ಯುವಕನೊಬ್ಬನ ಹೆಗಲ ಮೇಲೆ ಕೈ ಇಟ್ಟು ಮಾತನಾಡುತ್ತಿದ್ದವರು ಇದ್ದಕ್ಕಿದ್ದಂತೆ ಆತನನ್ನು ಹೊಡೆದು ಎಳೆದುಕೊಂಡು ಹೋಗಲಾರಂಭಿಸಿದ್ದನ್ನು ನೋಡಿದ ಜನರು ರಕ್ಷಿಸಲು ಮುಂದಾಗಿದ್ದಾರೆ. ಆದರೆ ಎಂಎಚ್ ಪಾಸಿಂಗ್ ಕಾರಿನಲ್ಲಿ ಬಂದಿದ್ದ ಗುಂಪಿನಲ್ಲಿದ್ದ ಯುವಕನೊಬ್ಬ ಗಾಳಿಯಲ್ಲಿ ಗುಂಡು ಹಾರಿಸಿದ್ದರಿಂದ ಜನರು ಹೆದರಿ ಹಿಂಜರಿದಿದ್ದಾರೆ. ಕೂಡಲೇ ಅಪರಿಚಿತ ಯುವಕನನ್ನು ಅಪರಿಚಿತರ ಗುಂಪು ಕಾರಿನೊಳಗೆ ಹಾಕಿಕೊಂಡು ಶರವೇಗದಲ್ಲಿ ಪರಾರಿಯಾದರು ಎಂದು ಪ್ರತ್ಯೇಕ್ಷ ದರ್ಶಿಗಳು 'ಪ್ರಜಾವಾಣಿ'ಗೆ ತಿಳಿಸಿದರು.