜಿ ಇರಲಿ.
ಶುಭ: 2, 9, 23, 30, ಅಶುಭ: 7, 14, 16, 25
ಕನ್ಯಾ
ಉದ್ಯೋಗದಲ್ಲಿ ಸ್ವಲ್ಪ ಕಿರಿಕಿರಿ ಇದ್ದರೂ ಉನ್ನತಿ ಉಂಟು. ನಿದ್ದೆಯಲ್ಲಿ ತೊಂದರೆ. ಮಾತು ಕೊಟ್ಟು ಕೆಡದಿರಿ. ಸಾಧ್ಯವಾದಷ್ಟು ಮೃದುವಾಗಿ ಮಾತಾಡಿ.
ಶುಭ: 3, 10, 20, 24, ಅಶುಭ: 7, 12, 17, 31
ತುಲಾ
ಶುಭ ಸಮಯ. ಮನೆ ಕಟ್ಟುವಿರಿ. ವಾಹನ ಕೊಳ್ಳುವಿರಿ. ಮನೆಯಲ್ಲಿ ಮದುವೆ ನಡೆಯಲಿದೆ. ನಿಮ್ಮ ಏಳಿಗೆಯ ಮೇಲೆ ಜನರ ಕಣ್ಣು.
ಶುಭ: 1, 11, 19, 29, ಅಶುಭ: 8, 15, 18, 22
ವೃಶ್ಚಿಕ
ಆರೋಗ್ಯದಲ್ಲಿ ಏರುಪೇರು. ಮಾತಿನಿಂದ ನಿಮ್ಮ ಅಧಿಕಾರಿಯ ಮೆಚ್ಚುಗೆ ಪಡೆಯಬೇಕು. ಅದರಿಂದ ಉನ್ನತಿ ಇದೆ. ನಿಮಗಾಗಿ ಸಮಯ ಕೊಡಿ.
ಶುಭ: 2, 9, 16, 30, ಅಶುಭ: 6, 14, 23, 26
ಧನು
ಮಕ್ಕಳಿಗಾಗಿ ವೆಚ್ಚ ಹೆಚ್ಚುವುದು. ಅವರಿಂದ ನಿಮ್ಮ ನಿರೀಕ್ಷೆ ನಿಜವಾಗುವುದು. ಗಂಡ-ಹೆಂಡಿರಲ್ಲಿ ಕಿರಿಕಿರಿ. ದುಂದುವೆಚ್ಚವನ್ನು ತಡೆಯಿರಿ.
ಶುಭ: 3, 10, 17, 31, ಅಶುಭ: 6, 15, 24, 27
ಮಕರ
ಮಾತು ಹರಿತವಾಗಿ ಜಗಳ ಉಂಟಾಗುವುದು. ಹಿರಿಯರೊಂದಿಗೆ ಉತ್ತಮ ಬಾಂಧವ್ಯವಿರಲಿ. ವೃತ್ತಿ ಬದಲಾವಣೆ. ಉನ್ನತ ಸ್ಥಾನದ ನಿರೀಕ್ಷೆ.
ಶುಭ: 1, 8, 15, 25, ಅಶುಭ: 5, 12, 22, 29
ಕುಂಭ
ಶುಭ ಸಮಯ. ದಣಿವಿನಿಂದ ಸ್ವಲ್ಪ ಕಸಿವಿಸಿ. ಮನೆಯಲ್ಲಿ ಶುಭ ಕಾರ್ಯ. ಊಹೆಗಳಿಂದ ಅನುಮಾನ. ಅಸೂಯೆಗೆ ದಾರಿ ಮಾಡಿಕೊಳ್ಳಬೇಡಿ.
ಶುಭ: 5, 7, 15, 22, ಅಶುಭ: 1, 10, 20, 29
ಮೀನ
ಹೊರಗಡೆ ತಿರುಗಾಟ ಹೆಚ್ಚುವುದು. ಆರೋಗ್ಯಕ್ಕಾಗಿ ಖರ್ಚು. ಉದ್ಯೋಗದಲ್ಲಿ ಬದಲಾವಣೆ ಬಯಸಿ ಕಷ್ಟಕ್ಕೆ ಸಿಲುಕದಿರಿ.
ಶುಭ: 1, 8, 19, 29, ಅಶುಭ: 6, 16, 22, 25
ಮೇಷ
ವರ್ಷಾರಂಭದಲ್ಲಿ ಕಳೆದ ಸಂವತ್ಸರದಂತೆ ಸಿಹಿ ಫಲಗಳನ್ನೇ ಕಾಣುವಿರಿ. ಅಭೀಷ್ಟಾರ್ಥಾಗಮನದಿಂದಲೂ ಸ್ನೇಹ, ಸಹಾಯ, ಸೌಭಾಗ್ಯ ವರ್ಧನೆಯಿಂದಲೂ ಜೀವನ ಆಶಾದಾಯಕವಾಗಲಿದೆ. ವರ್ಷದ ಉತ್ತರಾರ್ಧದಲ್ಲಿ ಅಷ್ಟಮಕ್ಕೆ ಹೋಗುವ ಗುರುವಿನ ಪ್ರಭಾವದಿಂದಾಗಿ ಖರ್ಚು, ದುಃಖ, ನೋವುಗಳನ್ನು ಎದುರಿಸ ಬೇಕಾದರೂ ಭಾಗ್ಯದ ಶನಿಯಿಂದ ಸುಖ-ದುಃಖಗಳ ಮಿಶ್ರಫಲವನ್ನು ಹೊಂದುವಿರಿ. ತಂದೆ-ತಾಯಿ ಅಥವಾ ಪೋಷಕರ ಶುಶ್ರೂಷೆ, ಚಿಕಿತ್ಸೆ ಸಂಭವದಿಂದ ಆರ್ಥಿಕ ಸ್ಥಿತಿಯಲ್ಲಿ ಏರು– ಪೇರು ಕಾಣುವಿರಿ. ರಾಜಕೀಯ ಧುರೀಣರಿಗೆ ಬಿಡುವಿಲ್ಲದ ಕೆಲಸ ಕಾರ್ಯಗಳು ಅನಾರೋಗ್ಯಕ್ಕೆ ಕಾರಣವಾದೀತು. ಕಾರ್ಯಕ್ಷೇತ್ರದಲ್ಲಿ ಏನನ್ನೋ ಸಾಧಿಸಿದ ಹೆಮ್ಮೆ ನಿಮ್ಮದಾಗಲಿದೆ. ಮಹಾಗಣಪತಿಯನ್ನು ಅನನ್ಯ ಭಾವದಿಂದ ಆರಾಧಿಸಿ.
ವೃಷಭ
ಹಲವು ಬಗೆಯ ಆರ್ಥಿಕ ಒತ್ತಡಗಳಿಂದ, ಅನಾರೋಗ್ಯ ಮತ್ತು ಶತ್ರು ಪೀಡೆಗಳಿಂದ ಬೇಸತ್ತಿರುವ ನಿಮಗೆ ವರ್ಷದ ಉತ್ತರಾರ್ಧದಲ್ಲಿ ಸತ್ಫಲಗಳನ್ನು ಅನುಭವಿಸುವ ಯೋಗವಿದೆ. ಅಕ್ಟೋಬರ್ ನಂತರ ಅವಿವಾಹಿತರಿಗೆ ವಿವಾಹ ಭಾಗ್ಯ. ಪಿತ್ರಾರ್ಜಿತವಾಗಿ ಬಂದ ಸಮಸ್ಯೆಗಳಿಗೆ ಪರಿಹಾರ ಸಿಗಲಿದೆ. ಕೃಷಿ ಕ್ಷೇತ್ರದಲ್ಲಿ ಇರುವವರಿಗೆ ಅಧಿಕ ಲಾಭ, ತರಕಾರಿ ಮಾರಾಟಗಾರರಿಗೆ ಕುಬೇರನ ಅನುಗ್ರಹವು ಸಿಗಲಿದೆ. ಶೀತ– ಕಫದಂತಹ ಬೇನೆಯನ್ನು ನಿರ್ಲಕ್ಷಿಸಬೇಡಿ. ಮಿತ್ರ-ಶತ್ರು, ಬಂಧು-ಬಾಂಧವರಲ್ಲಿ ಯಾವುದೇ ವಿಚಾರದಲ್ಲೂ ವಿರೋಧವನ್ನು ವ್ಯಕ್ತಪಡಿಸಬೇಡಿ. ಕಾರ್ಯ ಕ್ಷೇತ್ರದಲ್ಲಿ ಶಾಂತ ಚಿತ್ತದಿಂದ ಕಾರ್ಮಿಕರ ಮಾತುಗಳನ್ನು ಆಲಿಸಿ ಸೂಕ್ತ ಕ್ರಮ ಕೈಗೊಳ್ಳುವುದು ಒಳ್ಳೆಯದು. ಮನೆಯಲ್ಲಿ ಧಾರ್ಮಿಕ ಕಾರ್ಯಕ್ರಮ ಮಾಡಲು ತೀರ್ಮಾನಿಸುವಿರಿ. ತಾಯಿ ರಾಜರಾಜೇಶ್ವರಿಯ ದರ್ಶನ, ಸೇವೆಯನ್ನು ಮಾಡುವುದರಿಂದ ಯಶಸ್ಸಿದೆ.
