ಲೋಕಸಭಾ ಚುನಾವಣೆಯ ಪ್ರಚಾರದ ಅವಧಿಯನ್ನು ಪರಿಷ್ಕರಿಸಿ ನಿಗದಿ ಪಡಿಸಬೇಕು. ವಿಧಾನಸಭಾ ಚುನಾವಣೆಗೆ 14 ದಿನಗಳ ಪ್ರಚಾರದ ಅವಧಿ ಸಾಕಾಗಲಿದ್ದು, ಲೋಕಸಭೆಗೆ 28 ದಿನ ನಿಗದಿಪಡಿಸಬೇಕು. ಚುನಾವಣೆಗೆ ಮತಯಂತ್ರಗಳನ್ನು ಬಳಕೆ ಮಾಡುವುದರಿಂದ ಮತಎಣಿಕೆ ತ್ವರಿತವಾಗಿ ನಡೆಯಲಿದ್ದು, ಬೆಳಿಗ್ಗೆ 8ಗಂಟೆ ಬದಲಿಗೆ 11ಗಂಟೆಗೆ ಮತಎಣಿಕೆ ಆರಂಭಿಸಲು ಕ್ರಮ ಜರುಗಿಸಬೇಕು. ಏಕ ಅಭ್ಯರ್ಥಿ ಬಹು ಕ್ಷೇತ್ರಗಳಲ್ಲಿ ಸ್ಪರ್ಧಿಸಿ ಆಯ್ಕೆಯಾದಲ್ಲಿ ಒಂದು ಕ್ಷೇತ್ರವನ್ನು ಉಳಿಸಿಕೊಂಡು ಉಳಿದ ಕ್ಷೇತ್ರಗಳಿಗೆ ರಾಜೀನಾಮೆ ನೀಡಿ ಉಪಚುನಾವಣೆ ನಡೆಸಬೇಕಾಗಿದೆ. ಆದ್ದರಿಂದ ಎರಡನೇ ಸ್ಥಾನ ಪಡೆದವರನ್ನು ಪರ್ಯಾಯ ಆಯ್ಕೆಗೆ ಮನ್ನಣೆ ನೀಡಲು ತಿದ್ದುಪಡಿ ತರಬೇಕು ಎಂದರು.