<p><strong>ಮಾನ್ವಿ</strong>: ‘ಮೈ ನೇಮ್ ಈಸ್ ಸ್ವಾತಿ. ಐ ಆ್ಯಮ್ ಸ್ಟಡಿಂಗ್ ಇನ್ ಸೆವೆಂಥ್ ಸ್ಟ್ಯಾಂಡರ್ಡ್. ಐ ಆ್ಯಮ್ ಗೋಯಿಂಗ್ ಟು ಎಕ್ಸ್ಪ್ಲೇನ್ ಯು ಅಬೌಟ್ ಪ್ರಿಪೊಸಿಷನ್ಸ್...’ ಎನ್ನುತ್ತ ವಿದ್ಯಾರ್ಥಿನಿ ಸ್ವಾತಿ ಇಂಗ್ಲಿಷ್ ವ್ಯಾಕರಣದ ಪೂರ್ವ ಪ್ರತ್ಯಯಗಳ ಕುರಿತು ಇಂಗ್ಲಿಷ್ನಲ್ಲಿ ಪಟಪಟನೇ ವಿವರಿಸಿದಳು.</p>.<p>ಐದನೇ ತರಗತಿ ವಿದ್ಯಾರ್ಥಿ ಭೀಮನಗೌಡ, ‘ಫೀಲಿಂಗ್ ಮಾಡೆಲ್’ ತೋರಿಸುತ್ತ ಮನುಷ್ಯನ ಕೋಪ, ಖುಷಿ, ದುಃಖ ಮತ್ತಿತರ ಭಾವನೆಗಳ ಬಗೆಗೆ ಇಂಗ್ಲಿಷ್ನಲ್ಲಿ ಮಾಹಿತಿ ನೀಡಿದನು.</p>.<p>ತಾಲ್ಲೂಕಿನ ಮುಷ್ಟೂರು ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶುಕ್ರವಾರ ಆರಂಭವಾದ ಎರಡು ದಿನಗಳ ಇಂಗ್ಲಿಷ್ ಭಾಷಾ ಕಲಿಕಾ ಮೇಳದಲ್ಲಿ ಈ ದೃಶ್ಯ ಕಂಡುಬಂತು.</p>.<p>ಸರ್ಕಾರಿ ಶಾಲೆ ಎಂದರೆ ತಾತ್ಸಾರದಿಂದ ನೋಡುವವರು, ವಿದ್ಯಾರ್ಥಿಗಳ ಇಂಗ್ಲಿಷ್ ಭಾಷಾ ಕೌಶಲ ಕಂಡು ವಿಸ್ಮಯಗೊಂಡರು. ಮೇಳದಲ್ಲಿ ಇಂಗ್ಲಿಷ್ ವಿಷಯದ ಬೋಧನೆ ಮತ್ತು ಕಲಿಕೆಗೆ ಸಂಬಂಧಿಸಿದ 85ಕ್ಕೂ ಹೆಚ್ಚು ಮಾದರಿಗಳನ್ನು ಪ್ರದರ್ಶನಕ್ಕಿಡಲಾಗಿದೆ.</p>.<p>ಶಾಲೆಯ ಮಕ್ಕಳು ತಮಗೆ ನೀಡಲಾದ ಮಾದರಿಗಳ ಬಗ್ಗೆ ಇಂಗ್ಲಿಷ್ ಭಾಷೆಯಲ್ಲಿಯೇ ವಿವರಿಸುವ ರೀತಿ, ಅವರ ಕಲಿಕೆ–ಗ್ರಹಿಕೆ ಸಾಮರ್ಥ್ಯಕ್ಕೆ ಕನ್ನಡಿ ಹಿಡಿಯಿತು.</p>.<p>ಇಂಗ್ಲಿಷ್ ಭಾಷಾ ಬೋಧಕರ ಕೊರತೆಯಿಂದ ಗ್ರಾಮೀಣ ಭಾಗದ ಅನೇಕ ಸರ್ಕಾರಿ ಶಾಲೆಗಳಲ್ಲಿ ಇಂಗ್ಲಿಷ್ ಕಬ್ಬಿಣದ ಕಡಲೆ ಎಂದೇ ಜನಜನಿತ. ಇದಕ್ಕೆ ಅಪವಾದ ಎಂಬಂತೆ ಈ ಸರ್ಕಾರಿ ಶಾಲೆ ಮಕ್ಕಳು ಅರಳು ಹುರಿದಂತೆ ಇಂಗ್ಲಿಷ್ನಲ್ಲೇ ಪರಿಚಯಿಸಿಕೊಂಡು, ಇಂಗ್ಲಿಷ್ ವ್ಯಾಕರಣ, ಶಾಲೆ, ಕುಟುಂಬ ಹಾಗೂ ಪರಿಸರಕ್ಕೆ ಸಂಬಂಧಿಸಿದ ಮಾದರಿಗಳ ವಿವರಣೆ ನೀಡಿದರು. ಇದಕ್ಕೆ ಪಾಲಕರೊಂದಿಗೆ, ಶಿಕ್ಷಣ ಇಲಾಖೆ ಅಧಿಕಾರಿಗಳು, ಗ್ರಾಮಸ್ಥರ ಮೆಚ್ಚುಗೆಗೆ ಪಾತ್ರವಾಯಿತು.</p>.<p>ಶಾಲೆಯ ಮುಖ್ಯ ಶಿಕ್ಷಕಿ ಸರೋಜಾ ಮಾತನಾಡಿ, ‘ಶಾಲೆಯಲ್ಲಿ ಕಲಿಕೆಯ ಜತೆಗೆ ಮಕ್ಕಳ ಪ್ರತಿಭೆ ಗುರುತಿಸುವ ಚಟುವಟಿಕೆಗಳಿಗೂ ಹೆಚ್ಚಿನ ಆದ್ಯತೆ ನೀಡಲಾಗುತ್ತಿದೆ’ ಎಂದು ತಿಳಿಸಿದರು.</p>.<h2>ಶಿಕ್ಷಕರ ಕೊರತೆ:</h2>.<p>1971ರಲ್ಲಿ ಆರಂಭವಾದ ಈ ಶಾಲೆಗೆ 50 ವರ್ಷಗಳ ಇತಿಹಾಸವಿದೆ. ಒಂಬತ್ತು ಕಾಯಂ ಶಿಕ್ಷಕರ ಹುದ್ದೆಗಳು ಮಂಜೂರಾಗಿದ್ದು, ಆರು ಹುದ್ದೆಗಳು ಖಾಲಿಯಿವೆ. ಸದ್ಯ ಮೂವರು ಕಾಯಂ ಶಿಕ್ಷಕಿಯರ ಜತೆಗೆ ಐವರು ಅತಿಥಿ ಶಿಕ್ಷಕರು ಸೇವೆ ಸಲ್ಲಿಸುತ್ತಿದ್ದಾರೆ. ಪ್ರಸ್ತುತ 1ರಿಂದ 7ನೇ ತರಗತಿವರೆಗೆ ಒಟ್ಟು 220 ವಿದ್ಯಾರ್ಥಿಗಳು ಓದುತ್ತಿದ್ದಾರೆ.</p>.<p>‘ಪ್ರಸಕ್ತ ಶೈಕ್ಷಣಿಕ ವರ್ಷದಿಂದ ಎಲ್.ಕೆ.ಜಿ ವಿಭಾಗ ಆರಂಭವಾಗಿದ್ದು, 19 ಮಕ್ಕಳು ಪ್ರವೇಶ ಪಡೆದಿದ್ದಾರೆ. ಖಾಲಿ ಹುದ್ದೆಗಳ ಭರ್ತಿ ಸೇರಿದಂತೆ ಶಾಲೆಗೆ ಅಗತ್ಯ ಮೂಲಸೌಕರ್ಯ ಕಲ್ಪಿಸಬೇಕು’ ಎಂಬುದು ಗ್ರಾಮಸ್ಥರ ಒತ್ತಾಯ.</p>.