ಹಟ್ಟಿಚಿನ್ನದಗಣಿ: ಹತ್ತಿರದ ವಂದಲಿ ಸುಕ್ಷೇತ್ರದಲ್ಲಿ ಯುಗಾದಿ ಪಾಡ್ಯದ ನಿಮಿತ್ತ ಬಲಭೀಮನ ಉತ್ಸವ ಶನಿವಾರ ವಿಜೃಭಣೆಯಿಂದ ಜರುಗಿತು.
ಯುಗಾದಿ ನಿಮಿತ್ತ ಬಲಬೀಮನ ಮೂರ್ತಿಗೆ ಪಂಚಾಮೃತ ಅಭಿಷೇಕ, ವಿಶೇಷ ಅಲಂಕಾರ, ಮಧ್ಯಾಹ್ನ ಅರ್ಚಕರ ಮನೆಯಿಂದ ಉತ್ಸವ ಮೂರ್ತಿ ಮೆರವಣಿಗೆ, ಹಮ್ಮಿಕೊಳ್ಳಲಾಗಿತ್ತು. ಸಂಜೆ ಪಂಚಾಂಗ ಪಠಣ-ಶ್ರವಣ, ಕಾರ್ಯಕ್ರಮಗಳು ಅದ್ದೂರಿಯಾಗಿ ನಡೆದವು. ಆನಂತರ ಉತ್ಸವ ಜರುಗಿತು.
ದೇವಸ್ಥಾನ ಸಮಿತಿ, ಸೇರಿದಂತೆ ಸುತ್ತಮುತ್ತಲ ಗ್ರಾಮಗಳ ಸಾವಿರಾರು ಭಕ್ತರು ಉತ್ಸವದಲ್ಲಿ ಭಾಗವಹಿಸಿದ್ದರು.
