ರಾಯಚೂರು: ಎಲ್ಲ ಮಂದಿರಗಳು ಒಂದೇ ಧರ್ಮಕ್ಕೆ ಹಾಗೂ ಸಮಾಜಕ್ಕೆ ಸೀಮಿತವಿಲ್ಲ ಎಂದು ಉಡುಪಿಯ ಪೇಜಾವರ ಮಠದ ಶ್ರೀವಿಶ್ವೇಶ ತೀರ್ಥ ಸ್ವಾಮೀಜಿ ಹೇಳಿದರು.
ನಗರದ ಸಮಾರಂಭದಲ್ಲಿ ಪಾಲ್ಗೊಳ್ಳಲು ಆಗಮಿಸಿದ್ದ ವೇಳೆ ಗುರುವಾರ ಸುದ್ದಿಗಾರರೊಂದಿಗೆ ಮಾತನಡಿದರು.
ಸುಪ್ರೀಂಕೋರ್ಟ್ ನೀಡಿದ ಅಯೋಧ್ಯೆ ತೀರ್ಪು ರಾಷ್ಟ್ರದ ಸಾಮರಸ್ಯಕ್ಕೆ ನಾಂದಿಯಾಗಿದೆ. ಮಸೀದಿ ನಿರ್ಮಾಣಕ್ಕೆ ನೀಡಿರುವ ಜಾಗದ ಬಗ್ಗೆ ಕೆಲವರು ವಿರೋಧಿಸಬಹುದು. ಮಂದಿರಗಳಿಗೆ ಎಲ್ಲ ಧರ್ಮಿಯರು ಪ್ರವೇಶಿಸಬೇಕು. ಮಂದಿರಗಳೆಲ್ಲ ರಾಷ್ಟ್ರಮಂದಿರಗಳು ಎಂದು ವಿಶ್ಲೇಷಿಸಿದರು.
ರಾಮಮಂದಿರ ಒಂದು ವರ್ಷದೊಳಗಾಗಿ ಪೂರ್ಣಗೊಳ್ಳಬೇಕು. ಕೋರ್ಟ್ ಆದೇಶದಂತೆ ಮೂರು ತಿಂಗಳಲ್ಲಿ ಟ್ರಸ್ಟ್ ರಚಿಸಬೇಕು ಎಂದು ಹೇಳಿದರು.
ಶಬರಿಮಲೆಗೆ ಸಂಬಂಧಿಸಿದ ವಿಚಾರವೂ ಸೂಕ್ಷ್ಮತೆಯಿಂದ ಕೂಡಿದೆ. ಒಂದು ಕಡೆ ಸಾಂಪ್ರದಾಯ ಮತ್ತೊಂದು ಕಡೆ ಮಹಿಳೆಯರ ಹಕ್ಕಿನ ವಿಚಾರವೂ ಎಂದು ಹೇಳಿದರು.