<div><blockquote>ಇಂಗ್ಲಿಷ್ ಭಾಷಾ ಮೇಳದಲ್ಲಿ ಭಾಗಿಯಾದ ಮಕ್ಕಳ ಖುಷಿ ಉತ್ಸಾಹ ಹಾಗೂ ದೊರೆತ ಸ್ಪಂದನೆ ಇನ್ನಷ್ಟು ಶೈಕ್ಷಣಿಕ ಚಟುವಟಿಕೆಗಳ ಆಯೋಜನೆಗೆ ಪ್ರೇರಣೆ ನೀಡಿದೆ</blockquote><span class="attribution">ಝರೀನಾ ಇಂಗ್ಲಿಷ್ ಭಾಷಾ ಮೇಳದ ಸಂಚಾಲಕಿ</span></div>.<div><blockquote>ಇಂಗ್ಲಿಷ್ ಭಾಷಾ ಮೇಳ ವಿದ್ಯಾರ್ಥಿಗಳ ಕಲಿಕೆ ಉತ್ತಮಗೊಳಿಸಲು ಪೂರಕ. ಎಲ್ಲಾ ಶಾಲೆಗಳಲ್ಲಿ ಇಂತಹ ಮೇಳಗಳ ಆಯೋಜನೆ ಅಗತ್ಯ</blockquote><span class="attribution">ಕುಬೇರ ಕ್ಷೇತ್ರ ಸಮನ್ವಯಾಧಿಕಾರಿ ಶಿಕ್ಷಣ ಇಲಾಖೆ ಮಾನ್ವಿ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಮಾನ್ವಿ</strong>: ‘ಮೈ ನೇಮ್ ಈಸ್ ಸ್ವಾತಿ. ಐ ಆ್ಯಮ್ ಸ್ಟಡಿಂಗ್ ಇನ್ ಸೆವೆಂಥ್ ಸ್ಟ್ಯಾಂಡರ್ಡ್. ಐ ಆ್ಯಮ್ ಗೋಯಿಂಗ್ ಟು ಎಕ್ಸ್ಪ್ಲೇನ್ ಯು ಅಬೌಟ್ ಪ್ರಿಪೊಸಿಷನ್ಸ್...’ ಎನ್ನುತ್ತ ವಿದ್ಯಾರ್ಥಿನಿ ಸ್ವಾತಿ ಇಂಗ್ಲಿಷ್ ವ್ಯಾಕರಣದ ಪೂರ್ವ ಪ್ರತ್ಯಯಗಳ ಕುರಿತು ಇಂಗ್ಲಿಷ್ನಲ್ಲಿ ಪಟಪಟನೇ ವಿವರಿಸಿದಳು.</p>.<p>ಐದನೇ ತರಗತಿ ವಿದ್ಯಾರ್ಥಿ ಭೀಮನಗೌಡ, ‘ಫೀಲಿಂಗ್ ಮಾಡೆಲ್’ ತೋರಿಸುತ್ತ ಮನುಷ್ಯನ ಕೋಪ, ಖುಷಿ, ದುಃಖ ಮತ್ತಿತರ ಭಾವನೆಗಳ ಬಗೆಗೆ ಇಂಗ್ಲಿಷ್ನಲ್ಲಿ ಮಾಹಿತಿ ನೀಡಿದನು.</p>.<p>ತಾಲ್ಲೂಕಿನ ಮುಷ್ಟೂರು ಗ್ರಾಮದ ಸರ್ಕಾರಿ ಹಿರಿಯ ಪ್ರಾಥಮಿಕ ಶಾಲೆಯಲ್ಲಿ ಶುಕ್ರವಾರ ಆರಂಭವಾದ ಎರಡು ದಿನಗಳ ಇಂಗ್ಲಿಷ್ ಭಾಷಾ ಕಲಿಕಾ ಮೇಳದಲ್ಲಿ ಈ ದೃಶ್ಯ ಕಂಡುಬಂತು.</p>.<p>ಸರ್ಕಾರಿ ಶಾಲೆ ಎಂದರೆ ತಾತ್ಸಾರದಿಂದ ನೋಡುವವರು, ವಿದ್ಯಾರ್ಥಿಗಳ ಇಂಗ್ಲಿಷ್ ಭಾಷಾ ಕೌಶಲ ಕಂಡು ವಿಸ್ಮಯಗೊಂಡರು. ಮೇಳದಲ್ಲಿ ಇಂಗ್ಲಿಷ್ ವಿಷಯದ ಬೋಧನೆ ಮತ್ತು ಕಲಿಕೆಗೆ ಸಂಬಂಧಿಸಿದ 85ಕ್ಕೂ ಹೆಚ್ಚು ಮಾದರಿಗಳನ್ನು ಪ್ರದರ್ಶನಕ್ಕಿಡಲಾಗಿದೆ.</p>.<p>ಶಾಲೆಯ ಮಕ್ಕಳು ತಮಗೆ ನೀಡಲಾದ ಮಾದರಿಗಳ ಬಗ್ಗೆ ಇಂಗ್ಲಿಷ್ ಭಾಷೆಯಲ್ಲಿಯೇ ವಿವರಿಸುವ ರೀತಿ, ಅವರ ಕಲಿಕೆ–ಗ್ರಹಿಕೆ ಸಾಮರ್ಥ್ಯಕ್ಕೆ ಕನ್ನಡಿ ಹಿಡಿಯಿತು.</p>.<p>ಇಂಗ್ಲಿಷ್ ಭಾಷಾ ಬೋಧಕರ ಕೊರತೆಯಿಂದ ಗ್ರಾಮೀಣ ಭಾಗದ ಅನೇಕ ಸರ್ಕಾರಿ ಶಾಲೆಗಳಲ್ಲಿ ಇಂಗ್ಲಿಷ್ ಕಬ್ಬಿಣದ ಕಡಲೆ ಎಂದೇ ಜನಜನಿತ. ಇದಕ್ಕೆ ಅಪವಾದ ಎಂಬಂತೆ ಈ ಸರ್ಕಾರಿ ಶಾಲೆ ಮಕ್ಕಳು ಅರಳು ಹುರಿದಂತೆ ಇಂಗ್ಲಿಷ್ನಲ್ಲೇ ಪರಿಚಯಿಸಿಕೊಂಡು, ಇಂಗ್ಲಿಷ್ ವ್ಯಾಕರಣ, ಶಾಲೆ, ಕುಟುಂಬ ಹಾಗೂ ಪರಿಸರಕ್ಕೆ ಸಂಬಂಧಿಸಿದ ಮಾದರಿಗಳ ವಿವರಣೆ ನೀಡಿದರು. ಇದಕ್ಕೆ ಪಾಲಕರೊಂದಿಗೆ, ಶಿಕ್ಷಣ ಇಲಾಖೆ ಅಧಿಕಾರಿಗಳು, ಗ್ರಾಮಸ್ಥರ ಮೆಚ್ಚುಗೆಗೆ ಪಾತ್ರವಾಯಿತು.</p>.<p>ಶಾಲೆಯ ಮುಖ್ಯ ಶಿಕ್ಷಕಿ ಸರೋಜಾ ಮಾತನಾಡಿ, ‘ಶಾಲೆಯಲ್ಲಿ ಕಲಿಕೆಯ ಜತೆಗೆ ಮಕ್ಕಳ ಪ್ರತಿಭೆ ಗುರುತಿಸುವ ಚಟುವಟಿಕೆಗಳಿಗೂ ಹೆಚ್ಚಿನ ಆದ್ಯತೆ ನೀಡಲಾಗುತ್ತಿದೆ’ ಎಂದು ತಿಳಿಸಿದರು.</p>.<h2>ಶಿಕ್ಷಕರ ಕೊರತೆ:</h2>.