ಮಿಥುನ
ಕಳೆದ ವರ್ಷವಿಡೀ ಸುಖದ ಸಾಗರದಲ್ಲಿ ಪ್ರಯಾಣಿಸಿದ ನೀವು ಈ ವರ್ಷವೂ ಪ್ರಯಾಣವನ್ನು ಮುಂದುವರಿಸುವಿರಿ. ಪಂಚಮದ ಗುರುವಿನ ಅನುಗ್ರಹದಿಂದಾಗಿ ಅಪೇಕ್ಷಿತ ದಂಪತಿಗಳಿಗೆ ಪುತ್ರಲಾಭ, ಇತರರಿಗೆ ಧಾರ್ವಿಕ ಕೃತ್ಯಗಳಿಂದ ಪುಣ್ಯ ಸಂಪಾದನೆ. ಎಣಿಕೆಯ ಕಾರ್ಯಗಳೆಲ್ಲ ದೈಹಿಕ ಶ್ರಮವಿಲ್ಲದೆ ಪೂರ್ಣಗೊಳ್ಳುವುದರಿಂದ ವರ್ಷದ ಮೊದಲ ಮೂರು ತಿಂಗಳು ಬಹು ಸಂತೋಷದಿಂದ ಕಳೆಯಲಿದ್ದೀರಿ. ಧನಾಗಮನಕ್ಕೇನೂ ಕೊರತೆಯಿರದು. ಆದರೆ ಸಂಗ್ರಹ ಪೂರ್ತಿ ಸೋರಿ ಹೋಗಬಹುದು. ಎಚ್ಚರಿಕೆ ಹೆಜ್ಜೆ ಹೆಜ್ಜೆಗೂ ಅಗತ್ಯವಿದೆ. ವಿದ್ಯಾರ್ಥಿಗಳಿಗೆ ವಿದ್ಯಾಭ್ಯಾಸದಲ್ಲಿ ಉತ್ತಮ ಪ್ರಗತಿಯಿದೆ. ಗಣಿತ ಶಿಕ್ಷಕರಿಗೆ, ಸಂಗೀತ ಸಾಧಕರಿಗೆ, ಕ್ರೀಡಾಪಟುಗಳಿಗೆ, ಚಿತ್ರಕಾರರಿಗೆ, ಪತ್ರಿಕೋದ್ಯಮಿಗಳಿಗೆ ಪುರಸ್ಕಾರಗಳನ್ನು ಪಡೆಯುವ ಕಾಲ ಒದಗಿ ಬರಲಿದೆ. ಸುಬ್ರಹ್ಮಣ್ಯನ ಕೃಪೆಗೆ ಪಾತ್ರರಾಗಿ ಇಷ್ಟಾರ್ಥಗಳನ್ನು ಸಂಪಾದಿಸಿಕೊಳ್ಳಿರಿ.
ಕಟಕ
ತ್ತಲೆಯ ಪ್ರಪಂಚದಲ್ಲಿರುವ ನಿಮ್ಮ ಜೀವನಕ್ಕೆ ದೂರದಲ್ಲೊಂದು ಸುಜ್ಯೋತಿ ಕಾಣಲಿದೆ. ಮೇಲಧಿಕಾರಿಗಳ ಕಿರುಕುಳದಿಂದ ಹೊರಬರುವ ಕಾಲ ಸಮೀಪದಲ್ಲಿದೆ. ವಿದ್ಯಾರ್ಥಿಗಳಿಗೆ ಪರಿಶ್ರಮಕ್ಕೆ ತಕ್ಕ ಫಲ ಸಿಗದಿದ್ದಲ್ಲಿ ದುಡುಕು ನಿರ್ಧಾರ ತೆಗೆದುಕೊಳ್ಳಬೇಡಿ. ಆಗಸ್ಟ್ ತಿಂಗಳಲ್ಲಿ ಪಿತ್ರಾರ್ಜಿತ ಆಸ್ತಿಗಳು ಅಥವಾ ಆರ್ಥಿಕ ಲಾಭಗಳು ದೊರಕಲಿವೆ. ಅಕ್ಟೋಬರ್ ತಿಂಗಳ ಕೊನೆಯಲ್ಲಿ ನೇತ್ರ ತಪಾಸಣೆ ಮಾಡಿಸಬೇಕಾದೀತು. ರೈತಾಪಿ ವರ್ಗದವರಿಗೆ, ಚಾಲಕ ವೃತ್ತಿಯವರಿಗೆ ಮತ್ತು ಕೈಗಾರಿಕೋದ್ಯಮಿಗಳಿಗೆ ದುಪ್ಪಟ್ಟು ಲಾಭ ಪಡೆಯುವ ಅವಕಾಶವಿದೆ. ತಂದೆ– ತಾಯಿಗೆ ತೀರ್ಥ ಯಾತ್ರೆ ಯೋಗವಿದೆ. ನಿಮ್ಮ ಚಾಣಾಕ್ಷತನದ ನಿರ್ಧಾರಗಳು ನಿಮ್ಮನ್ನು ಊರಿನ ತೂಕದ ವ್ಯಕ್ತಿಯನ್ನಾಗಿ ಮಾಡಲಿದೆ. ದುರ್ಗಾಪರಮೇಶ್ವರಿಯನ್ನು ಆರಾಧಿಸಿ ಶುಭ ಫಲಗಳನ್ನು ಪಡೆಯುವಿರಿ.
ಸಿಂಹ
ಪಂಚಮದ ಶನಿಯಿಂದಾಗಿ ಕಷ್ಟ ಕಾರ್ಪಣ್ಯಗಳನ್ನು ಎದುರಿಸುತ್ತಿರುವ ನಿಮಗೆ ಈ ವರ್ಷವು ಮಿಶ್ರ ಫಲವನ್ನು ಕೊಡಲಿದೆ. ಆನುವಂಶಿಕವಾದ ಬಹುಕಾಲದ ಬೇಡಿಕೆಯೊಂದು ಈಡೇರುವುದರಿಂದ ಕೊಂಚ ನೆಮ್ಮದಿ ಸಿಗಲಿದೆ. ಪ್ರವಾಸ, ಪುಣ್ಯಕ್ಷೇತ್ರ ದರ್ಶನಗಳು ಜರುಗಲಿವೆ. ಪ್ರಯಾಣದಲ್ಲಿ ವಂಚನೆ, ಚೌರ್ಯ, ನಷ್ಟದ ಪ್ರಸಂಗಗಳಿದ್ದು ಎಚ್ಚರಿಕೆಯಿಂದಿರಿ. ಕಿರಾಣಿ ಅಂಗಡಿ, ಇಟ್ಟಿಗೆ, ಕಬ್ಬಿಣ, ಯಂತ್ರಸಾಮಗ್ರಿಗಳ ಮಾರಾಟ ಏರುಗತಿಯಲ್ಲಿ ನಡೆದೀತು. ವಾಹನ ಖರೀದಿಯ ನಿಮ್ಮ ಆಲೋಚನೆ ನೆರವೇರಲಿದೆ. ನೀವು ಹಿಂದೆ ಮಾಡಿದ ತಪ್ಪುಗಳು ಪುನರಾವರ್ತನೆಯಾಗದಂತೆ ಎಚ್ಚರ ವಹಿಸಿದರೆ ಲೇಸು. ವರ್ಷದ ಕೊನೆಯ ತನಕ ಭಾಗ್ಯ ವೃದ್ಧಿಯಿದ್ದರೂ ರಕ್ತಸಂಬಂಧಿ ಕಾಯಿಲೆಯ ಲಕ್ಷಣ ಕಾಣಿಸೀತು. ದಾಂಪತ್ಯದಲ್ಲಿ ನೆಮ್ಮದಿ ಕಾಪಾಡಿಕೊಳ್ಳಿ. ದೈವಚಿಂತನೆಯನ್ನು ಬಿಡದಿರಿ.
