22 ರಿಂದ ವಕ್ರದಂತ ಪಂಕ್ತಿ ಚಿಕಿತ್ಸಾ ವಾರ

ಸಂಸ್ಥೆಯ ಅಧ್ಯಕ್ಷ ಎಸ್‌.ಅರ್‌. ರೆಡ್ಡಿ ಮಾರ್ಗದರ್ಶನ ಹಾಗೂ ವಕ್ರದಂತ ಪಕ್ತಿ ಚಿಕಿತ್ಸಾ ವಿಭಾಗದ ಮುಖ್ಯಸ್ಥ ಡಾ. ಸೂಗಾರೆಡ್ಡಿ ನೇತೃತ್ವದಲ್ಲಿ 22 ರ ಬೆಳಿಗ್ಗೆ 10 ಗಂಟೆಗೆ ವಕ್ರದಂತ ಪಂಕ್ತಿ ಚಿಕಿತ್ಸಾ ವಾರ ಉದ್ಘಾಟನೆ ಮಾಡಲಾಗುವುದು. ರಾಯಚೂರು ಸುತ್ತಮುತ್ತಲಿನ ಗ್ರಾಮಸ್ಥರು ಕಾರ್ಯಕ್ರಮದಲ್ಲಿ ಪಾಲ್ಗೊಳ್ಳಲಿದ್ದಾರೆ ಎಂದು ತಿಳಿಸಿದ್ದಾರೆ.

ವಕ್ರದಂತ ಪಂಕ್ತಿಯ ಚಿಕಿತ್ಸೆಯನ್ನು ಚಿಕ್ಕ ಚಿಕ್ಕ ಲೋಹದ ಬ್ರಾಕೆಟ್‌ ಮತ್ತು ಉಕ್ಕಿನ ತಂತಿಯಿಂದ ಚಿಕಿತ್ಸೆ ಮಾಡಲಾಗುತ್ತದೆ. ಈ ಚಿಕಿತ್ಸೆಗೆ ಒಳಗಾದವರು ನಗುವಾಗ ದಂತಗಳಿಗೆ ಅಳವಡಿಸಿದ ತಂತಿ ಪ್ರದರ್ಶನವಾಗುವುದರಿಂದ ಕೆಲವರಿಗೆ ಇರುಸು ಮುರುಸಾಗಬಹುದು. ಇದನ್ನು ತಪ್ಪಿಸುವ ಉದ್ದೇಶಕ್ಕಾಗಿ ಹಲ್ಲಿನ ಬಣ್ಣವನ್ನು ಹೋಲುವ ತಂತಿಗಳನ್ನು ಹಾಕಲಾಗುತ್ತದೆ. ಈ ಚಿಕಿತ್ಸೆ ಪಡೆಯುವವರು ತಾಳ್ಮೆ ವಹಿಸುವುದು ತುಂಬಾ ಮುಖ್ಯವಾಗಿದೆ.

ಚಿಕಿತ್ಸಾ ವಾರದ ಅವಧಿಯಲ್ಲಿ ತುಂಬಾ ಕಡಿಮೆ ಶುಲ್ಕ ಇರುತ್ತದೆ. ಸಾರ್ವಜನಿಕರು ಇದರ ಸದುಪಯೋಗ ಪಡೆದುಕೊಳ್ಳಬೇಕು ಎಂದು ಕೋರಿದ್ದಾರೆ.