ಸಭೆಯಲ್ಲಿದ್ದ ಗ್ರಾಪಂ ಸದಸ್ಯರು ಒಟ್ಟೊಟ್ಟಿಗೆ ವಾಗ್ವಾದ ನಡೆಸಿದ್ದಾರೆ. ಕೆಲವು ಸದಸ್ಯರು ಪ್ರೇಮಲತಾ ಅವರನ್ನು ಹಾರುಬೂದಿ ವಿಷಯದ ಬಗ್ಗೆ ಏರುದನಿಯಲ್ಲಿ ಪ್ರಶ್ನಿಸುತ್ತಿದ್ದಾಗ, ಅವರು ಆಸನದಿಂದ ಎದ್ದುನಿಂತು ಮಾತು ಆಲಿಸುತ್ತಿದ್ದರು. ಪ್ರೇಮಲತಾ ಅವರ ಆಸನ ಹಿಂಭಾಗ ನಿಂತಿದ್ದವರ ಪೈಕಿ ಒಬ್ಬ ವ್ಯಕ್ತಿ ಬೆನ್ನಮೇಲೆ ಕೈ ಇಟ್ಟು ಮುಂದೆ ತಳ್ಳಿರುವುದು ವಿಡಿಯೊದಲ್ಲಿದೆ. ಕೂಡಲೇ ಪ್ರತಿರೋಧ ವ್ಯಕ್ತಪಡಿಸಿದ ಪ್ರೇಮಲತಾ ಅವರಿಗೆ 'ನಾನಲ್ಲ... ನಾನವನಲ್ಲ' ಎಂದು ಸದಸ್ಯರು ಜಾರಿಕೊಂಡರು. ಇದ್ದಕ್ಕಿದ್ದಂತೆ ಪ್ರೇಮಲತಾ ಅವರನ್ನು ಸಭೆಯಿಂದ ಕೈ ಹಿಡಿದು ಹೊರ ಕಳುಹಿಸಲಾಯಿತು.