ಸೋಮವಾರ, ಮಾರ್ಚ್ 1, 2021
24 °C

ರೈಲ್ವೆ ಕೆಳ ಸೇತುವೆ ದುರಸ್ತಿಗೆ ಆಗ್ರಹ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

Deccan Herald

ರಾಮನಗರ: ಇಲ್ಲಿನ ರೈಲು ನಿಲ್ದಾಣದ ಬಳಿಕ ರೈಲ್ವೆ ಕೆಳಸೇತುವೆಯು ಹದಗೆಟ್ಟಿದ್ದು, ಶೀಘ್ರ ದುರಸ್ತಿಪಡಿಸಬೇಕು ಎಂದು ಆಗ್ರಹಿಸಿ ಸೋಶಿಯಲ್ ಡೆಮಾಕ್ರಟಕ್ ಪಾರ್ಟಿ ಆಫ್‌ ಇಂಡಿಯಾ (ಎಸ್‌ಡಿಪಿಐ) ಪದಾಧಿಕಾರಿಗಳು ಸೋಮವಾರ ಪ್ರತಿಭಟನೆ ನಡೆಸಿದರು.

ಈ ಸೇತುವೆಯ ಮೂಲಕ 12 ವಾರ್ಡ್‌ಗಳಿಗೆ ಹಾಗೂ ಹುಣಸನಹಳ್ಳಿ, ಕನಕಪುರಕ್ಕೆ ಸಂಚರಿಸಬೇಕು. ಸೇತುವೆಯ ಕೆಳಭಾಗ ಶಿಥಿಲಗೊಂಡಿದ್ದು, ಸಂಪೂರ್ಣವಾಗಿ ರಸ್ತೆ ಕಿತ್ತುಹೋಗಿದೆ. ಮಳೆ ಬಂದರೆ ನೀರು ನಿಂತುಕೊಂಡು ಜನರಿಗೆ, ವಾಹನ ಸವಾರರಿಗೆ ತುಂಬಾ ತೊಂದರೆಯಾಗುತ್ತಿದೆ ಎಂದರು.

ಕೆಳಸೇತುವೆಯಲ್ಲಿ ಮಳೆನೀರಿನ ಜತೆಗೆ ಚರಂಡಿ ನೀರು ನಿಂತುಕೊಂಡು ದುರ್ವಾಸನೆ ಬರುತ್ತಿದೆ. ಕೆಳಸೇತುವೆಯಲ್ಲಿ ಉಂಟಾಗಿರುವ ಅವ್ಯವಸ್ಥೆಯನ್ನು ಸರಿಪಡಿಸಿ ಎಂದು ಹಲವು ಬಾರಿ ನಗರಸಭೆಗೆ ಮನವಿ ನೀಡಿದ್ದರೂ ಪ್ರಯೋಜನವಾಗಿಲ್ಲ ಎಂದು ದೂರಿದರು.

ಕೆಳಸೇತುವೆಯ ಮೂಲಕ ದಿನದ 24 ಗಂಟೆಯೂ ಜನರು ಸಂಚರಿಸುತ್ತಿರುತ್ತಾರೆ. ಇಲ್ಲಿ ವಿದ್ಯುತ್‌ ದೀಪಗಳ ವ್ಯವಸ್ಥೆಯನ್ನು ಮಾಡಬೇಕು. ಆರ್‌ಎನ್‌ಎ ಸಭಾಂಗಣ ಮುಂಭಾಗ ಇರುವ ಯುಜಿಡಿಯನ್ನು ದುರಸ್ತಿಗೊಳಿಸಬೇಕು. ಕೆಳ ಸೇತುವೆಯನ್ನು ಸರಿಪಡಿಸಿ ನಾಗರಿಕರು ಸಂಚರಿಸಲು ಅನುಕೂಲ ಮಾಡಿಕೊಡಬೇಕು ಎಂದು ಒತ್ತಾಯಿಸಿದರು.

ಎಸ್‌ಡಿಪಿಐ ಪದಾಧಿಕಾರಿಗಳಾದ ಶಕೀಲ್ ಪಾಷಾ, ಸಯ್ಯದ್ ಅಸಾದ್‌ ಉಲ್ಲಾ, ಸಯ್ಯದ್ ಮತೀನ್, ಹುಮಾಯೂನ್ ಷರೀಫ್‌, ಸಲೀಂ, ಆಮ್ಜದ್‌ ಷರೀಫ್‌, ರೈತ ಮುಖಂಡ ಸೀಬೆಕಟ್ಟೆ ಕೃಷ್ಣಪ್ಪ ಇದ್ದರು.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು