ಯಾರು ಹೇಳಿದ್ದು ಸತ್ಯ?

ಸಿದ್ದರಾಮಯ್ಯ ಅವರು ಮುಖ್ಯಮಂತ್ರಿಯಾಗಿದ್ದಾಗ ರಾಜ್ಯದಲ್ಲಿ ಭ್ರಷ್ಟರು ಇರಲಿಲ್ಲವೇ ಅಥವಾ ಅವರಿಗೆ ಆ ಬಗ್ಗೆ ಮಾಹಿತಿಯೇ ಇರಲಿಲ್ಲವೇ.

ಭ್ರಷ್ಟಾಚಾರ ಗುಪ್ತಗಾಮಿನಿಯಾಗಿ ಹರಿಯುವುದಿಲ್ಲ. ಅದು ಸರ್ವವ್ಯಾಪಿ ಮತ್ತು ಢಾಳಾಗಿ ವಿಜೃಂಭಿಸುತ್ತಿದೆ. ಕಾಣುವ ಕಣ್ಣು, ಶಿಕ್ಷಿಸುವ ದೃಢ ಮನಸ್ಸು ಇದ್ದಿದ್ದರೆ ಈ ಹೊತ್ತಿಗೆ ಆಡಳಿತ ಅದೆಷ್ಟೋ ಪಾಲು ಸುಗಮವಾಗಿರುತ್ತಿತ್ತು. ಜನರು ಇಂಥ ಅದೃಷ್ಟವನ್ನು ಪಡೆದುಕೊಂಡು ಬಂದಿಲ್ಲವೇನೋ! ಹೀಗಾಗಿ ಭ್ರಷ್ಟರು ಬೆಳೆದಿದ್ದಾರೆ, ಶಿಕ್ಷಿಸುವವರು ಕೈಲಾಗದವರಾಗಿದ್ದಾರೆ.