‘ಎಲ್ಲ ಚಿಂತಕರ ಆಶಯ ಸಾಮಾಜಿಕ ಸಮಾನತೆ’

7
ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ನಿಂದ ವಿಶೇಷ ಉಪನ್ಯಾಸ ಆಯೋಜನೆ

‘ಎಲ್ಲ ಚಿಂತಕರ ಆಶಯ ಸಾಮಾಜಿಕ ಸಮಾನತೆ’

Published:
Updated:
Deccan Herald

ರಾಯಚೂರು: ವಿವಿಧ ಕಾಲಘಟ್ಟದಲ್ಲಿ ಹಲವಾರು ಚಿಂತಕರು ಸಮಾಜದ ಏಳಿಗೆಗೆ ಶ್ರಮಿಸಿದ್ದಾರೆ. ಅದರಲ್ಲಿ ಬುದ್ಧ, ಬಸವ, ಲೋಹಿಯಾ, ಮಹಾತ್ಮ ಗಾಂಧಿ ಹಾಗೂ ಡಾ. ಅಂಬೇಡ್ಕರ್ ಮುಂತಾದ ಚಿಂತಕರು ಸಾಮಾಜಿಕ ಸಮಾನತೆಗಾಗಿ ದುಡಿದಿದ್ದಾರೆ. ಇವರೆಲ್ಲರ ಆಶಯ ಸಾಮಾಜಿಕ ಸಮಾನತೆಯಾಗಿತ್ತು ಎಂದು ಹೆಚ್ಚುವರಿ ಜಿಲ್ಲಾಧಿಕಾರಿ ಗೋವಿಂದರೆಡ್ಡಿ ಹೇಳಿದರು.

ನಗರದ ಕನ್ನಡ ಭವನದಲ್ಲಿ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ನಿಂದ ಈಚೆಗೆ ಏರ್ಪಡಿಸಿದ್ದ ವಿಶೇಷ ಉಪನ್ಯಾಸ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಕರ್ನಾಟಕ ವಿಶ್ವವಿದ್ಯಾಲಯದ ಕನ್ನಡ ಪ್ರಾಧ್ಯಾಪಕ ನಿಂಗಪ್ಪ ಮುದೆನೂರು ಮಾತನಾಡಿ, ಬಸವಣ್ಣ ಮತ್ತು ಲೋಹಿಯಾ ಇಬ್ಬರ ಚಿಂತನೆಗಳು ಒಂದೇ ದಾರಿಯಲ್ಲಿ ಸಾಗಿವೆ. ಆದರೆ ಇವರು ಕಾಲ ಘಟ್ಟಗಳಲ್ಲಿ ತುಳಿದ ದಾರಿ ಬೇರೆ ಬೇರೆಯಾಗಿತ್ತು, ಬಸವಣ್ಣನವರು ವಚನಗಳ ಮೂಲಕ ಜನಜಾಗೃತಿ ಮಾಡಿದರೆ ಲೋಹಿಯಾ ಅವರು ಸಾಮಾಜಿಕ ವರ್ಗಗಳ ವಿರುದ್ಧ ಧ್ವನಿ ಎತ್ತಿದರು ಎಂದರು.

ಉಸ್ಮಾನಿಯಾ ವಿಶ್ವವಿದ್ಯಾಲಯದ ಕನ್ನಡ ಪ್ರಾಧ್ಯಾಪಕ ಲಿಂಗಪ್ಪ ಗೋನಾಳ ಮಾತನಾಡಿ, ಗಾಂಧೀಜಿ ಅವರು ಜಾತಿವ್ಯವಸ್ಥೆ ಕುರಿತು ವರ್ಣಾಶ್ರಮ ವ್ಯವಸ್ಥೆಯೊಳಗೆ ಪರಿಹಾರ ನೀಡಲು ಬಯಸಿದ್ದರು. ಆದರೆ ಅಂಬೇಡ್ಕರ್ ಅವರು ವರ್ಣಾಶ್ರಮ ವ್ಯವಸ್ಥೆಯ ನಾಶವೇ ಜಾತಿಯ ನಾಶ ಎಂದು ಬಯಸಿದ್ದರು. ಗಾಂಧಿ ಮತ್ತು ಅಂಬೇಡ್ಕರ್‌ರ ಚಿಂತನೆಗಳನ್ನು ವೈಯಕ್ತಿಕವಾಗಿ ಸ್ವೀಕರಿದೆ ಸಾಮೂಹಿಕವಾಗಿ ಸ್ವೀಕರಿಸಿದಾಗ ಪರಿಹಾರಗಳು ಸಾಧ್ಯ ಎಂದು ಅಭಿಪ್ರಾಯಪಟ್ಟರು.

ಅಧ್ಯಕ್ಷತೆ ವಹಿಸಿದ್ದ ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್ತಿ ಅಧ್ಯಕ್ಷ ಡಾ.ಬಸವಪ್ರಭು ಪಾಟೀಲ ಬೆಟ್ಟದೂರು ಮಾತನಾಡಿ, ಎಲ್ಲಾ ಚಿಂತಕರು ಮಾನವ ಕಲ್ಯಾಣದ ಆಶಯದೊಂದಿಗೆ ತಮ್ಮ ಚಿಂತನೆಗಳನ್ನು ನೀಡಿದ್ದಾರೆ. ಇವರಲ್ಲಿ ಬುದ್ಧ, ಬಸವ, ಲೋಹಿಯಾ ಗಾಂಧಿ, ಅಂಬೇಡ್ಕರ್ ಪ್ರಮುಖರು. ಈ ದೇಶದ ಅಸಮಾನತೆಯ ಬಗ್ಗೆ ಇವರ ಚಿಂತನೆಗಳು ಹೋರಾಟಗಳು ಹಾಗೂ ಜನಜಾಗೃತಿ ಮೂಲಕ ಸಮಾನತೆ ಕಡೆಗೆ ನಮ್ಮನ್ನು ನಡೆಸಿದ್ದಾರೆ ಎಂದು ಹೇಳಿದರು.

ಜಿಲ್ಲಾ ಕನ್ನಡ ಸಾಹಿತ್ಯ ಪರಿಷತ್‌ ಕೋಶಾಧ್ಯಕ್ಷ ಮಹಾದೇವಪ್ಪ ಹಾಗೂ ಗೌರವ ಅಧ್ಯಕ್ಷ ಡಾ. ಸುರೇಶ ಸಗರದ ಇದ್ದರು.

ಕಾರ್ಯದರ್ಶಿ ಭೀಮನಗೌಡ ಇಟಗಿ ಸ್ವಾಗತಿಸಿದರು. ಗೌರವ ಕಾರ್ಯದರ್ಶಿಜೆ ಎಲ್. ಈರಣ್ಣ ಅವರು ಪ್ರಾಸ್ತಾವಿಕ ಮಾತನಾಡಿ, ಅತಿಥಿಗಳನ್ನು ಪರಿಚಯಸಿದರು. ಸುರೇಶ ಕುರ್ಡಿ ವಂದಿಸಿದರು. ರಾಮಣ್ಣ ಬೊಯರ್ ನಿರೂಪಿಸಿದರು.

Tags: 

ಬರಹ ಇಷ್ಟವಾಯಿತೆ?

  • 0

    Happy
  • 0

    Amused
  • 0

    Sad
  • 0

    Frustrated
  • 0

    Angry

Comments:

0 comments

Write the first review for this !