ಒಕ್ಕಲೆಬ್ಬಿಸದಂತೆ ನಾಗರಬಾವಿ ಗ್ರಾಮಸ್ಥರ ಆಗ್ರಹ

ನಾಗರಬಾವಿ ಗ್ರಾಮದ ಸರ್ವೆ ನಂಬರ್ 2/1ರಲ್ಲಿ 15 ಕುಟುಂಬಗಳು ನೆಲೆಸಿವೆ. ಈ ಜಮೀನು ಮೋಸದಿಂದ ಮಾರಾಟ ಮಾಡಲಾಗಿದೆ. ಹಲವು ದಶಕಗಳು ಹಳೆಯದಾದ ಮನೆಗಳಿಗೆ ಕಂದಾಯ, ನೀರಿನ ಕಂದಾಯ, ಜಮೀನಿನ ಕಂದಾಯ ಕಾಲಕಾಲಕ್ಕೆ ಪಾವತಿಸಲಾಗಿದೆ. ಆಶ್ರಯ ಮನೆಗಳೂ ಸೇರಿದಂತೆ ಎಲ್ಲ ಸವಲತ್ತು ಕಲ್ಪಿಸಲಾಗಿದೆ. ದಾಖಲೆಗಳು ಇದ್ದರೂ ಮೋಸ ಮಾಡಲಾಗಿದೆ ಎಂದು ಆರೋಪಿಸಿದರು.

ಎಲ್ಲ ಕುಟುಂಬಗಳ ಬಳಿಯೂ ಚುನಾವಣಾ ಗುರುತಿನ ಚೀಟಿ, ಆಧಾರ್ ಕಾರ್ಡ್ ಇವೆ. ಇದೇ ವಿಳಾಸಕ್ಕೆ ಸರ್ಕಾರಿ ಸೌಲಭ್ಯ ನೀಡಲಾಗಿದೆ. ಜಮೀನು ಮಾರಾಟ ಮಾಡಿರುವ ಪರಿಣಾಮ ಜೀವನ ನಡೆಸುವುದು ದುಸ್ತರವಾಗಿದೆ ಎಂದು ಅಳಲು ತೋಡಿಕೊಂಡರು.