ಕನ್ಯಾ
ಈ ವರ್ಷದ ಮೊದಲಾರ್ಧದಲ್ಲಿ ನೀವು ಮಾಡಿದ ಕೆಲಸಕ್ಕೆ ದುಪ್ಪಟ್ಟು ಸಂಪಾದನೆಯಾಗುವ ಯೋಗವಿದೆ. ಮಾತುಗಾರರಿಗೆ, ವಾಗ್ಮಿಗಳಿಗೆ, ಬೋಧಕ ವರ್ಗದವರಿಗೆ ವೃತ್ತಿಯಲ್ಲಿ ಮುಂಬಡ್ತಿ ಅಥವಾ ಸನ್ಮಾನಗಳು ದೊರಕಲಿದೆ. ಕೈತಪ್ಪಿ ಹೋದ ಹಣ ಕೈ ಸೇರುವುದು. ವಾತ-ಪಿತ್ಥಗಳ ವಿಚಾರದಲ್ಲಿ ನಿರ್ಲಕ್ಷ್ಯ ಬೇಡ. ಕರ-ಕುಶಲ ವಸ್ತುಗಳ ತಯಾರಿಕೆಯಲ್ಲಿ ಆಸಕ್ತಿ ಹೆಚ್ಚುವುದು, ಜೊತೆಗೆ ಲಾಭವೂ ಇದೆ. ತಂದೆ-ತಾಯಿಯ ಆರೋಗ್ಯದ ಕಡೆಗೆ ಗಮನ ಕೊಡುವುದು ಅನಿವಾರ್ಯವಾಗುವುದು. ವಿದ್ಯಾರ್ಥಿಗಳಿಗೆ ಶ್ರೇಯಸ್ಸು, ಮೇಧಾಶಕ್ತಿ ಹೆಚ್ಚಲಿದೆ. ಉನ್ನತ ವ್ಯಾಸಂಗಕ್ಕೆ ವಿದೇಶಯಾನದ ಅವಕಾಶವಿದೆ. ನಿಮ್ಮ ಸರ್ವತೋಮುಖ ಅಭಿವೃದ್ಧಿಗೆ ಸೋದರ ವರ್ಗದವರ ಬೆಂಬಲ ಸಿಗಲಿದೆ. ಹನುಮ ಸಮೇತನಾದ ಶ್ರೀರಾಮನ ಪರಿವಾರವನ್ನು ಆರಾಧಿಸಿ ಶ್ರೇಯೋವಂತರಾಗಿರಿ.
ತುಲಾ
ಕಳೆದ ವರ್ಷದಲ್ಲಿ ನೀವು ಅನುಭವಿಸಿದ ಸಮಸ್ತ ಸಮಸ್ಯೆಗಳಿಗೆ ಮುಕ್ತಿ ಸಿಗಲಿದೆ. ಖರ್ಚು, ವೆಚ್ಚಗಳು ವರ್ಷದ ಮೊದಲಾರ್ಧದವರೆಗೆ ಹಿಂದಿನಂತೆಯೇ ನಡೆಯಲಿವೆ. ಅಪವಾದದ ಆರೋಪ ಹೊತ್ತಿರುವ ನಿಮಗೆ ನ್ಯಾಯ ಸಿಗಲಿದೆ. ಮನೆಯಲ್ಲಿ ಮಂಗಳ ಕಾರ್ಯ ಜರುಗುವುದು. ವ್ಯಾಪಾರಿಗಳಿಗೆ ಲಾಭದಾಯಕ ಬೆಳವಣಿಗೆ. ಸೇವಕ ವರ್ಗದವರಿಗೆ, ಆರಕ್ಷಕರಿಗೆ, ತಾಂತ್ರಿಕರಿಗೆ ಉದ್ಯೋಗದಲ್ಲಿ ಸನ್ಮಾನ ಅಥವಾ ಮುಂಬಡ್ತಿ ದೊರಕಲಿದೆ. ಬಂಧು-ಬಾಂಧವರಲ್ಲಿ ತಾಳ್ಮೆಯಿಂದ ವರ್ತಿಸಿ. ಧಾರ್ಮಿಕ ವಿಚಾರದಲ್ಲಿ ಆಸಕ್ತಿ ತೋರಿದಷ್ಟೂ ಸುಖ-ಶಾಂತಿ ಹೆಚ್ಚುವುದು. ಋಣ ಬಾಧೆಯು ಕಾಡಬಹುದು. ಗೃಹ ನಿರ್ಮಾಣ ಆಲೋಚನೆಯು ಕಾರ್ಯರೂಪಕ್ಕೆ ಬರುವುದು. ಮಹಾಗಣಪತಿಯನ್ನು ಭಾವ ಪೂರ್ವಕವಾಗಿ ಪೂಜಿಸಿ ಪುಣ್ಯ ಸಂಪಾದನೆ ಮಾಡಿ.
