ಚಿಕ್ಕಸಿಂದಗಿ ಗ್ರಾಮದಲ್ಲಿನ ಎಚ್.ಎಸ್.ಬಿರಾದಾರ ಪಿಯು ಕಾಲೇಜನ್ನು ಖರೀದಿಸಲಾಗಿದ್ದು, ಅದೇ ಕಾಲೇಜನ್ನು ಸಿಂದಗಿಯಲ್ಲಿ ನಡೆಸಲಾಗುತ್ತಿದೆ. ದಾಖಲೆಯಲ್ಲಿ ಎಚ್.ಎಸ್.ಬಿರಾದಾರ ಎಂದೇ ಇದೆ. ಆದರೆ, ಹೊರಗೆ ನಾಮಫಲಕ ಮಾತ್ರ ಎಲೈಟ್ ಅಂತ ಹಾಕಲಾಗಿದೆ. ಹೊಸ ಕಾಲೇಜು ಅನುಮತಿಗಾಗಿ ಅರ್ಜಿ ಸಲ್ಲಿಸಿದೆ. ಆದರೆ, ಅದು ತಿರಸ್ಕೃತವಾಗಿದೆ ಎಂಬ ಮಾಹಿತಿ ‘ಪ್ರಜಾವಾಣಿ ಪ್ರತಿನಿಧಿ’ ಕಾಲೇಜಿಗೆ ಭೇಟಿ ನೀಡಿದ ಸಂದರ್ಭದಲ್ಲಿ ಎಲೈಟ್ ಕಾಲೇಜು ಮುಖ್ಯಸ್ಥ ಮಹಿಬೂಬ ಅಸಂತಾಪುರ ಅವರಿಂದ ಕೇಳಿ ಬಂದಿತು.