ಅಂಗಡಿ ಎದುರು ಹಾಯ್ದುಹೋಗುತ್ತಿದ್ದ ಇಬ್ಬರು ಬಾಲಕಿಯರಿಗೆ ಚಾಕೋಲೆಟ್ ಹಾಗೂ ಇತರೆ ತಿಂಡಿ, ತಿನಿಸು ಕೊಟ್ಟು ಒಳಗಡೆ ಕರೆದೊಯ್ದು, ಇಬ್ಬರ ಬಾಯಲ್ಲಿ ಬಟ್ಟೆ ತುಂಬಿ ಅತ್ಯಾಚಾರ ನಡೆಸಿದ್ದ. ಆನಂತರ ಕೈತುಂಬ ಸ್ಟೇಷನರಿ ವಸ್ತುಗಳನ್ನು ಕೊಟ್ಟು ವಿಷಯ ಬಾಯಿ ಬಿಡದಂತೆ ಎಚ್ಚರಿಕೆ ನೀಡಿದ್ದ. ಫೆಬ್ರುವರಿ 25 ರಂದು ಘಟನೆ ನಡೆದಿದ್ದನ್ನು ಎರಡು ವಾರ ತಡವಾಗಿ ಬಾಲಕಿಯರು ಮನೆಯವರಿಗೆ ಹೇಳಿದ್ದಾರೆ. ಇದರ ಸುಳಿವು ಸಿಗುತ್ತಿದ್ದಂತೆ ಆರೋಪಿ ಪರಾರಿಯಾಗಿದ್ದ. ಸಿಂಧನೂರು ಗ್ರಾಮೀಣ ಠಾಣೆ ಪೊಲೀಸರು ಕಾರ್ಯಾಚರಣೆ ನಡೆಸಿ ಆರೋಪಿಯನ್ನು ಬಂಧಿಸಿ, ನ್ಯಾಯಾಂಗ ವಶಕ್ಕೆ ಒಪ್ಪಿಸಿದ್ದಾರೆ.