ವೃಶ್ಚಿಕ
ಶನಿಯ ಪ್ರಭಾವದಿಂದ ಜೀವನದಲ್ಲಿ ಬೇಸರಗೊಂಡಿರುವ ನಿಮಗೆ ಹಂತ ಹಂತವಾಗಿ ಜೀವನೋಲ್ಲಾಸ ಬರಲಿದೆ. ಮನದಾಳದಲ್ಲಿ ಅಡಗಿರುವ ನಿಮ್ಮ ಚಿಂತೆಯೊಂದಕ್ಕೆ ಉತ್ತರ ದೊರಕಲಿದೆ. ಅಧಿಕಾರ ವರ್ಗಕ್ಕೆ ಕೈ ಕೆಳಗಿನವರ ಸಹಕಾರವಿಲ್ಲದೆ ಕಾರ್ಯಸಾಧನೆಯಲ್ಲಿ ತಲೆತಗ್ಗಿಸುವಂತಾದೀತು. ವ್ಯಯದ ಗುರು ಶತ್ರುಗಳನ್ನು ಉಂಟು ಮಾಡಿಯಾನು. ಒಂದು ಹೆಜ್ಜೆ ಇಡಬೇಕಾದರೇ ಹತ್ತು ಬಾರಿ ಯೋಚನೆ ಮಾಡುವುದು ಒಳ್ಳೆಯದು. ಸಹೋದರರ ಅಥವಾ ದಾಯಾದಿಗಳ ಭಿನ್ನಾಭಿಪ್ರಾಯದಿಂದ ನ್ಯಾಯಾಲಯದ ಮೆಟ್ಟಿಲು ಹತ್ತ ಬೇಕಾಗುವುದು. ಮಡದಿ ಮಕ್ಕಳ ಆರೋಗ್ಯದಲ್ಲಿ ಗಮನ ಹರಿಸುವುದು ಅಗತ್ಯ. ಚಿನ್ನಾಭರಣ, ಮುತ್ತು-ರತ್ನಗಳ ಮಾರಾಟ ಮಾಡುವವರಿಗೆ ಬಿಡುವಿಲ್ಲದ ವ್ಯಾಪಾರವಾಗಲಿದೆ. ಆಂಜನೇಯನನ್ನು ಧ್ಯಾನಿಸಿ. ಮಾನಸಿಕ ಧೈರ್ಯ ಮೂಡುವುದು.
ಧನು
ಸಾಡೇಸಾತಿನ ಬೇನೆಯಿಂದ ಬಳಲಿರುವ ನಿಮಗೆ ವರ್ಷದ ಮೊದಲಾರ್ಧದಲ್ಲಿ ಗುರುವಿನ ಅನುಗ್ರಹ ಸಿಗಲಿದೆ. ಲಾಭದ ಗುರು ಸರ್ವ ಕ್ಷೇತ್ರದಲ್ಲಿಯೂ ನಿಮ್ಮನ್ನು ವಿಜಯರನ್ನಾಗಿ ಮಾಡುತ್ತಾನೆ. ಮೀನುಗಾರರು, ಹೈನುಗಾರಿಕೆಯವರು, ಪಶು ಸಂಗೋಪನೆಯವರು ವೃತ್ತಿಯಲ್ಲಿ ಕಾಳಜಿ ವಹಿಸುವುದು ಒಳಿತು. ಧಾರ್ಮಿಕ ಕಾರ್ಯಗಳಲ್ಲಿ ಹಣ ವ್ಯಯವಾಗುವುದು. ವೈದ್ಯಕೀಯ ವೃತ್ತಿಯನ್ನು ಅನುಸರಿಸುವವರಿಗೆ ಆಯ-ವ್ಯಯ ಸಮತೋಲನದಲ್ಲಿದ್ದರೂ ಅಪವಾದದ ಭೀತಿ ಎದುರಾಗುವುದು. ಆನುವಂಶಿಕ ಆಸ್ತಿಯನ್ನು ಅನುಭವಿಸುವ ಯೋಗ ಬರಲಿದೆ. ಶತ್ರುಗಳು ಮಿತ್ರರಾಗಲು ಬಯಸಿ ಬರುತ್ತಾರೆ. ಲಾಟರಿಯಂತಹ ಯೋಜನೆಗಳು ಕಣ್ಣಾ-ಮುಚ್ಚಾಲೆಯಾಟ ನಡೆಸಿದರೂ ನಿಮಗೆ ಜಯವಿದೆ. ‘ಸತ್ಯ ವಾಕ್ಯಕೆ ತಪ್ಪಿ ನಡೆದರೆ ಮೆಚ್ಚನಾ ಪರಮಾತ್ಮನು’ ಎಂಬ ಮಾತನ್ನು ನೆನಪಿನಲ್ಲಿ ಇಟ್ಟುಕೊಳ್ಳುವುದು ಒಳ್ಳೆಯದು
ಮಕರ
ಕಳೆದ ಸಂವತ್ಸರದಂತೆಯೇ ಈ ಸಂವತ್ಸರದಲ್ಲೂ ಕೂಡ ಸುಖ-ದುಃಖದ ಸಮ ಫಲವನ್ನು ಹೊಂದುವಿರಿ. ಉದ್ಯೋಗಾನ್ವೇಷಿಗಳಿಗೆ ವಿದ್ಯೆಗೆ ತಕ್ಕಂತೆ ಉದ್ಯೋಗಗಳು ದೊರಕಲಿವೆ. ಉದ್ಯೋಗಸ್ಥರಿಗೆ ವಿದೇಶ ಪ್ರವಾಸದ ಯೋಗವಿದೆ. ಉಪಾಹಾರ ಮಂದಿರ, ತಂಪುಪಾನೀಯದ ಅಂಗಡಿಯವರಿಗೆ ಈ ಸಂವತ್ಸರವು ಸುಗ್ಗಿ ಹಬ್ಬದಂತಾಗುವುದು. ಗುತ್ತಿಗೆದಾರರಿಗೆ ಬಿಡುವಿಲ್ಲದಂತಾದೀತು. ಜೂನ್– ಜುಲೈನಲ್ಲಿ ಕನ್ಯಾನ್ವೇಷಿಗಳಿಗೆ ಸುಸಮಯವಿದ್ದು ವಿವಾಹ ನಿಶ್ಚಿತಾರ್ಥ ನಡೆಯುವುದು. ಬಂಧುಗಳ ಸಲಹೆ-ಸಹಕಾರ ನೂತನ ಕಾರ್ಯಗಳಿಗೆ ಉತ್ತಮ ಫಲ ಕೊಡುವುದು. ಶ್ರಮ ಜೀವಿಗಳಾದ ನಿಮಗೆ ಗುರು-ಹಿರಿಯರ ಆಶೀರ್ವಾದವಿದ್ದರೆ ಶ್ರಮಕ್ಕೆ ತಕ್ಕ ಪ್ರತಿಫಲವನ್ನು ಅಪೇಕ್ಷಿಸಬಹುದು. ರಾಜಕೀಯ ವ್ಯಕ್ತಿಗಳಿಗೆ ಜನ ಬೆಂಬಲ ಸಿಗುವುದು. ದಾನ ಧರ್ಮದ ಮಾರ್ಗದಲ್ಲಿ ನಡೆಯುವುದರಿಂದ ಗುರಿ ತಲುಪಬಹುದು.
ಕುಂಭ
ನಿಮಗೀವರ್ಷ ಸ್ವರ್ಗಕ್ಕೆ ಮೂರೇ ಗೇಣು ಎಂಬುವ ಅನುಭವ ಸಿಗಲಿದೆ. ಸಾಹಿತಿಗಳಿಗೆ, ಸಂಶೋಧಕರಿಗೆ ರಾಜ್ಯ-ರಾಷ್ಟ್ರ ಮಟ್ಟದಲ್ಲಿ ಗೌರವ ಸಿಗಲಿದೆ. ಕಟ್ಟಡ ರಚನೆಯಂತಹ ಕಾರ್ಯಗಳು ಭರದಿಂದ ಸಾಗಲಿವೆ. ವ್ಯವಹಾರದಲ್ಲಿ ಲಾಭವಿದ್ದು ಶತ್ರುಗಳ ಕಾಟದಿಂದ ಬಂದ ಲಾಭ ಲಂಚಕೋರರ ಪಾಲಾಗಲಿದೆ. ಸಿನಿಮಾ ನಟರಿಗೆ ಈ ವರ್ಷವು ಹಲವು ಪಾಠವನ್ನು ಕಲಿಸಿ ಗೌರವಾನ್ವಿತ ವ್ಯಕ್ತಿಯನ್ನಾಗಿ, ಕೀರ್ತಿವಂತನನ್ನಾಗಿ, ಧನವಂತನನ್ನಾಗಿ ಮಾಡುವುದು. ಚಿನ್ನಾಭರಣ, ಭೂಮಿ, ವಾಹನ ಖರೀದಿಗೆ ಈ ವರ್ಷ ಸುಸಮಯ. ಹಿಂದಿನ ಕುಟುಂಬ ಕಲಹಗಳು ರಾಜಿಯಲ್ಲಿ ತೀರ್ಮಾನಗೊಳ್ಳಲಿವೆ. ಸ್ನೇಹಪರ ಸ್ವಭಾವದಿಂದಾಗಿ ವೈಯಕ್ತಿಕ ಸ್ಥಾನ– ಮಾನ ಲಭಿಸುವುದು. ಊರಿನ ಅಭಿವೃದ್ಧಿಗೆ ನಿಮ್ಮಿಂದ ಅಡಿಪಾಯ ಹಾಕುವಂತಹ ಕೆಲಸ ಕಾರ್ಯಗಳು ಜರುಗುವವು. ಸುಬ್ರಹ್ಮಣ್ಯನನ್ನು ಆರಾಧಿಸಿ ಇಷ್ಟಾರ್ಥಗಳನ್ನು ಪಡೆಯಿರಿ.
ಮೀನ
ಸುಖದ ಅಂಗಳದಲ್ಲಿರುವ ನೀವು ಈ ವರ್ಷದ ಅರ್ಧದವರೆಗೆ ರಾಜಪುತ್ರರಂತೆ ಇರುವಿರಿ. ಗೃಹೋಪಯೋಗಿ ವಸ್ತುಗಳ ಮಾರಾಟಗಾರರಿಗೆ, ಶಿಲ್ಪಿಗಳಿಗೆ, ಸಮುದ್ರೋತ್ಪನ್ನಗಳ ಮಾರಾಟಗಾರರಿಗೆ ವೃತ್ತಿಯಲ್ಲಿ ಲಾಭ. ಸಂಘ– ಸಂಸ್ಥೆಗಳ ಪದಾಧಿಕಾರ ದೊರಕುವುದು. ಸುಖ ಸಂಪತ್ತಿನ ಜೊತೆಯಲ್ಲಿ ಚಿಂತೆಯು ನಿದ್ದೆಗೆಡಿಸುತ್ತದೆ. ಪಿತೃವರ್ಗದಲ್ಲಿ ಆರೋಗ್ಯ ನಷ್ಟದಿಂದಾಗಿ ಆಸ್ಪತ್ರೆಯ ತಿರುಗಾಟದ ಕ್ಲೇಶ. ಅವಿವಾಹಿತರಿಗೆ ಕಂಕಣ ಭಾಗ್ಯ. ಸೇವಕ ವರ್ಗದವರಿಗೆ ಆದಾಯ ಹೆಚ್ಚಿದಂತೆ ಕೆಲಸದ ವಿಸ್ತೀರ್ಣವೂ ಹೆಚ್ಚುವುದು. ಪರ್ವತಾರೋಹಿಗಳಿಗೆ, ಕ್ರೀಡಾಪಟುಗಳಿಗೆ, ಸಾಧನೆಯ ಅವಕಾಶ ಸಿಕ್ಕಿದರೂ ಅನಾರೋಗ್ಯ ಎದುರಾಗಬಹುದು. ವೃತ್ತಿಗಿಂತ ಪ್ರವೃತ್ತಿಯಲ್ಲಿ ಆಸಕ್ತಿ ಹೆಚ್ಚಲಿದೆ. ಮಕ್ಕಳ ವಿದ್ಯಾಭ್ಯಾಸದ ಪ್ರಗತಿಯಿಂದ ಹರ್ಷ. ಮಲ್ಲಿಕಾರ್ಜುನನ ಸೇವೆಯಿಂದ ಆರೋಗ್ಯ ಭಾಗ್ಯ ಮತ್ತು ನೆಮ್ಮದಿ.