<p>1971ರಲ್ಲಿ ಆರಂಭವಾದ ಈ ಶಾಲೆಗೆ 50 ವರ್ಷಗಳ ಇತಿಹಾಸವಿದೆ. ಒಂಬತ್ತು ಕಾಯಂ ಶಿಕ್ಷಕರ ಹುದ್ದೆಗಳು ಮಂಜೂರಾಗಿದ್ದು, ಆರು ಹುದ್ದೆಗಳು ಖಾಲಿಯಿವೆ. ಸದ್ಯ ಮೂವರು ಕಾಯಂ ಶಿಕ್ಷಕಿಯರ ಜತೆಗೆ ಐವರು ಅತಿಥಿ ಶಿಕ್ಷಕರು ಸೇವೆ ಸಲ್ಲಿಸುತ್ತಿದ್ದಾರೆ. ಪ್ರಸ್ತುತ 1ರಿಂದ 7ನೇ ತರಗತಿವರೆಗೆ ಒಟ್ಟು 220 ವಿದ್ಯಾರ್ಥಿಗಳು ಓದುತ್ತಿದ್ದಾರೆ.</p>.<p>‘ಪ್ರಸಕ್ತ ಶೈಕ್ಷಣಿಕ ವರ್ಷದಿಂದ ಎಲ್.ಕೆ.ಜಿ ವಿಭಾಗ ಆರಂಭವಾಗಿದ್ದು, 19 ಮಕ್ಕಳು ಪ್ರವೇಶ ಪಡೆದಿದ್ದಾರೆ. ಖಾಲಿ ಹುದ್ದೆಗಳ ಭರ್ತಿ ಸೇರಿದಂತೆ ಶಾಲೆಗೆ ಅಗತ್ಯ ಮೂಲಸೌಕರ್ಯ ಕಲ್ಪಿಸಬೇಕು’ ಎಂಬುದು ಗ್ರಾಮಸ್ಥರ ಒತ್ತಾಯ.</p>.<div><blockquote>ಇಂಗ್ಲಿಷ್ ಭಾಷಾ ಮೇಳದಲ್ಲಿ ಭಾಗಿಯಾದ ಮಕ್ಕಳ ಖುಷಿ ಉತ್ಸಾಹ ಹಾಗೂ ದೊರೆತ ಸ್ಪಂದನೆ ಇನ್ನಷ್ಟು ಶೈಕ್ಷಣಿಕ ಚಟುವಟಿಕೆಗಳ ಆಯೋಜನೆಗೆ ಪ್ರೇರಣೆ ನೀಡಿದೆ</blockquote><span class="attribution">ಝರೀನಾ ಇಂಗ್ಲಿಷ್ ಭಾಷಾ ಮೇಳದ ಸಂಚಾಲಕಿ</span></div>.<div><blockquote>ಇಂಗ್ಲಿಷ್ ಭಾಷಾ ಮೇಳ ವಿದ್ಯಾರ್ಥಿಗಳ ಕಲಿಕೆ ಉತ್ತಮಗೊಳಿಸಲು ಪೂರಕ. ಎಲ್ಲಾ ಶಾಲೆಗಳಲ್ಲಿ ಇಂತಹ ಮೇಳಗಳ ಆಯೋಜನೆ ಅಗತ್ಯ</blockquote><span class="attribution">ಕುಬೇರ ಕ್ಷೇತ್ರ ಸಮನ್ವಯಾಧಿಕಾರಿ ಶಿಕ್ಷಣ ಇಲಾಖೆ ಮಾನ್ವಿ</span></div>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>