ರಾಯಚೂರು: ಭೋವಿ, ಬಂಜಾರ, ಕೊರಮ, ಕೊರಚ, ಜಾತಿಗಳನ್ನು ಪರಿಶಿಷ್ಟ ಜಾತಿಯ ಪಟ್ಟಿಯಲ್ಲಿ ಮುಂದುವರೆಸಬೇಕು ಎಂದು ಒತ್ತಾಯಿಸಿ ಕರ್ನಾಟಕ ರಾಜ್ಯ ಭೋವಿ (ವಡ್ಡರ) ಸಂಘದ ಜಿಲ್ಲಾ ಸಮಿತಿಯ ಪದಾಧಿಕಾರಿಗಳು ಜಿಲ್ಲಾಡಳಿತಕ್ಕೆ ಸೋಮವಾರ ಮನವಿ ಸಲ್ಲಿಸಿದರು.
ಸ್ವತಂತ್ರ ಪೂರ್ವದಲ್ಲಿ ಮಿಲ್ಲರ್ ಆಯೋಗದ ವರದಿಯನುಸಾರ ಈ ನಾಲ್ಕು ಜಾತಿಗಳು ಶೋಷಿತ ವರ್ಗಗಳ ಪಟ್ಟಿಯಲ್ಲಿದ್ದವು. 1950ರ ಸ್ವತಂತ್ರ ಭಾರತದ ಪ್ರಥಮ ಪರಿಶಿಷ್ಟ ಜಾತಿ ಪಟ್ಟಿಯಲ್ಲಿ ಅಂದಿನ ಮೈಸೂರು ಪ್ರಾಂತ್ಯದ ಸರ್ಕಾರದಲ್ಲಿ ರಾಷ್ಟ್ರಪತಿ ಅವರ ಆದೇಶದಂತೆ ಈ ಜಾತಿಗಳು ಸೇರಿದವು. ಸ್ವತಂತ್ರ ನಂತರವೂ ಈ ಜಾತಿಗಳಿಗೆ ಯಾವುದೇ ಸ್ವತಂತ್ರ ದೊರಕಿಸಿಲ್ಲ. ಈಗ ಈ ಜಾತಿಗಳನ್ನು ಪರಿಶಿಷ್ಟ ಜಾತಿ ಪಟ್ಟಿಯಿಂದ ತೆಗೆಯಲು ಸಂಚು ರೂಪಿಸಲಾಗಿದೆ ಎಂದು ಆರೋಪಿಸಿದರು.
ಈ ಜಾತಿಗಳು ಶೈಕ್ಷಣಿಕ, ಸಾಮಾಜಿಕ ಆರ್ಥಿಕ ಹಾಗೂ ರಾಜಕೀಯವಾಗಿ ಹಿಂದುಳಿದಿದ್ದು ಪರಿಶಿಷ್ಟ ಜಾತಿ ಪಟ್ಟಿಯಲ್ಲಿ ಮುಂದುವರೆಸಬೇಕು ಎಂದು ಆಗ್ರಹಿಸಿದರು.
ಈ ವೇಳೆ ಸಂಘದ ಜಿಲ್ಲಾಧ್ಯಕ್ಷ ಲಕ್ಷ್ಮಣ, ನಾರಯಣ ನಾಯ್ಕ್, ಗೋವಿಂದ ನಾಯ್ಕ, ನರಸಿಂಹಲು, ಶಶಿಕಲಾ ಬೀಮರಾಯ, ಮಾಲಾ ಭಜಂತ್ರಿ, ಈರಣ್ಣ ಮಟಮಾರಿ, ಈರಣ್ಣ , ಈರಣ್ಣ ದೇವಿನಗರ, ವೀರೇಶ ಜಲಾಲ್ ನಗರ, ಯಂಕಪ್ಪ, ಮಲ್ಲಪ್ಪ, ಹುಲಿಗೆಪ್ಪ, ಹನುಮಂತ ಇದ್ದರು.
