ರಾಯಚೂರು ಜಿಲ್ಲಾ ಕಸಾಪ ಚುನಾವಣೆ: ಶೇ 62.75 ಮತದಾನ

ಒಟ್ಟು 6,084 ಮತಗಳ ಮತದಾರರ ಪೈಕಿ 3,818 ಮತದಾರರು ಹಕ್ಕು ಚಲಾಯಿಸಿದ್ದಾರೆ. ಸಿಂಧನೂರಿನಲ್ಲಿ 616, ಸಿರವಾರದಲ್ಲಿ 293, ಮಾನ್ವಿಯಲ್ಲಿ 703, ಹಿರೇಕೊಟ್ನೆಕಲ್‌ನಲ್ಲಿ 255, ದೇವದುರ್ಗದಲ್ಲಿ 494, ರಾಯಚೂರಿನಲ್ಲಿ 755, ಮಸ್ಕಿಯಲ್ಲಿ 226 ಹಾಗೂ ಲಿಂಗಸುಗೂರಿನಲ್ಲಿ 476 ಮತಗಳು ಚಲಾವಣೆಯಾಗಿವೆ.

ಬೆಳಿಗ್ಗೆ 8 ಗಂಟೆಗೆ ಆರಂಭವಾಗಿದ್ದ ಮತದಾನವು ಸಂಜೆ 4 ಗಂಟೆಗೆ ಮುಕ್ತಾಯವಾಗಿದೆ. ಆಯಾ ಮತಗಟ್ಟೆಗಳಲ್ಲೇ ಮತಗಳ ಎಣಿಕೆ ಪ್ರಾರಂಭವಾಗಿದ್ದು, ಜಿಲ್ಲಾ ಕೇಂದ್ರದಲ್ಲಿ ಮತಗಳ ಎಣಿಕೆ ಮಾಹಿತಿ ಕ್ರೋಢೀಕರಿಸಲಾಗುತ್ತಿದೆ. ಚುನಾವಣೆ ಅಧಿಕಾರಿ ಡಾ.ಹಂಪಣ್ಣ ಸಜ್ಜನ್‌ ಅವರು ಫಲಿತಾಂಶ ಘೋಷಣೆ ಮಾಡಲಿದ್ದಾರೆ.