ಆರ್‌ಟಿಪಿಎಸ್‌: ವಿದ್ಯುತ್ ಉತ್ಪಾದನೆ ಕಡಿತ

7

ಆರ್‌ಟಿಪಿಎಸ್‌: ವಿದ್ಯುತ್ ಉತ್ಪಾದನೆ ಕಡಿತ

Published:
Updated:

ಶಕ್ತಿನಗರ: ಜಲ ವಿದ್ಯುತ್‌ ಘಟಕಗಳಲ್ಲಿ ಉತ್ಪಾದನೆ ಹೆಚ್ಚಾಗಿರುವುದರಿಂದ ರಾಯಚೂರು ಶಾಖೋತ್ಪನ್ನ ವಿದ್ಯುತ್ ಸ್ಥಾವರದ (ಆರ್‌ಟಿಪಿಎಸ್‌) ವಿದ್ಯುತ್‌ ಘಟಕಗಳ ಉತ್ಪಾದನೆ ಕಡಿಮೆ ಮಾಡಲಾಗಿದೆ.

ರಾಜ್ಯದ ನದಿ ಪಾತ್ರದಲ್ಲಿ ಧಾರಾಕಾರ ಮಳೆಯಾಗಿದ್ದರಿಂದ ಉತ್ಪಾದನೆ ಹೆಚ್ಚಳವಾಗಿದೆ. ಶಾಖೋತ್ಪನ್ನ ಸ್ಥಾವರದ ಮೇಲಿನ ಒತ್ತಡ ಸಹಜವಾಗಿ ತಗ್ಗಿದೆ.

ಜೂನ್‌ 20ರ ನಂತರ ಆರ್‌ಟಿಪಿಎಸ್‌ನ 2ನೇ ಘಟಕದ ಉತ್ಪಾದನೆ 37 ದಿನ, 3ನೇ ಘಟಕ– 24 ದಿನ, 6ನೇ ಘಟಕ– 36 ದಿನ, 8ನೇ ಘಟಕವನ್ನು 30 ದಿನ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ. ಇದರಿಂದ ₹50 ಕೋಟಿ ನಷ್ಟ ಸಂಭವಿಸಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

1,720 ಮೆಗಾವಾಟ್‌ ಸಾಮರ್ಥ್ಯದ ಎಂಟು ಘಟಕಗಳಿಂದ ಪೂರ್ಣ ಪ್ರಮಾಣದ ಉತ್ಪಾದನೆಯಾದರೆ ನಿರ್ವಹಣೆಗೆ ದಿನಕ್ಕೆ 6 ಕೋಟಿ ಖರ್ಚಾಗುತ್ತದೆ ಎಂದು ಆರ್‌ಟಿಪಿಎಸ್‌ ಮುಖ್ಯ ಕಾರ್ಯನಿರ್ವಹಣಾ ನಿರ್ದೇಶಕ ಸಿ.ಬಿ.ಯಲ್ಲಟ್ಟಿ ತಿಳಿಸಿದರು.

250 ಮೆಗಾವಾಟ್ ಸಾಮರ್ಥ್ಯದ 8ನೇ ಘಟಕದಲ್ಲಿ ವಿದ್ಯುತ್ ಉತ್ಪಾದನೆಗೆ ಮಂಗಳವಾರ ಚಾಲನೆ ನೀಡಲಾಗಿದೆ. 210 ಮೆಗಾವಾಟ್‌ ಸಾಮರ್ಥ್ಯದ 1,4,5ನೇ ಘಟಕ ಸೇರಿ 650 ಮೆಗಾವಾಟ್ ಉತ್ಪಾದನೆ ಆಗುತ್ತಿದೆ ಎಂದು ಅವರು ಹೇಳಿದರು.

ಯರಮರಸ್‌ ಶಾಖೋತ್ಪನ್ನ ವಿದ್ಯುತ್ ಸ್ಥಾವರದ (ವೈಟಿಪಿಎಸ್‌) ತಲಾ 800 ಮೆಗಾವಾಟ್‌ ಸಾಮರ್ಥ್ಯದ ಎರಡು ವಿದ್ಯುತ್‌ ಘಟಕಗಳ ಉತ್ಪಾದನೆಯನ್ನು ಕೂಡ ತಾತ್ಕಾಲಿಕವಾಗಿ ಸ್ಥಗಿತಗೊಳಿಸಲಾಗಿದೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !